ರಣವೀರ್​ ಸ್ಟಾರ್​ ಆಗಿದ್ದರೆ, ಅದಕ್ಕೆ ಕಾರಣ ಸುಶಾಂತ್​!

ಬಾಲಿವುಡ್​ನ ಟಾಪ್​ ಸ್ಟಾರ್​ಗಳ ಪೈಕಿ ರಣವೀರ್​ ಸಿಂಗ್​ ಸಹ ಒಬ್ಬರು. ಕೆಲವು ವರ್ಷಗಳ ಹಿಂದೆ ಚಿತ್ರರಂಗಕ್ಕೆ ಬಂದ ರಣವೀರ್​, ಈಗ ಬಾಲಿವುಡ್​ನ ಬೇಡಿಕೆಯ ನಟರಲ್ಲೊಬ್ಬರು ಎಂದರೆ ತಪ್ಪಿಲ್ಲ. ಹಾಗೆ ಅವರು ಟಾಪ್​ ಸ್ಟಾರ್​ ಆಗುವುದಕ್ಕೆ ಕಾರಣ ಸುಶಾಂತ್​ ಸಿಂಗ್​ ರಜಪೂತ್​ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಸಾವಿನ ಬಾಗಿಲು ತಟ್ಟಿ ಮರಳಿದ್ದರು ಶಿಲ್ಪಾ ಶೆಟ್ಟಿ ಸಹೋದರಿ

ಹೌದು, ಸುಶಾಂತ್​ ಏನಾದರೂ ಆ ಚಿತ್ರಗಳನ್ನು ಒಪ್ಪಿಕೊಂಡು ಮಾಡಿದ್ದರೆ, ಇವತ್ತು ರಣವೀರ್​ ಸ್ಥಾನದಲ್ಲಿರಬೇಕಿತ್ತು. ಆದರೆ, ಆ ಚಿತ್ರಗಳನ್ನು ಬಿಟ್ಟ ಕಾರಣ, ಸುಶಾಂತ್​ ಕೊನೆಯವರೆಗೂ ಸಾಕಷ್ಟು ಹೋರಾಟಗಳನ್ನು ಮಾಡಬೇಕಾಯಿತು ಮತ್ತು ಇನ್ನು ಮುಂದೆ ಹೋರಾಟ ಮಾಡಲಿಕ್ಕಾಗದೆ ಆತ್ಮಹತ್ಯೆಗೆ ಶರಣಾಯಿತು.

ಇಷ್ಟಕ್ಕೂ ಸುಶಾಂತ್ ಕೈಬಿಟ್ಟ ಆ ಚಿತ್ರಗಳ್ಯಾವುವು ಎಂಬ ಪ್ರಶ್ನೆ ಸಹಜವಾಗಿಯೇ ಬರಬಹುದು. ಅದೇ ಸಂಜಯ್​ ಲೀಲಾ ಬನ್ಸಾಲಿ ನಿರ್ದೇಶನದ ರಾಮ್​-ಲೀಲಾ, ಬಾಜಿರಾವ್​ ಮಸ್ತಾನಿ ಮತ್ತು ಪದ್ಮಾವತ್​ ಚಿತ್ರಗಳು. ಈ ಮೂರೂ ಚಿತ್ರಗಳಿಗೆ ಬನ್ಸಾಲಿ ಅವರ ಮೊದಲ ಆಯ್ಕೆ ಸುಶಾಂತ್​ ಆಗಿದ್ದರಂತೆ. ಕಾರಣಾಂತರಗಳಿಂದ ಆ ಚಿತ್ರಗಳಲ್ಲಿ ಸುಶಾಂತ್​ ನಟಿಸದಿದ್ದರಿಂದ, ಆ ಜಾಗಕ್ಕೆ ರಣವೀರ್​ ಅವರನ್ನು ಕರೆತರಬೇಕಾಯಿತಂತೆ. ಈ ಮೂರೂ ಚಿತ್ರಗಳನ್ನು ಅದ್ಭುತವಾಗಿ ಬಳಸಿಕೊಂಡ ರಣವೀರ್​, ಇಂದು ಬಾಲಿವುಡ್​ನ ಬೇಡಿಕೆಯ ನಟರಾಗಿದ್ದಾರೆ.

ಇದನ್ನೂ ಓದಿ: ಸೋತವರೆಂದಿಗೂ ಸಾಯುವುದಿಲ್ಲ.. ನೀವ್ಯಾಕೆ ಹೀಗೆ ಮಾಡಿದಿರಿ ಸುಶಾಂತ್?

ಈ ಕುರಿತು ಬರೆದಿರುವ ಬಾಲಿವುಡ್​ನ ಹಿರಿಯ ಸಿನಿಮಾ ಪತ್ರಕರ್ತ ಸುಭಾಷ್​ ಜಾ, ಬನ್ಸಾಲಿ ಅವರ ಮೂರು ಚಿತ್ರಗಳನ್ನು ನಿರಾಕರಿಸಿದ ಏಕೈಕ ನಟರೆಂದರೆ ಅದು ಸುಶಾಂತ್​. ಬನ್ಸಾಲಿ ಪ್ರತಿ ಬಾರಿ ಸುಶಾಂತ್ ಬಳಿ ಹೋದಾಗಲೂ, ಕಾರಣಾಂತರಗಳಿಂದ ಸುಶಾಂತ್​ ಆ ಚಿತ್ರಗಳನ್ನು ಮಾಡುವುದಕ್ಕೆ ಸಾಧ್ಯವಾಗಲೇ ಇಲ್ಲ. ಹಾಗಾಗಿ ರಾಮ್​-ಲೀಲಾ, ಬಾಜಿರಾವ್​ ಮಸ್ತಾನಿ ಮತ್ತು ಪದ್ಮಾವತ್​ ಚಿತ್ರಗಳಲ್ಲಿ ರಣವೀರ್​ ನಟಿಸುವಂತಾಯಿತು ಎಂದು ಬರೆದುಕೊಂಡಿದ್ದಾರೆ.

ಅಷ್ಟೇ ಅಲ್ಲ, ರಣವೀರ್​ ಸಿಂಗ್​ಗೆ ಸಿಕ್ಕಿರುವ ಯಶಸ್ಸಿನ ಅರ್ಧ ಪಾಲಿಗೆ ಕಾರಣ ಸುಶಾಂತ್​ ಎಂದು ಹೇಳಿರುವ ಅವರು. ಬಹುಶಃ ಸುಶಾಂತ್​ ಆ ಚಿತ್ರಗಳನ್ನು ಒಪ್ಪಿಬಿಟ್ಟಿದ್ದರೆ, ರಣವೀರ್​ಗೆ ಆ ಚಿತ್ರಗಳು ಸಿಗುತ್ತಿರಲಿಲ್ಲ. ಹಾಗಾಗಿ ರಣವೀರ್​ ಯಶಸ್ಸಿಗೆ ಕಾರಣ ಸುಶಾಂತ್​ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

https://www.vijayavani.net/salman-khan-family-sabotaged-my-career/