ಹೃದಯಾಘಾತದಿಂದ ಐಸಿಯೂಗೆ ದಾಖಲಾದ ರೆಮೋ

ಮುಂಬೈ: ಖ್ಯಾತ ನೃತ್ಯ ನಿರ್ದೇಶಕ ಮತ್ತು ನಿರ್ದೇಶಕ ರೆಮೋ ಡಿಸೋಜ ಅವರು ಹೃದಯಾಘಾತದಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಮುಂಬೈನ ಕೋಕಿಲಾಬೆನ್​ ಆಸ್ಪತ್ರೆಯ ಐಸಿಯೂನಲ್ಲಿ ಅವರು ಚಿಕಿತ್ಸೆ ಪಡೆಯುತ್ತಿದ್ದು, ಅವರ ಪರಿಸ್ಥಿತಿ ಸ್ಥಿರವಾಗಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಮದುವೆಯಾಗಿ ದೊಡ್ಡ ತಪ್ಪು ಮಾಡಿದರಂತೆ ರಾಖಿ ಸಾವಂತ್​

ರೆಮೋ ಡಿಸೋಜ ಬಾಲಿವುಡ್​ನ ಜನಪ್ರಿಯ ನೃತ್ಯ ನಿರ್ದೇಶಕರು. ಹಲವು ಚಿತ್ರಗಳಿಗೆ ನೃತ್ಯ ನಿರ್ದೇಶನ ಮಾಡಿ ತಮ್ಮದೇ ಛಾಪು ಮೂಡಿಸಿದವರು. ಅಷ್ಟೇ ಅಲ್ಲ, 'ಬಾಜಿರಾವ್​ ಮಸ್ತಾನಿ' ಚಿತ್ರದ ನೃತ್ಯ ನಿರ್ದೇಶನಕ್ಕೆ ರಾಷ್ಟ್ರ ಮಟ್ಟದಲ್ಲಿ ಅತ್ಯುತ್ತಮ ನೃತ್ಯ ನಿರ್ದೇಶಕ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಬರೀ ನೃತ್ಯ ನಿರ್ದೇಶನವಷ್ಟೇ ಅಲ್ಲ, ನಿರ್ದೇಶನದಲ್ಲೂ ಗುರುತಿಸಿಕೊಂಡಿರುವ ರೆಮೋ, ಕೆಲವು ಚಿತ್ರಗಳಿಗೂ ಆಕ್ಷನ್-ಕಟ್​ ಹೇಳಿದ್ದಾರೆ. 'ಸ್ಟ್ರೀಟ್​ ಡ್ಯಾನ್ಸರ್​ 3ಡಿ', 'ಎಬಿಸಿಡಿ', 'ಎಬಿಸಿಡಿ 2', 'ಫ್ಲೈಯಿಂಗ್ ಜಾಟ್​', 'ರೇಸ್​ 3' ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿರುವ ಅವರು 'ಡ್ಯಾನ್ಸ್​ ಪ್ಲಸ್​', 'ಡ್ಯಾನ್ಸ್​ ಇಂಡಿಯಾ ಡ್ಯಾನ್ಸ್​' ಮತ್ತು 'ಝಲಕ್​ ದಿಕ್ಲಾಜಾ' ಮುಂತಾದ ಕೆಲವು ರಿಯಾಲಿಟಿ ಶೋಗಳಲ್ಲಿ ತೀರ್ಪುಗಾರರಾಗಿದ್ದಾರೆ.

ಇದನ್ನೂ ಓದಿ: ನಟಿ ಸಂಜನಾಗೆ ಜಾಮೀನು ಮಂಜೂರು

ಹೀಗೆ ಸದಾ ಸಕ್ರಿಯರಾಗಿರುವ ಅವರಿಗೆ, ಇತ್ತೀಚೆಗೆ ಹೃದಯಾಘಾತವಾಗಿತ್ತು. ಅವರಿಗೆ ತಕ್ಷಣವೇ ಚಿಕಿತ್ಸೆ ನೀಡಲಾಗಿದ್ದು, ಆಂಜಿಯೋಪ್ಲಾಸ್ಟಿ ಮಾಡಲಾಗಿದೆ ಎಂದು ಹೇಳಲಾಗಿದೆ.

https://www.vijayavani.net/indira-gandhis-role-in-radhe-shyam/