ಅಪ್ಪ ದೂರಾಗುತ್ತಿದ್ದಂತೆಯೇ ಅಜ್ಜಿಯ ಮೊರೆ ಹೋದ ಸಾರಾ ...

ಮುಂಬೈ: ಡ್ರಗ್ಸ್​ ಜಾಲದ ಕುರಿತಾಗಿ ಸಾರಾ ಅಲಿ ಖಾನ್​, ಎನ್​ಸಿಬಿ ಅಧಿಕಾರಿಗಳ ಎದುರು ವಿಚಾರಣೆಗೆ ಹಾಜರಾಗಿರುವ ವಿಷಯ ಗೊತ್ತೇ ಇದೆ. ಇದರಿಂದ ಸಾರಾ ಮನೆಯಲ್ಲಿ ದೊಡ್ಡ ಗಲಾಟೆಯೇ ಆಗಿದ್ದು, ಈ ಎಲ್ಲಾ ಸಮಸ್ಯೆಗಳಿಂದ ಹೊರತರುವುದಕ್ಕೆ ಅಜ್ಜಿ ಶರ್ಮಿಳಾ ಠ್ಯಾಗೋರ್​ ಮೊರೆ ಹೋಗಿದ್ದಾರೆ ಸಾರಾ.

ಇದನ್ನೂ ಓದಿ: ಪ್ರಭಾವಿ ನಾಯಕರಿಗೆ ಅನುಶ್ರೀ ಫೋನ್​ ಕಾಲ್​: ಮಾಜಿ ಸಿಎಂ ಎಚ್​ಡಿಕೆ ಕೆಂಡಾಮಂಡಲ

ಸುಶಾಂತ್​ ಸಿಂಗ್​ ರಜಪೂತ್​ ಅವರ ಆತ್ಮಹ್ಯೆ ಪ್ರಕರಣ ತನಿಖೆ ನಡೆಸುವ ಸಂದರ್ಭದಲ್ಲಿ ಸಾರಾ ಅಲಿ ಖಾನ್​ ಹೆಸರು ಬಂದಿತ್ತು. ಸುಶಾಂತ್​ ಆಯೋಜಿಸುತ್ತಿದ್ದ ಡ್ರಗ್ಸ್​ ಪಾರ್ಟಿಗಳಲ್ಲಿ ಸಾರಾ ಸಹ ಭಾಗಿಯಾಗಿರುತ್ತಿದ್ದರು ಎಂದು ರಿಯಾ ಚಕ್ರವರ್ತಿ ಹೇಳಿದ್ದರು.

ಯಾವಾಗ ಈ ವಿಷಯ ಹೊರಬಿತ್ತೋ, ಸಾರಾ ತಂದೆ ಸೈಫ್​ ಅಲಿ ಖಾನ್​ ಕೆಂಡಾಮಂಡಲರಾಗಿದ್ದಷ್ಟೇ ಅಲ್ಲ, ಸಿಕ್ಕಾಪಟ್ಟೆ ಕೂಗಾಡಿದ್ದರಂತೆ. ಸಾರಾ ಈಗಷ್ಟೇ ಎರಡು ಚಿತ್ರಗಳಲ್ಲಿ ನಟಿಸಿದ್ದಾರೆ. ವೃತ್ತಿಜೀವನದ ಬಗ್ಗೆ ಗಮನಹರಿಸುವುದನ್ನು ಬಿಟ್ಟು, ಈ ರೀತಿ ಮಾಡಿಕೊಂಡಿದ್ದು ಎಷ್ಟು ಸರಿ ಎಂದು ರೇಗಾಡಿದ್ದರಂತೆ. ಅಷ್ಟೇ ಅಲ್ಲ, ಯಾವಾಗ ಎನ್​ಸಿಬಿ ಕಡೆಯಿಂದ ಸಾರಾಗೆ ಸಮನ್ಸ್​ ಬಂತೋ, ಇದೆಲ್ಲಾ ತಲೆ ನೋವೇ ಬೇಡ ಎಂದು ಅವರು ದೆಹಲಿಗೆ ಹೊರಟು ಹೋಗಿದ್ದಾರೆ.

ಹೇಗೂ ಕರೀನಾ, ಇದೀಗ ಅಮೀರ್​ ಖಾನ್​ ಅಭಿನಯದ 'ಲಾಲ್​ ಸಿಂಗ್​ ಚಡ್ಢಾ' ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸುತ್ತಿದ್ದಾರೆ. ಹೀಗಿರುವಾಗ ಆಕೆಯ ಮತ್ತು ಮಗ ತೈಮುರ್​ ಜತೆಗೆ ಇರಬೇಕು ಎಂಬ ನೆಪ ಹೇಳಿ ಹೊರಟುಹೋದರಂತೆ.

ಇದನ್ನೂ ಓದಿ: ಅನುರಾಗ್​ಗೆ ಮಂಪರು ಪರೀಕ್ಷೆ ಮಾಡಿ … ಪಾಯಲ್​ ಡಿಮ್ಯಾಂಡ್​

ಬೇರೆ ದಾರಿ ತಿಳಿಯದೆ, ಸಾರಾ ತನ್ನಜ್ಜಿ ಶರ್ಮಿಳಾ ಠ್ಯಾಗೋರ್​ ಅವರನ್ನು ಭೇಟಿ ಮಾಡಿ ಕಷ್ಟ ಹೇಳಿಕೊಂಡರಂತೆ. ಕುಟುಂಬದ ಕುಡಿ ಹೀಗೆ ಸಮಸ್ಯೆಯಲ್ಲಿ ಸಿಲುಕಿರುವಾಗ ದೂರ ಅಟ್ಟುವುದು ಸರಿಯಲ್ಲ ಎಂದು ಶರ್ಮಿಳಾ, ತಮ್ಮ ಮೊಮ್ಮಗಳ ಜತೆಗೆ ನಿಂತಿದ್ದಾರೆ. ಹೇಗಾದರೂ, ಇದೆಲ್ಲಾ ಸಮಸ್ಯೆಗಳಿಂದ ಆಕೆಯನ್ನು ಹೊರತರಬೇಕು ಎಂದು ಕಷ್ಟಪಡುತ್ತಿದ್ದಾರಂತೆ.

https://www.vijayavani.net/sooryavanshi-not-releasing-on-diwali/