ಎರಡು ಹಾಡುಗಳ ಚಿತ್ರೀಕರಣ ಮುಗಿದರೆ 'ಆರ್​ಆರ್​ಆರ್​' ಫಿನಿಶ್​​

ಹೈದರಾಬಾದ್​: ದೇಶಾದ್ಯಂತ ಕರೊನಾ ಕೇಸ್​ಗಳ ಸಂಖ್ಯೆ ಕಡಿಮೆಯಾಗುತ್ತಿದ್ದಂತೆಯೇ, ಬೇರೆಬೇರೆ ಭಾಷೆಗಳಲ್ಲಿ ಚಿತ್ರೀಕರಣ ಚಟುವಟಿಕೆಗಳು ಪ್ರಾರಂಭವಾಗುತ್ತಿವೆ. ಈಗಾಗಲೇ ರಾಜಮೌಳಿ ನಿರ್ದೇಶನದ 'ಆರ್​ಆರ್​ಆರ್​' ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಎರಡು ಹಾಡುಗಳ ಚಿತ್ರೀಕರಣವಷ್ಟೇ ಬಾಕಿ ಇದೆ ಎಂದು ಚಿತ್ರತಂಡದಿಂದ ಹೊಸ ಅಪ್​ಡೇಟ್​ವೊಂದು ಬಂದಿದೆ.

ಇದನ್ನೂ ಓದಿ: ಸದಾ ನಮ್ಮ ಹೃದಯದಲ್ಲಿ … ಫ್ರಾಂಕ್ಲಿನ್​ ಥಿಯೇಟರ್​ನಿಂದ ಸಂಚಾರಿ ವಿಜಯ್​ಗೆ ಗೌರವ

ಜ್ಯೂನಿಯರ್​ ಎನ್​ಟಿಆರ್​ ಮತ್ತು ರಾಮ್​ಚರಣ್​ ತೇಜ ಮೊದಲ ಬಾರಿಗೆ ಜತೆಯಾಗಿ ನಟಿಸುತ್ತಿರುವ ಈ ಚಿತ್ರದ ಚಿತ್ರೀಕರಣ ಎರಡು ವರ್ಷಗಳಿಂದ ನಡೆಯುತ್ತಲೇ ಇದೆ. ಕಳೆದ ವರ್ಷ ಲಾಕ್​​ಡೌನ್​ನಿಂದ ಹಲವು ತಿಂಗಳುಗಳ ಬ್ರೇಕ್​ ನೀಡಲಾಗಿತ್ತು. ಲಾಕ್​ಡೌನ್​ ಮುಗಿದ ನಂತರ ಮತ್ತೆ ಚಿತ್ರೀಕರಣ ಪ್ರಾರಂಭಿಸಲಾಗಿತ್ತು, ಇನ್ನೇನು ಈ ಬಾರಿ ಚಿತ್ರೀಕರಣ ಮುಗಿದೇ ಹೋಯಿತು ಎನ್ನುವಷ್ಟರಲ್ಲಿ ಮತ್ತೆ ಲಾಕ್​ಡೌನ್​ ಶುರುವಾಯಿತು. ಈಗ ಮತ್ತೆ ಚಿತ್ರೀಕರಣ ಪ್ರಾರಂಭವಾಗಿದ್ದು, ಮಾತಿನ ಭಾಗದ ಚಿತ್ರೀಕರಣ ಮುಗಿದಿದೆ.

ಈ ಕುರಿತು ಚಿತ್ರದ ಅಧಿಕೃತ ಟ್ವಿಟರ್​ ಅಕೌಂಟ್​ನಲ್ಲಿ ಅಪ್​ಡೇಟ್​ ನೀಡಲಾಗಿದೆ. ಅಷ್ಟೇ ಅಲ್ಲ, ಚಿತ್ರದ ಹೊಸ ಫೋಟೋವೊಂದನ್ನು ಬಿಡುಗಡೆ ಮಾಡಲಾಗಿದೆ. ಈ ಫೋಟೋದಲ್ಲಿ ಜ್ಯೂನಿಯರ್​ ಎನ್​ಟಿಆರ್ ಮತ್ತು ರಾಮ್​ಚರಣ್​ ಜತೆಯಾಗಿ ಕಾಣಿಸಿಕೊಂಡಿದ್ದು, ಸಾಕಷ್ಟು ವೈರಲ್​ ಆಗಿದೆ. ಬಾಕಿ ಇರುವ ಎರಡು ಹಾಡುಗಳ ಪೈಕಿ ಒಂದರಲ್ಲಿ ರಾಮ್​ಚರಣ್​ ಮತ್ತು ಆಲಿಯಾ ಭಟ್​ ಕಾಣಿಸಿಕೊಂಡರೆ, ಇನ್ನೊಂದರಲ್ಲಿ ಜ್ಯೂನಿಯರ್​ ಎನ್​ಟಿಆರ್ ಮತ್ತು ರಾಮ್​ಚರಣ್​ ಕಾಣಿಸಿಕೊಳ್ಳಲಿದ್ದಾರಂತೆ. ಬಹುಶಃ ಮುಂದಿನ ಒಂದು ತಿಂಗಳಲ್ಲಿ ಚಿತ್ರೀಕರಣ ಸಂಪೂರ್ಣ ಮುಗಿದು, ಕುಂಬಳಕಾಯಿ ಒಡೆಯುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಶಂಕರನ್​ ನಾಯರ್​ ಕುರಿತು ಕರಣ್​ ಜೋಹರ್​ ಬಯೋಪಿಕ್​ ನಿರ್ಮಾಣ

ಈಗಾಗಲೇ, ಚಿತ್ರದ ಇಬ್ಬರೂ ಹೀರೋಗಳು ಎರಡು ಭಾಷೆಗಳ ಡಬ್ಬಿಂಗ್​ ಮುಗಿಸಿದ್ದು, ಸದ್ಯದಲ್ಲೇ ಮಿಕ್ಕ ಭಾಷೆಗಳ ಡಬ್ಬಿಂಗ್​ ಮುಗಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಎಲ್ಲ ಅಂದುಕೊಂಡಂತೆ ಆದರೆ, ಚಿತ್ರವು 2022ರ ಸಂಕ್ರಾಂತಿ ಸಮಯದಲ್ಲಿ ಚಿತ್ರ ಬಿಡುಗಡೆ ಆಗಲಿದೆ.

https://www.vijayavani.net/katrina-kaif-wanted-akshay-kumar-to-be-her-rakhi-brother/