ಓಟಿಟಿಗೆ ಬರಲು ಬಾಲಿವುಡ್​ ‘ಅಧಿರ’ ಅಲಿಯಾಸ್​ ಸಂಜಯ್​ ದತ್​ ರೆಡಿ ...

ಕರೊನಾ ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಬಾಲಿವುಡ್​ನ ಸಾಕಷ್ಟು ಸಿನಿಮಾಗಳು ಡಿಜಿಟಲ್​ ವೇದಿಕೆಯಲ್ಲಿ ಬಿಡುಗಡೆಯಾಗುತ್ತಿವೆ. ಈಗಾಗಲೇ ಅಮಿತಾಬ್​ ಬಚ್ಚನ್​, ಆಯುಷ್ಮಾನ್​ ಖುರಾನಾ, ಸೇರಿ ಹಲವರು ಸಿನಿಮಾಗಳು ಓಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ ಬಿಡುಗಡೆಯಾಗಿವೆ. ಜುಲೈನಲ್ಲೂ ಸಾಕಷ್ಟು ಸಿನಿಮಾಗಳು ರಿಲೀಸ್​ ಆಗಲು ಸಿದ್ಧತೆ ನಡೆಸಿವೆ. ಇದೀಗ ಆ ಓಟಿಟಿಗೆ ಸಂಜಯ್​ ದತ್​ ಸಹ ಆಗಮಿಸಲು ಸಜ್ಜಾಗಿದ್ದಾರೆ.

ಇದನ್ನೂ ಓದಿ: ಫ್ಯಾಮಿಲಿ ಮಾತು ಹೊಸ ಚಿತ್ರದ ಬಗ್ಗೆ ಅಮೃತ ಮಂಥನ

ಹೌದು, ಮಹೇಶ್​ ಭಟ್​ ನಿರ್ದೇಶನದಲ್ಲಿ ಸಿದ್ಧವಾಗಿರುವ ‘ಸಡಕ್​ 2’ ಸಿನಿಮಾ ಡಿಜಿಟಲ್​ ಪ್ಲಾಟ್​ಫಾರ್ಮ್​ನಲ್ಲಿ ರಿಲೀಸ್​ ಆಗಲಿದೆ ಎಂಬ ಮಾಹಿತಿಯನ್ನು ಹೊರಹಾಕಿದ್ದಾರೆ. ಎಲ್ಲ ಅಂದುಕೊಂಡಂತೆ ಆಗಿದ್ದರೆ, ಜುಲೈ 10ರಂದು ವರ್ಲ್ಡ್​ ವೈಡ್​ ಸಿನಿಮಾ ಬಿಡುಗಡೆ ಆಗಬೇಕಿತ್ತು. ಕರೊನಾ ಲಾಕ್​ಡೌನ್​ ಹಿನ್ನೆಲೆಯಲ್ಲಿ, ಚಿತ್ರಮಂದಿರಗಳು ಲಾಕ್​ ಆಗಿರುವುದರಿಂದ ಓಟಿಟಿ ಮೊರೆ ಹೋಗಿದ್ದಾರೆ ನಿರ್ದೇಶಕರು. ಸಂಜಯ್​ ದತ್​, ಆದಿತ್ಯಾ ರಾಯ್​ ಕಪೂರ್​, ಆಲಿಯಾ ಭಟ್​ ಮುಖ್ಯಭೂಮಿಕೆ ನಿಭಾಯಿಸಿರುವ ಈ ಚಿತ್ರಕ್ಕೆ ವಿಶೇಷ್​ ಫಿಲಂಸ್​ ಮತ್ತು ಫಾಕ್ಸ್ ಸ್ಟಾರ್ ಜಂಟಿಯಾಗಿ ನಿರ್ಮಾಣ ಮಾಡಿವೆ.

ಇದನ್ನೂ ಓದಿ: ಕಂಬ್ಯಾಕ್ ಕಾತರದಲ್ಲಿ ಮಾನ್ಯಾ

ಇನ್ನು ಇದರ ಬೆನ್ನಲ್ಲೇ ಇನ್ನೂ ಸಾಕಷ್ಟು ಸಿನಿಮಾಗಳು, ವೆಬ್​ಸಿರೀಸ್​ಗಳು ಓಟಿಟಿಗೆ ಬರಲು ತುದಿಗಾಲಲ್ಲಿ ನಿಂತಿವೆ. ಅವುಗಳಲ್ಲಿ, ದಿಲ್​ ಬೇಚಾರಾ, ಬ್ರೀಥ್​, ಶಕುಂತಲಾ ದೇವಿ, ದಿಲ್ಲಿ, ದಿ ಫ್ಯಾಮಿಲಿ ಮ್ಯಾನ್​, ಗುಂಜನ್​ ಸಕ್ಸೆನಾ, ರಸ್​ಬರಿ, ದಿ ಲಾಸ್ಟ್ ಹವರ್​, ಮುಂಬೈ ಸೀರಿಸ್​, ಗೋರ್​​ಮಿಂಟ್​, ಪಾಯಿಸನ್​ 2 ಜುಲೈನಲ್ಲಿ ಬಿಡುಗಡೆ ಆಗಲಿವೆ. (ಏಜೆನ್ಸೀಸ್​)

https://www.vijayavani.net/rocking-star-yash-new-facebook-post-goes-viral/