ಸಂದರ್ಶನದ ಮಧ್ಯೆಯೇ ಪ್ಯಾಂಟ್​ ಬಿಚ್ಚಲು ಯತ್ನಿಸಿದ ನಟ! ಕಕ್ಕಾಬಿಕ್ಕಿಯಾದ ಆ್ಯಂಕರ್​, ವಿಡಿಯೋ ವೈರಲ್​

ಕೊಚ್ಚಿ: ತೆಲುಗು ಟಿವಿ ಸಂದರ್ಶನವೊಂದರಲ್ಲಿ ಮಲಯಾಳಂ ನಟ ಶೈನ್​ ಟಾಮ್​ ಚಾಕೋ, ಕ್ಯಾಮೆರಾ ಮುಂದೆಯೇ ತಮ್ಮ ಬಟ್ಟೆಗಳನ್ನು ಬಿಚ್ಚಲು ಯತ್ನಿಸುವುದರೊಂದಿಗೆ ಮಹಿಳಾ ಆ್ಯಂಕರ್​, ಕಕ್ಕಾಬಿಕ್ಕಿಯಾಗುವಂತೆ ಮಾಡಿದ ಪ್ರಸಂಗ ಜರುಗಿದೆ.

ತೆಲುಗಿನ ಆನ್​​ಲೈನ್​ ಪೋರ್ಟಲ್​ ಮನಾ ಸ್ಟಾರ್ಸ್​ಗೆ ಸಿನಿಮಾ ಕುರಿತು ಸಂದರ್ಶನ ನೀಡುವಾಗ ಈ ವಿಲಕ್ಷಣ ಘಟನೆ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ರಂಗಬಾಲಿ ನಿರ್ದೇಶಕ ಪವನ್​ ಬಾಸಮ​ಸೆಟ್ಟಿ ಮತ್ತು ಶೈನ್​ ಒಟ್ಟಿಗೆ ಸಂದರ್ಶನಕ್ಕೆ ಆಗಮಿಸಿದ್ದರು. ಒಂದು ಹಂತದಲ್ಲಿ ಆ್ಯಂಕರ್​, ಶೈನ್​ ಧರಿಸಿದ್ದ ಶರ್ಟ್​ ಕುರಿತು ಕಾಮೆಂಟ್​ ಮಾಡಿದಾಗ, ದಿಢೀರನೇ ಶೈನ್​ ಅವರು ಶರ್ಟ್​ ಬಟನ್​ ಬಿಚ್ಚಲು ಆರಂಭಿಸಿದರು. ಈ ವೇಳೆ ಪಕ್ಕದಲ್ಲಿ ಕುಳಿತಿದ್ದ ಪವನ್​ ತಡೆಯಲು ಯತ್ನಿಸಿದರು. ಆದರೆ, ಆ್ಯಂಕರ್​ ಶೈನ್​ರನ್ನು ಹುರಿದುಂಬಿಸುವ ಮೂಲಕ ಕಾಲೆಳೆಯಲು ಯತ್ನಿಸಿದರು.

ಇದನ್ನೂ ಓದಿ: ಅವಹೇಳನಕಾರಿ ಪೋಸ್ಟ್; ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವೀಯ ವಿರುದ್ಧ ದೂರು ದಾಖಲು

ಯಾವಾಗ ಶೈನ್​ ಪ್ಯಾಂಟ್​ ಬಿಚ್ಚಲು ಮೇಲೆ ಏಳಲು ಪ್ರಯತ್ನಿಸುತ್ತಿದ್ದಂತೆ ಕಕ್ಕಾಬಿಕ್ಕಿಯಾದ ಆ್ಯಂಕರ್​, ತಮ್ಮ ಮಾತನ್ನು ಹಿಂಪಡೆದು ಶೈನ್​ ಅವರನ್ನು ತಡೆದರು. ಈ ವೇಳೆ ಶೈನ್​ ಸುಮ್ಮನೆ ಕುಳಿತುಕೊಂಡರು. ಸದ್ಯ ವಿಡಿಯೋ ಸಾಮಾಜಿಕ ಜಾಲತಾಣಲ್ಲಿ ವೈರಲ್​ ಆಗಿದೆ.

ಮಲಯಾಳಂ ಸಿನಿಮಾ ರಂಗದಲ್ಲಿ ಖಳನಾಯಕನ ಪಾತ್ರಗಳಲ್ಲಿ ಮಿಂಚು ಹರಿಸಿರುವ ಶೈನ್​, ಅನೇಕ ಸಂದರ್ಶನಗಳಲ್ಲಿ ಕೀಟಲೆಗಳನ್ನು ಮಾಡುವ ಮೂಲಕ ಹಾಸ್ಯ ಚಟಾಕಿ ಹಾರಿಸುತ್ತಲೇ ಇರುತ್ತಾರೆ. ಈ ವಿಡಿಯೋ ಅದಕ್ಕೆ ಸಾಕ್ಷಿಯಾಗಿದೆ. (ಏಜೆನ್ಸೀಸ್​)

https://www.vijayavani.net/kamal-haasan-gifts-car-to-woman-bus-driver-who-had-quit-job-amid-row

https://www.vijayavani.net/teaser-announcement-of-kiccha-46

https://www.vijayavani.net/umair-sandhu-tweeted-shruti-haasan-is-full-on-psycho-woman