ನನಗೊಂದು ಚಾನ್ಸ್​ ಕೊಡಮ್ಮಾ, ಒಳ್ಳೆಯವನಾಗಿರ್ತೀನಿ ... ಆಲಿಯಾಗೆ ಶಾರೂಖ್​ ಮನವಿ

ಮುಂಬೈ: ಲಾಕ್​ಡೌನ್​ ಮುಗಿದು ಶೂಟಿಂಗ್​ ಕೆಲಸಗಳು ಪ್ರಾರಂಭವಾಗುತ್ತಿದ್ದಂತೆಯೇ, ಆಲಿಯಾ ಸಹ ಕೆಲಸ ಶುರು ಮಾಡಿದ್ದಾರೆ. ವಿಶೇಷವೆಂದರೆ, ಅವರು ತಮ್ಮ ಎಟರ್ನಲ್​ ಸನ್​ಶೈನ್​ ಸಂಸ್ಥೆಯಡಿ 'ಡಾರ್ಲಿಂಗ್ಸ್​' ಎಂಬ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದು, ಅದರಲ್ಲೊಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಈ ಚಿತ್ರದ ಚಿತ್ರೀಕರಣ ಇತ್ತೀಚೆಗೆ ಪ್ರಾರಂಭವಾಗಿದೆ.

ಇದನ್ನೂ ಓದಿ: ಪ್ರಾರಂಭಕ್ಕೂ ಮುನ್ನವೇ ಬದಲಾಗ್ತಿದೆ ಕಾರ್ತಿಕ್​ ಆರ್ಯನ್​ ಚಿತ್ರದ ಟೈಟಲ್​

ಇತ್ತೀಚೆಗಷ್ಟೇ ಚಿತ್ರೀಕರಣ ಪ್ರಾರಂಭವಾಗಿದ್ದು, ಆಲಿಯಾ ತಮ್ಮ ಕ್ಯಾರಾವಾನ್​ನಲ್ಲಿ ತಯಾರಾಗುತ್ತಿರುವ ಫೋಟೋಗಳನ್ನು ಸೋಷಿಯಲ್​ ಮೀಡಿಯಾ ಮೂಲಕ ಹಂಚಿಕೊಂಡಿದ್ದಾರೆ. 'ನಿರ್ಮಾಪಕಿಯಾಗಿ ಇದು ನನ್ನ ಮೊದಲ ಚಿತ್ರ. ನಿರ್ಮಾಪಕಿಯಾದರೂ, ನಟಿಯಾಗಿಯೇ ಗುರುತಿಸಿಕೊಳ್ಳುವುದಕ್ಕೆ ನಾನು ಹೆಚ್ಚು ಇಷ್ಟಪಡುತ್ತೀನಿ' ಎಂದು ಹೇಳಿಕೊಂಡಿದ್ದಾರೆ.

ಇದಕ್ಕೆ ಉತ್ತರಿಸಿರುವ ಶಾರೂಖ್​ ಖಾನ್​, 'ನಿನ್ನ ಮುಂದಿನ ಚಿತ್ರದಲ್ಲಿ ನನಗೊಂದು ಅವಕಾಶ ಕೊಡು ಪ್ಲೀಸ್​. ಶೂಟಿಂಗ್​ಗೆ ಸರಿಯಾದ ಸಮಯಕ್ಕೆ ಬರುತ್ತೀನಿ ಮತ್ತು ನೀನು ಹೇಳಿದ ಹಾಗೆ ಕೇಳಿಕೊಂಡಿರುತ್ತೀನಿ, ಪ್ರಾಮಿಸ್​' ಎಂದು ಹೇಳಿಕೊಂಡಿದ್ದಾರೆ. ಇದನ್ನು ಕೇಳಿ ಖುಷಿಯಾಗಿರುವ ಆಲಿಯಾ, 'ಅದಕ್ಕಿಂತ ಖುಷಿಯ ವಿಷಯ ಬೇರೇನಿದೆ? ಡೀಲ್​ ಆಯ್ತು' ಎಂದು ಉತ್ತರಿಸಿದ್ದಾರೆ.

ಇದನ್ನೂ ಓದಿ: ಅಮಿತಾಭ್​ ಬಚ್ಚನ್​ ಮನೆಯ ಒಂದು ಭಾಗವನ್ನು ಕೆಡವಲು ಬಿಎಂಸಿ ಸಿದ್ಧತೆ …

'ಡಾರ್ಲಿಂಗ್ಸ್​' ಚಿತ್ರವನ್ನು ಆಲಿಯಾ, ಶಾರೂಖ್​ ಅವರ ರೆಡ್​ ಚಿಲ್ಲೀಸ್​ ಎಂಟರ್​ಟೈನ್​ಮೆಂಟ್​ ಅವರ ಸಹಯೋಗದೊಂದಿಗೆ ನಿರ್ಮಿಸುತ್ತಿದ್ದಾರೆ. ಜಸ್ಮೀತ್​ ಕೆ ರೀನ್​ ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ಆಲಿಯಾ ಭಟ್​, ಶೆಫಾಲಿ ಷಾ, ವಿಜಯ್​ ವರ್ಮಾ, ರೋಶನ್​ ಮ್ಯಾಥ್ಯೂ ಮುಂತಾದವರು ನಟಿಸುತ್ತಿದ್ದಾರೆ.

https://www.vijayavani.net/amir-daugher-post-after-his-divorce/