ಪ್ಯಾನ್​ ಇಂಡಿಯಾ ಸಿನಿಮಾ ಒಂದರಲ್ಲಿ ದಕ್ಷಿಣ ಕೊರಿಯಾ ಬ್ಯೂಟಿ! ನಾಯಕಿಯಲ್ಲ ಖಳನಾಯಕಿ

ಹೈದರಾಬಾದ್​: ರೆಬೆಲ್​ ಸ್ಟಾರ್​ ಪ್ರಭಾಸ್​ ಅವರು ಸಾಲು ಸಾಲು ಪ್ಯಾನ್​ ಇಂಡಿಯಾ ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಬಹುನಿರೀಕ್ಷಿತ ರಾಧೆ ಶ್ಯಾಮ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದ್ರೆ, ಆದಿಪುರುಷ ಮತ್ತು ಸಲಾರ್​ ಚಿತ್ರೀಕರಣ ಭರದಿಂದ ಸಾಗುತ್ತಿದೆ.

ಇದರ ನಡುವೆ ಸಂದೀಪ್​ ರೆಡ್ಡಿ ನಿರ್ದೇಶನದ "ಸ್ಪಿರಿಟ್​" ಚಿತ್ರದಲ್ಲಿ ಪ್ರಭಾಸ್​ ನಟಿಸಲಿದ್ದಾರೆ. ಇದು ಪ್ರಭಾಸ್​ ಅವರ 25ನೇ ಚಿತ್ರವಾಗಲಿದ್ದು, ಅಧಿಕೃತವಾಗಿ ಘೋಷಣೆ ಆಗಿದೆ.

ಇದೀಗ ಸ್ಪಿರಿಟ್​ ಸಿನಿಮಾ ಕುರಿತು ಕ್ರೇಜಿ ನ್ಯೂಸ್​ ಒಂದು ಹೊರಬಿದ್ದಿದೆ. ಸ್ಪಿರಿಟ್​ ಚಿತ್ರದಲ್ಲಿ ದಕ್ಷಿಣ ಕೊರಿಯಾದ ಪ್ರಖ್ಯಾತ ನಟಿ ಕಿಮ್​ ಸೂ ಹ್ಯುನ್ ಬಣ್ಣ ಹಚ್ಚಲಿದ್ದಾರೆ. ದಕ್ಷಿಣ ಕೊರಿಯಾದಲ್ಲಿ ತುಂಬಾ ಹೆಸರು ಮಾಡಿರುವ ಕಿಮ್​, ಸ್ಪಿರಿಟ್​ ಚಿತ್ರದಲ್ಲಿ ಖಳನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿದೆ.

ಇನ್ನು ಸ್ಪಿರಿಟ್​ ಚಿತ್ರವನ್ನು ಕೇವಲ ಪ್ಯಾನ್​ ಇಂಡಿಯಾ ಮಾತ್ರವಲ್ಲದೆ, ಪ್ಯಾನ್​ ವರ್ಲ್ಡ್​ ಮಟ್ಟಿಗೆ ಮೇಕಿಂಗ್​ ಮಾಡಲು ಚಿತ್ರತಂಡ ತಯಾರಿ ಮಾಡಿಕೊಂಡಿದೆ ಎಂಬ ಮಾತುಗಳು ಟಾಲಿವುಡ್​ ಗಲ್ಲಿಯಿಂದ ಕೇಳಿಬರುತ್ತಿದೆ. (ಏಜೆನ್ಸೀಸ್​)

https://www.vijayavani.net/r-youtube-to-get-rid-of-dislike-counts-to-prevent-online-harassment/

https://www.vijayavani.net/r-meet-23-year-old-lady-don-loves-to-have-weapons-using-sword-knife/

https://www.vijayavani.net/r-kerala-models-car-accident-case-police-fail-to-collect-dj-party-visuals-from-kochi-hotel/