ನನಗೆ ನಿಜಕ್ಕೂ ಖುಷಿಯಾಗಲಿಲ್ಲ... ಸಲಾರ್ ಭಾಗ 1ರ ಬಗ್ಗೆ ಅಚ್ಚರಿ ಹೇಳಿಕೆ ನೀಡಿದ ಪ್ರಶಾಂತ್​ ನೀಲ್​! Prashanth Neel

Prashanth Neel : ಕೆಜಿಎಫ್​ ಖ್ಯಾತಿಯ ಪ್ರಶಾಂತ್​ ನೀಲ್​ ನಿರ್ದೇಶನದ ಹಾಗೂ ಟಾಲಿವುಡ್​ ರೆಬೆಲ್​ ಸ್ಟಾರ್​ ಪ್ರಭಾಸ್ ಅಭಿನಯದ 'ಸಲಾರ್ ಭಾಗ​ 1' ಸಿನಿಮಾ ಬಿಡುಗಡೆಯಾಗಿ ಒಂದು ವರ್ಷವಾಗಿದೆ. ಕಳೆದ ವರ್ಷ ಇದೇ ದಿನ (ಡಿಸೆಂಬರ್ 22) ದೇಶಾದ್ಯಂತ ಬಿಡುಗಡೆಯಾಯಿತು. ಅಲ್ಲದೆ, ಬಾಕ್ಸ್​ಆಫೀಸ್​ನಲ್ಲಿ ಭಾರಿ ಸದ್ದು ಕೂಡ ಮಾಡಿತು.

ಇದೀಗ ಪ್ರಭಾಸ್​ ಹಾಗೂ ಪ್ರಶಾಂತ್​ ನೀಲ್​ ಅಭಿಮಾನಿಗಳು ‘ಸಲಾರ್’ ಸಿನಿಮಾದ ನೆನಪುಗಳನ್ನು ಮೆಲುಕು ಹಾಕುತ್ತಿದ್ದಾರೆ. ಪ್ರಶಾಂತ್ ನೀಲ್ ಕೂಡ ಇತ್ತೀಚಗೆ ನಡೆದ ವಿಶೇಷ ಸಂದರ್ಶನದಲ್ಲಿ ಭಾಗವಹಿಸಿ, ಬಹಳಷ್ಟು ವಿಷಯಗಳನ್ನು ಮಾಧ್ಯಮಗಳ ಮುಂದೆ ಬಹಿರಂಗಪಡಿಸಿದ್ದಾರೆ.

ಸಲಾರ್ ಭಾಗ​ 1ರ ಫಲಿತಾಂಶದಿಂದ ನನಗೆ ಸಂತೋಷವಾಗಲಿಲ್ಲ. ಏಕೆಂದರೆ, ನಾನು ಮೊದಲ ಭಾಗದ ಸಿನಿಮಾಗಾಗಿ ಬಹಳಷ್ಟು ಶ್ರಮಿಸಿದ್ದೇನೆ. ಆದರೆ, ಎಲ್ಲೋ ಕೆಜಿಎಫ್ 2ರ ಛಾಯೆಗಳು ಕಂಡುಬಂದವು. ಆದರೆ, ನಾನು ನನ್ನ ವೃತ್ತಿಜೀವನದ ಅತ್ಯುತ್ತಮ ಚಿತ್ರವನ್ನಾಗಿ 'ಸಲಾರ್ 2' ಮಾಡುತ್ತೇನೆ. ಈ ಸಿನಿಮಾ ಪ್ರೇಕ್ಷಕರ ನಿರೀಕ್ಷೆಯನ್ನು ಮೀರಿ ಬರಲಿದೆ ಎಂಬ ವಿಶ್ವಾಸದಲ್ಲಿದ್ದೇನೆ ಎಂದು ಪ್ರಶಾಂತ್​ ನೀಲ್​ ತಿಳಿಸಿದ್ದಾರೆ.

ಇದನ್ನೂ ಓದಿ: ಇನ್ಮುಂದೆ ಈ ರೀತಿಯ ಗಿಮಿಕ್ ಎಲ್ಲ​ ನಡೆಯಲ್ಲ… ಕಂಟೆಂಟ್​ ಕ್ರಿಯೇಟರ್ಸ್​ಗೆ ಶಾಕ್​ ಕೊಟ್ಟ ಯೂಟ್ಯೂಬ್​! YouTube

ಅಂದಹಾಗೆ ಪ್ರಶಾಂತ್ ನೀಲ್ ಅವರು ಹೇಳಿದ್ದು ಸರಿ ಇದೆ. ಏಕೆಂದರೆ ಕಳೆದ ವರ್ಷ ‘ಸಲಾರ್’ ಸಿನಿಮಾ ನೋಡಿದ ಹಲವರು ‘ಕೆಜಿಎಫ್’ಗೆ ಹೋಲಿಕೆ ಮಾಡಿದರು. ಆದರೆ ಈ ಸಿನಿಮಾ ಒಟಿಟಿಯಲ್ಲಿ ಬ್ಲಾಕ್​ಬಸ್ಟರ್​ ಯಶಸ್ಸು ಗಳಿಸಿತು.

ಇನ್ನು ಸಲಾರ್ 2 ಸಿನಿಮಾಗೆ ಸ್ವಲ್ಪ ಸಮಯ ಹಿಡಿಯಲಿದೆಯಂತೆ. ಏಕೆಂದರೆ ಪ್ರಶಾಂತ್ ನೀಲ್ ಸದ್ಯ ಎನ್​ಟಿಆರ್ ಜೊತೆ ಸಿನಿಮಾ ಮಾಡುತ್ತಿದ್ದಾರೆ. ಫೆಬ್ರವರಿಯಲ್ಲಿ ಶೂಟಿಂಗ್ ಶುರುವಾಗಲಿದೆ. ಲೆಕ್ಕಾಚಾರದ ಪ್ರಕಾರ, 2026ರ ಸಂಕ್ರಾಂತಿಗೆ ಸಿನಿಮಾ ಬಿಡುಗಡೆಯಾಗುತ್ತದೆ ಎಂದು ಹೇಳಲಾಗಿದ್ದರೂ, ವಿಳಂಬವಾಗುವ ಸಾಧ್ಯತೆಗಳು ಹೆಚ್ಚು. 2026ರ ಬೇಸಿಗೆಯ ನಂತರ 'ಸಲಾರ್ 2' ಚಿತ್ರೀಕರಣ ಆರಂಭವಾಗಬಹುದು. 2027-28ರಲ್ಲಿ ತೆರೆಗೆ ಬರುವ ಸಾಧ್ಯತೆಗಳಿವೆ. (ಏಜೆನ್ಸೀಸ್​)

https://www.vijayavani.net/indian-womens-cricketer-richa-ghosh-creates-history-if-crushed-equals-world-record

https://www.vijayavani.net/man-hospitalized-with-elbow-pain-surgery-removes-dog-tooth-that-bit-him-25-years-ago