ರಿದಮ್ ಆಫ್ ಶಿವಪ್ಪ; ಸಿಂಗಲ್ ಟೇಕ್ ಹಾಡಿಗೆ ಶಿವಣ್ಣ, ಶರಣ್ ಜುಗಲ್​ಬಂದಿ

‘ಬೈರಾಗಿ’ ಚಿತ್ರದಲ್ಲೊಂದು ವಿಶೇಷ ಹಾಡಿದೆ, ಒಂದೇ ಟೇಕ್​ನಲ್ಲಿ ಇಡೀ ಹಾಡನ್ನು ಚಿತ್ರೀಕರಿಸಲಾಗಿದೆ ಎಂಬ ಸುದ್ದಿಯೊಂದು ವರ್ಷದ ಆರಂಭದಲ್ಲಿ ಕೇಳಿ ಬಂದಿತ್ತು. ಈ ಹಾಡಿನ ಲಿರಿಕಲ್ ವಿಡಿಯೋ ಇತ್ತೀಚೆಗೆ ಬಿಡುಗಡೆಯಾಗಿದೆ. ವಿಶೇಷವೇನು ಗೊತ್ತಾ? ಈ ಹಾಡಿಗೆ ಶಿವರಾಜಕುಮಾರ್ ಮತ್ತು ಶರಣ್ ಇಬ್ಬರೂ ಧ್ವನಿಯಾಗಿದ್ದಾರೆ. ‘ವಜ್ರಕಾಯ’ ಚಿತ್ರದಲ್ಲೇ ಶಿವರಾಜಕುಮಾರ್​ಗೆ ‘ತೂಕಟ ಗಡಬಡ’ ಎಂಬ ಹಾಡನ್ನು ಹಾಡಿದ್ದರು ಶರಣ್. ಈಗ ‘ಸಂಡೆ ಮಂಡೆ ಎವರಿಡೇ ... ಲವ್ವಿಗಿಲ್ಲ ಹಾಲಿಡೇ ...’ ಎಂಬ ಹಾಡಿಗೆ ಶಿವರಾಜಕುಮಾರ್ ಮತ್ತು ಶರಣ್ ಇಬ್ಬರೂ ಧ್ವನಿಯಾಗಿದ್ದಾರೆ. ಪ್ರಮೋದ್ ಮರವಂತೆ ಸಾಹಿತ್ಯ ರಚಿಸಿರುವ ಈ ಹಾಡಿಗೆ ಅನೂಪ್ ಸೀಳಿನ್ ಸಂಗೀತ ಸಂಯೋಜಿಸಿದ್ದಾರೆ.

‘ರಿದಮ್ ಆಫ್ ಶಿವಪ್ಪ’ ಎಂಬ ಪರಿಕಲ್ಪನೆಯಲ್ಲಿ ಮೂಡಿಬಂದಿರುವ ಈ ಹಾಡನ್ನು ಒಂದೇ ಟೇಕ್​ನಲ್ಲಿ ಚಿತ್ರೀಕರಿಸಲಾಗಿದೆ. ಈ ಹಾಡನ್ನು ದೇವನಹಳ್ಳಿ ಬಳಿ ಇರುವ ಹೊಸ ಮಾಲ್​ವೊಂದರಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಮುರಳಿ ಮಾಸ್ಟರ್ ನೃತ್ಯ ಸಂಯೋಜನೆಯಲ್ಲಿ ಮೂಡಿ ಬಂದಿರುವ ಈ ಹಾಡಿಗೆ ಶಿವರಾಜಕುಮಾರ್ ಅಲ್ಲದೆ, ಧನಂಜಯ್, ಪೃಥ್ವಿ ಅಂಬರ್, ಯಶಾ ಶಿವಕುಮಾರ್, ಚಿಕ್ಕಣ್ಣ ಮುಂತಾದವರು ಹೆಜ್ಜೆ ಹಾಕಿದ್ದಾರೆ.

ಈ ಹಾಡಿನ ಲಿರಿಕಲ್ ವಿಡಿಯೋ ಯೂಟ್ಯೂಬ್​ನ ಜೆಪಿ ಮ್ಯೂಸಿಕ್ ಚಾನಲ್​ನಲ್ಲಿ ಬಿಡುಗಡೆಯಾಗಿದ್ದು, ಒಂದೇ ದಿನದಲ್ಲಿ ಒಂದು ಮಿಲಿಯನ್ ವೀಕ್ಷಣೆ ಕಂಡಿದೆ. ‘ಬೈರಾಗಿ’ ಚಿತ್ರವು ಜುಲೈ ಒಂದರಂದು ರಾಜ್ಯಾದ್ಯಂತ ಬಿಡಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ. ಈ ಚಿತ್ರವನ್ನು ವಿಜಯ್ ಮಿಲ್ಟನ್ ನಿರ್ದೇಶಿಸಿದ್ದು, ಕೃಷ್ಣ ಸಾರ್ಥಕ್ ನಿರ್ವಿುಸಿದ್ದಾರೆ.

https://www.vijayavani.net/upendras-new-film-ui-launched/

https://www.vijayavani.net/fire-accident-in-tea-stall-girl-caught-up-with-fire/