ಮುಂಬೈ: ಬಾಲಿವುಡ್ ಕಿಂಗ್ ಖಾನ್ ಎಂದೇ ಹಸರು ಮಾಡಿರುವ ನಟ ಶಾರುಖ್ ಖಾನ್ ಅವರನ್ನು 2016ರಲ್ಲಿ ದುಬೈನ ಪ್ರವಾಸೋದ್ಯಮದ ಪ್ರಚಾರ ರಾಯಭಾರಿ ಮಾಡಲಾಗಿತ್ತು. ಇನ್ನು ಅಂದಿನಿಂದ ನಟ ಶಾರುಖ್ ಖಾನ್ ಹಲವು ಜಾಹೀರಾತುಗಳಲ್ಲಿ ಅಭಿನಯಿಸಿ ದುಬೈನ ಪ್ರಸಿದ್ದ ತಾಣಗಳನ್ನು, ಹೋಟೆಲ್ಗಳನ್ನು ಪ್ರಮೋಟ್ ಮಾಡುತ್ತಲೆ ಬಂದಿದ್ದಾರೆ. ಈಗ, ಇದೇ ಪ್ರಾಚರದ ಅಂಗವಾಗಿ ಹೊಸ ಜಾಹೀರಾತಿನ ವಿಡಿಯೋವೊಂದನ್ನು ದುಬೈನಲ್ಲಿ ರಿಲೀಸ್ ಮಾಡಲಾಗಿದೆ. ಅದರಲ್ಲಿ, ನಟ ಶಾರುಖ್ ಅವರ ಹೊಸ ಲುಕ್ ನೋಡಿ ನೆಟ್ಟಿಗರು, ಅದರಲ್ಲಿಯೂ ಶಾರುಖ್ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ನಟ ಶಾರುಖ್ ಖಾನ್ ಎಂದರೆ ದುಬೈ ಮಂದಿಗೆ ಹುಚ್ಚು ಪ್ರೀತಿ. ಅದೇ ರೀತಿ ಶಾರುಖ್ ಅವರಿಗೆ ದುಬೈನ ಪಾಮ್ ಬೀಚ್ನಲ್ಲಿ ಒಂದು ವಿಲ್ಲಾ ಇದ್ದು, ಅವರಿಗೂ ದುಬೈ ಬಗ್ಗೆ ವಿಶೇಷ ಒಲವು ಇದೆ.
