"ಗೋಧಿ ಬಣ್ಣ ಸಾಧಾರಣ ಮೈಕಟ್ಟು' ಚಿತ್ರದ ಬಳಿಕ ನಟ ರಕ್ಷಿತ್ ಶೆಟ್ಟಿ ಮತ್ತು ನಿರ್ದೇಶಕ ಹೇಮಂತ್ ರಾವ್ ಮತ್ತೆ ಒಂದಾಗಿರುವ ಚಿತ್ರ "ಸಪ್ತ ಸಾಗರದಾಚೆ ಎಲ್ಲೋ'. ಸೆ. 1ರಂದು ಸೈಡ್ ಎ ಹಾಗೂ ಅ. 20ರಂದು ಸೈಡ್ ಬಿ, ಹೀಗೆ ಎರಡು ಭಾಗಗಳಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ. ಇತ್ತೀಚೆಗಷ್ಟೆ ಅಭಿಮಾನಿಗಳೇ ಚಿತ್ರತಂಡದ ಜತೆ ಟ್ರೇಲರ್ ಬಿಡುಗಡೆ ಮಾಡಿದರು. ಹೇಮಂತ್, "10 ವರ್ಷಗಳ ಹಿಂದೆ ಈ ಕಥೆ ಬರೆದಿದ್ದು. ಶೂಟಿಂಗ್ ಸಮಯದಲ್ಲಿ ಕರೊನಾ ಲಾಕ್ಡೌನ್ ಎದುರಾದ ಕಾರಣ, ಕಥೆಯಲ್ಲಿ ಕೆಲವು ಬದಲಾವಣೆ ಮಾಡಿಕೊಂಡು ಎರಡು ಭಾಗಗಳಲ್ಲಿ ಸಿನಿಮಾ ಮಾಡಬಹುದು ಅಂತನ್ನಿಸಿತು. ರತ್ ಶೆಟ್ಟಿ ಕೂಡ ಒಪ್ಪಿಕೊಂಡರು. ಎರಡೂ ಚಿತ್ರಗಳು ಭಾವನೆಗಳ ತೀವ್ರತೆಯಿರುವ ಕವಿತೆಯಂತಿವೆ. ಹೀಗಾಗಿಯೇ ಮೊದಲ ಚಿತ್ರ ರಿಲೀಸ್ ಆದ ಏಳು ವಾರಗಳಲ್ಲಿ ಎರಡನೇ ಭಾಗವನ್ನೂ ರಿಲೀಸ್ ಮಾಡುತ್ತಿದ್ದೇವೆ' ಎಂದರು.
