‘ನಮ್ಮ ಬಳಿ ಮೂರು ಆಯ್ಕೆಗಳಿವೆ. ಮೊದಲನೆಯದು, ಈಗಾಗಲೇ ನಾವೇ ಸಿದ್ಧಪಡಿಸಿರುವ ತ್ರಿಡಿ ಫೇಸ್ ಬಳಿಸಿ, ಸಂಚಾರಿ ವಿಜಯ್ ಅವರ ಪಾತ್ರಕ್ಕೆ ಬೇರೆ ಕಲಾವಿದನನ್ನು ಆಯ್ಕೆ ಮಾಡಿ ಶೂಟಿಂಗ್ ಮಾಡಿಕೊಳ್ಳುವುದು. ಎರಡನೆಯದು, ಬೇರೆ ಯಾರಾದರೂ ಸ್ಟಾರ್ ಕಲಾವಿದರು ಸಿಕ್ಕರೆ, ಅವರೊಂದಿಗೆ ಹೊಸದಾಗಿಯೇ ಸಿನಿಮಾ ಶುರುಮಾಡುವುದು. ಮೂರನೆಯದು, ಯಾರೂ ಸಿಗಲಿಲ್ಲ ಎಂದಾದರೆ, ಇಡೀ ಸಿನಿಮಾವನ್ನು ವಿಎಫ್ಎಕ್ಸ್ ಬಳಸಿ ಚಿತ್ರೀಕರಿಸುವ ಯೋಜನೆ ಹಾಕಿದ್ದೇವೆ’ ಎನ್ನುವ ಜನಾರ್ದನ್, ವಿಜಯ್ ಜನ್ಮದಿನಕ್ಕೆ ‘ಪಿರಂಗಿಪುರ’ದ ಎರಡನೇ ಲುಕ್ ಬಿಡುಗಡೆ ಮಾಡುತ್ತಿದ್ದಾರೆ. ‘ಬಹುಭಾಷೆಗಳಲ್ಲಿ ತೆರೆಗೆ ಬರಲಿರುವ ಈ ಸಿನಿಮಾದಲ್ಲಿ ವಿಜಯ್ ಅವರಿಗೆ ಮೂರು ಶೇಡ್ಗಳಿವೆ. ಈಗಾಗಲೇ ಮುದುಕನ ಗೆಟಪ್ ರಿವೀಲ್ ಮಾಡಿ ದ್ದೇವೆ. ಶನಿವಾರ ಮತ್ತೊಂದು ಲುಕ್ ಜತೆಗೆ ವಿಡಿಯೋವೊಂದು ಹೊರ ಬರಲಿದೆ. ‘ಸೈಲೆಂಟ್ ಸ್ಟಾರ್’ ಎಂಬ ಬಿರುದನ್ನೂ ನೀಡಲು ತಂಡ ನಿರ್ಧರಿಸಿದೆ’ ಎನ್ನುತ್ತಾರವರು. ತ್ರಿಪುರ ಕ್ರಿಯೇಷನ್ಸ್ ಬ್ಯಾನರ್ನಲ್ಲಿ ಸಿನಿಮಾ ನಿರ್ಮಾಣವಾಗುತ್ತಿದೆ.
