ಇದಾಗಿದ್ದು, ಸಮಂತಾ ಅಭಿನಯದ 'ಶಾಕುಂತಲಂ' ಚಿತ್ರದ ಟ್ರೈಲರ್ ಬಿಡುಗಡೆ ಸಮಾರಂಭದಲ್ಲಿ. ಈ ಸಂದರ್ಭದಲ್ಲಿ ಮಾತನಾಡಿದ ಸಮಂತಾ, 'ಕೆಲವರಿಗೆ ಸಿನಿಮಾ ಎಂಬುದು ಅವರ ಜೀವನದ ಒಂದು ಭಾಗ ಅಷ್ಟೇ. ಆದರೆ, ನಿರ್ದೇಶಕ ಗುಣಶೇಖರ್ ಅವರಿಗೆ ಸಿನಿಮಾನೇ ಜೀವನ. ಅವರು ಈ ಚಿತ್ರವನ್ನು ಬಹಳ ಕಷ್ಟಪಟ್ಟು ಮಾಡಿರುವುದಷ್ಟೇ ಅಲ್ಲ, ಜೀವನವನ್ನೇ ಮುಡಿಪಾಗಿಟ್ಟಿದ್ದಾರೆ. ನಾವು ಸಾಮಾನ್ಯವಾಗಿ ಕಥೆ ಕೇಳುವಾಗ, ಆ ಕಥೆಗೆ ನ್ಯಾಯ ಸಿಗಲಿ ಎಂಬುದನ್ನು ಹಾರೈಸುತ್ತೇವೆ. ಕೆಲವೊಮ್ಮೆ ಮ್ಯಾಜಿಕ್ ಆಗಿ, ಚಿತ್ರ ಚೆನ್ನಾಗಿರುವುದಷ್ಟೇ ಅಲ್ಲ, ಅದ್ಭುತವಾಗಿ ಮೂಡಿಬರುತ್ತದೆ. ಈ ಚಿತ್ರ ಸಹ ಒಂದು ಮ್ಯಾಜಿಕ್. ಚಿತ್ರ ನೋಡಿ ಗುಣಶೇಖರ್ ಅವರ ಕಾಲಿಗೆ ಬಿದ್ದೆ. ಜೀವನದಲ್ಲಿ ಸಾಕಷ್ಟು ಹೋರಾಟ ನೋಡಿದ್ದೃನೆ. ಜೀವನದಲ್ಲಿ ಎಷ್ಟೇ ಬದಲಾವಣೆಗಳಾದರೂ, ನನ್ನ ಸಿನಿಮಾ ಪ್ರೀತಿ ಯಾವತ್ತೂ ಬದಲಾಗುವುದಿಲ್ಲ. ಜಾಸ್ತಿ ಆಗುತ್ತದೆಯೇ ಹೊರತು, ಕಡಿಮೆ ಆಗುವುದಿಲ್ಲ' ಎಂದು ಹೇಳಿದರು.
