ಕೆಲಸ ಇಲ್ಲದೆ ರಾಖಿ ಮಾಡಿ ಮಾರುತ್ತಿರುವ ಸೀರಿಯಲ್​ ನಟಿ

ಕರೊನಾ ಮತ್ತು ಲಾಕ್​ಡೌನ್​, ಹಿರಿತೆರೆಗೆ ಮತ್ತು ಕಿರುತೆರೆಗೆ ಯಾವ ರೀತಿ ಪೆಟ್ಟು ಕೊಟ್ಟಿದೆ ಎಂದರೆ, ಹಲವರು ಕೆಲಸ ಇಲ್ಲದೆ ಬಹಳ ಸಂಕಷ್ಟದಲ್ಲಿದ್ದಾರೆ. ಕಲಾವಿದರ ಸಂಕಷ್ಟಗಳ ಕುರಿತಾಗಿಯೇ, ಕಿರುಚಿತ್ರಗಳು ನಿರ್ಮಾಣವಾಗಿದ್ದೂ ಇದೆ.

ಇದನ್ನೂ ಓದಿ: PHOTOS: ನಟ ಜೈ ಜಗದೀಶ್​ ಪುತ್ರಿ ವೈಭವಿ ಮಾದಕ ಫೋಟೋಶೂಟ್​

ಜೀ ಟಿವಿಯಲ್ಲಿ ಪ್ರಸಾರವಾಗುತ್ತಿದ್ದ 'ಹಮಾರಿ ಬಹು ಸಿಲ್ಕ್​' ಎಂಬ ಧಾರಾವಾಹಿಯಲ್ಲಿ ನಟಿಸುತ್ತಿದ್ದ ವಂದನಾ ವಿತ್ಲಾನಿ ಎನ್ನುವವರು ಇದೀಗ ಕೆಲಸ ವಿಲ್ಲದೆ, ಕೈಯಲ್ಲಿ ಕಾಸಿಲ್ಲದೆ, ರಾಖಿ ಮಾಡಿ ಅದನ್ನು ಆನ್​ಲೈನ್​ನಲ್ಲಿ ಮಾರುತ್ತಿದ್ದಾರೆ.

'ಹಮಾರಿ ಬಹು ಸಿಲ್ಕ್​' ಧಾರಾವಾಹಿಯಲ್ಲಿ ವಂದನಾ ಅವರು ಜಾನಕಿ ಜೋಷಿ ಎಂಬ ಪಾತ್ರ ಮಾಡುತ್ತಿದ್ದರು. ಇದೀಗ ಲಾಕ್​ಡೌನ್​ ಮತ್ತು ಕರೊನಾ ಹಾವಳಿಯಿಂದ ಚಿತ್ರೀಕರಣ ನಿಂತಿದೆ. ಮುಂದೇನೂ ಎಂಬ ಚಿಂತೆಯಲ್ಲಿದ್ದ ಅವರಿಗೆ ನೆನಪಾಗಿದ್ದು ರಾಖಿ ಹಬ್ಬ. ಹೇಗೂ, ಆಗಸ್ಟ್​​ ಮೂರರಂದು ಹಬ್ಬವಿದೆ. ಯಾಕೆ ರಾಖಿ ಮಾಡಿ, ಮಾರಾಟ ಮಾಡಬಾರದು ಎಂಬ ಯೋಚನೆಯೊಂದು ಬರುತ್ತಿದ್ದಂತೆಯೇ, ಅವರು ಈಗ ರಾಖಿ ಮಾಡುವುದರಲ್ಲಿ ಬ್ಯುಸಿಯಾಗಿದ್ದಾರೆ.

ಯಾಕೆ ಈ ಕೆಲಸ ಮಾಡಬೇಕಾಯಿತು ಎಂದು ಹೇಳಿಕೊಂಡಿರುವ ಅವರು, 'ಕಳೆದ ವರ್ಷ ಮೇ ತಿಂಗಳಿಂದ ಅಕ್ಟೋಬರ್​ವರೆಗೂ ಧಾರಾವಾಹಿಯಲ್ಲಿ ನಟಿಸಿದೆ. ಮೇ ತಿಂಗಳಿಗೆ ಮಾತ್ರ ಸಂಭಾವನೆ ನೀಡಲಾಗಿದೆ. ಮಿಕ್ಕಂತೆ ಬೇರೆ ಯಾವ ತಿಂಗಳಿಗೂ ಇನ್ನೂ ಕೊಟ್ಟಿಲ್ಲ. ಅಲ್ಪಸ್ವಲ್ಪ ಕೂಡಿಟ್ಟಿದ್ದ ಹಣವೂ ಮುಕ್ತಾಯವಾಗಿದೆ. ಬೇರೆ ಕೆಲಸ ಸಿಗುತ್ತಿಲ್ಲ. ಹಾಗಾಗಿ ರಾಖಿ ಮಾರುತ್ತಿದ್ದೇನೆ' ಎಂದು ಅವರು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಕೊವಿಡ್​-19 ಸೋಂಕಿನಿಂದ ಗುಣಮುಖರಾದ ಸಂಸದೆ ಸುಮಲತಾ ಅಂಬರೀಷ್​; ವರದಿ ನೆಗೆಟಿವ್​

ಇದಲ್ಲದೆ ಇನ್ನೊಂದಿಷ್ಟು ಧಾರಾವಾಹಿಗಳಲ್ಲಿ ನಟಿಸುವುದಕ್ಕೆ ಆಡಿಷನ್​ನಲ್ಲಿ ಪಾಲ್ಗೊಂಡರೂ, ಯಾವುದೂ ಇನ್ನೂ ಶುರುವಾಗಿಲ್ಲವಂತೆ. 'ಇವೆಲ್ಲಾ ಇನ್ನೂ ಎಷ್ಟು ದಿನ ಮುಂದುವರೆಯುತ್ತದೋ ಗೊತ್ತಿಲ್ಲ. ಮನೆ ಖರ್ಚಿನ ಜತೆಗೆ ಮಕ್ಕಳ ಫೀಸ್​ ಎಲ್ಲಾ ಇರುವುದರಿಂದ ಸಾಕಷ್ಟು ಕಷ್ಟವಾಗಿದೆ. ಆದಷ್ಟು ಬೇಗ ಒಂದಿಷ್ಟು ಕೆಲಸ ಸಿಕ್ಕರೆ ಸಾಕು' ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

https://www.vijayavani.net/kangana-mistreat-swara-in-the-sets-of-tanu-weds-manu/