ನಾಲ್ಕೇ ದಿನದಲ್ಲಿ 2003 ಕೋಟಿ ರೂ.! ಇಲ್ಲಿದೆ ಅಸಲಿಯತ್ತು, ಸಿಕ್ಕಾಪಟ್ಟೆ ಟ್ರೋಲ್​ ಆದ ಅಲ್ಲು ಅರ್ಜುನ್​

ಹೈದರಾಬಾದ್​: ಆ್ಯಂಕರ್​ ಮಾಡಿದ ಯಡವಟ್ಟಿಗೆ ಅಲ್ಲು ಅರ್ಜುನ್​ ನಟನೆಯ "ಪುಷ್ಪ" ಸಿನಿಮಾ ತಂಡ ಸಿಕ್ಕಾಪಟ್ಟೆ ಟ್ರೋಲ್​ ಆಗಿದೆ. ಉದಯ್​ ಭಾನು ಬಹುತೇಕ ಮರೆತು ಹೋಗಿರುವ ಆ್ಯಂಕರ್​. ಅವರು ಇತ್ತೀಚೆಗೆ ಸಿನಿಮಾ ಈವೆಂಟ್​ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ತಿರುಪತಿಯಲ್ಲಿ ನಡೆದ ಪುಷ್ಪ ಚಿತ್ರದ ಸಕ್ಸಸ್​ ಈವೆಂಟ್​ನಲ್ಲಿ ಉದಯ್​ ಭಾನು ಆ್ಯಂಕರ್​ ಆಗಿದ್ದರು. ತುಂಬಾ ದಿನಗಳ ನಂತರ ವೇದಿಕೆ ಹತ್ತಿದ ಖುಷಿಯಲ್ಲಿ ಏನೇನೋ ಮಾತನಾಡಿ ಪುಷ್ಪ ತಂಡವನ್ನು ಟ್ರೋಲ್​ ದಾಳಕ್ಕೆ ನೂಕಿದ್ದಾರೆ. ​

ಪುಷ್ಪ ತಂಡ ಬಿಡುಗಡೆಯಾದ ನಾಲ್ಕೇ ದಿನಗಳಲ್ಲಿ 2003 ಕೋಟಿ ರೂಪಾಯಿ ಸಂಗ್ರಹ ಮಾಡಿದೆ ಎಂದು ವೇದಿಕೆ ಮೇಲೆಯೇ ಉದಯ್​ ಭಾನು ಘೋಷಣೆ ಮಾಡಿದರು. ಆದರೆ, ಪುಷ್ಪ ತಂಡ ಗಳಿಸಿರುವುದು 203 ಕೋಟಿ ರೂಪಾಯಿ. ಮಾತಿನ ಭರದಲ್ಲಿ ನಾಲಿಗೆ ತಡವರಿಸಿ 203 ಕೋಟಿ ರೂ. ಅನ್ನುವ ಬದಲು 2003 ಕೋಟಿ ರೂಪಾಯಿ ಎಂದಿದ್ದಾರೆ. ಆ್ಯಂಕರ್​ ಮಾಡಿದ ಯಡವಟ್ಟಿಗೆ ಬೇರೆ ನಟರ ಅಭಿಮಾನಿಗಳು ಇದೀಗ ಅಲ್ಲು ಅರ್ಜುನ್​ ಅವರನ್ನು ಗೇಲಿ ಮಾಡತೊಡಗಿದ್ದಾರೆ.

ನಕಲಿ ಹಣ ಸಂಗ್ರಹದಲ್ಲೇ ಇದು ಹೊಸ ಗರಿಷ್ಠ ಮೊತ್ತ ಎಂದು ನೆಟ್ಟಿಗರು ಚಿತ್ರತಂಡದ ಕಾಲೆಳೆಯುತ್ತಿದ್ದಾರೆ. ಆ್ಯಂಕರ್​ ಘೋಷಣೆ ಸಂಬಂಧ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಹೆಚ್ಚು ರೀಟ್ವೀಟ್​ ಮತ್ತು ಲೈಕ್ಸ್​ಗಳು ಹರಿದುಬರುತ್ತಿರುವುದು ಸಿನಿಮಾ ತಂಡಕ್ಕೆ ಇರುಸು-ಮುರುಸು ತರಿಸಿದೆ.

ಇದೆಲ್ಲದರ ನಡುವೆಯೂ ಪುಷ್ಪ ತಂಡ ಮುಂದಿನ ದಿನಗಳಲ್ಲಿ ಮತ್ತಷ್ಟು ಪ್ರಚಾರದ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲು ಪ್ಲಾನ್​ ಮಾಡಿದೆ. ಆರ್​ಆರ್​ಆರ್​ ಚಿತ್ರ ಬಿಡುಗಡೆಯವರೆಗಾದ್ರೂ ಒಳ್ಳೆಯ ಹಣ ಸಂಗ್ರಹ ಮಾಡಲು ಚಿತ್ರತಂಡ ಅಬ್ಬರ ಪ್ರಚಾರ ಮಾಡಲು ಯತ್ನಿಸುತ್ತಿದೆ. (ಏಜೆನ್ಸೀಸ್​)

https://www.vijayavani.net/r-bengaluru-constable-police-indecent-bengaluru-police-woman-victim/

https://www.vijayavani.net/r-rulers-of-dubai-should-give-rs-5500-crore-to-ex-wife-and-children-as-divorce-settlement-british-court/

https://www.vijayavani.net/r-samantha-ruth-prabhu-replies-to-twitter-user-who-trolled-her-about-divorce-said-she-robbed-50-crore/

https://www.vijayavani.net/r-online-shopping-famous-actor-shocked-the-stone-came-when-the-apple-watch-was-booked/