ಬೆಂಗಳೂರು: ಶಿವರಾಜಕುಮಾರ್ ಈಗ ‘ಬೈರಾಗಿ’ಯಾಗಿದ್ದಾರೆ. ಇಷ್ಟು ಹೇಳುತ್ತಿದ್ದಂತೆ ಇದ್ಯಾವುದಿದು ಹೊಸ ಚಿತ್ರ ಎಂಬ ಪ್ರಶ್ನೆ ಬರಬಹುದು. ಬಹುಶಃ ಈ ಬಾರಿಯ ಹುಟ್ಟುಹಬ್ಬಕ್ಕೆ ಘೋಷಣೆಯಾಗಿರುವ ಹೊಸ ಚಿತ್ರವಿರಬಹುದು ಎಂದೆನಿಸಬಹುದು. ಹಾಗೇನಿಲ್ಲ, ‘ಶಿವಪ್ಪ’ ಚಿತ್ರಕ್ಕೆ, ಇದೀಗ ‘ಬೈರಾಗಿ’ ಎಂದು ಮರುನಾಮಕರಣ ಮಾಡಲಾಗಿದೆ. ‘ಶಿವಪ್ಪ’ ಚಿತ್ರದ ಹೆಸರು ಬದಲಾಗಲಿದೆ, ಹೊಸ ಹೆಸರನ್ನು ಶಿವರಾಜಕುಮಾರ್ ಹುಟ್ಟುಹಬ್ಬದಂದು ಘೋಷಿಸಲಾಗುತ್ತದೆ ಎಂದು ಚಿತ್ರತಂಡ ಮೊದಲೇ ಘೋಷಿಸಿತ್ತು. ಅದರಂತೆ ಸೋಮವಾರ ಸಂಜೆ, ಚಿತ್ರಕ್ಕೆ ‘ಬೈರಾಗಿ’ ಎಂಬ ಹೆಸರಿಡಲಾಗಿದೆ ಎಂದು ಅಧಿಕೃತವಾಗಿ ಸೋಷಿಯಲ್ ಮೀಡಿಯಾ ಮೂಲಕ ಘೋಷಿಸಲಾಗಿದೆ. ಈ ಸಂಬಂಧ ಹೊಸ ಶೀರ್ಷಿಕೆ ಅನಾವರಣ ಟೀಸರ್ ಪುನೀತ್ ರಾಜಕುಮಾರ್ ಬಿಡುಗಡೆ ಮಾಡಿದ್ದಾರೆ.
