ಪುಷ್ಪ-2 ನೋಡಿದವರಿಗೆ ಕಾಡುತ್ತಿದೆ ಈ ಪ್ರಶ್ನೆಗಳು: ವರ್ಷದ ಹಿಂದೆ ತೋರಿಸಿದ್ದು ಸುಳ್ಳಾ? ಉತ್ತರ ಯಾರು ಕೊಡ್ತಾರೆ? Pushpa 2

Pushpa 2 : ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅಭಿನಯದ ಹಾಗೂ ಸುಕುಮಾರ್ ನಿರ್ದೇಶದನ ಪುಷ್ಪ-2 ಸಿನಿಮಾ ಇಂದು (ಡಿ. 5) ವಿಶ್ವದಾದ್ಯಂತ ತೆರೆಗೆ ಅಪ್ಪಳಿಸಿದೆ. ಈಗಾಗಲೇ ಸಿನಿಮಾ ನೋಡಿದ ಮಂದಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸುತ್ತಿದ್ದಾರೆ. ಪ್ರೀಮಿಯರ್ ಶೋಗಳನ್ನು ನೋಡಿದ ಅಭಿಮಾನಿಗಳು ಸಿನಿಮಾ ಚೆನ್ನಾಗಿದೆ ಎನ್ನುತ್ತಿದ್ದಾರೆ. ಅದರಲ್ಲೂ ವಿಶೇಷವಾಗಿ ಜಾತ್ರೆಯ ಎಪಿಸೋಡ್ ಚಿತ್ರದ ಹೈಲೈಟ್ ಎನ್ನುತ್ತಿದ್ದಾರೆ.

ಪುಷ್ಪ 2 ಚಿತ್ರ ಪುಷ್ಪ ಚಿತ್ರದ ಮುಂದುವರಿದ ಭಾಗ ಎಂಬುದು ಗೊತ್ತೇ ಇದೆ. ಸುಮಾರು ಒಂದು ವರ್ಷದ ಹಿಂದೆ ಚಿತ್ರತಂಡ ಪುಷ್ಪ ಸಿನಿಮಾದ ಟೀಸರ್​ ಝಲಕ್ ಬಿಡುಗಡೆ ಮಾಡಿತ್ತು. ಮೂರು ನಿಮಿಷ, 14 ಸೆಕೆಂಡುಗಳ ಟೀಸರ್​ ಅದಾಗಿತ್ತು. ಅದರಲ್ಲಿ ಪುಷ್ಪ ಪಾತ್ರಧಾರಿ ಅಲ್ಲು ಅರ್ಜುನ್​ ಅವರು ತಿರುಪತಿ ಜೈಲಿನಿಂದ ಪರಾರಿಯಾಗುತ್ತಿರುವುದನ್ನು ತೋರಿಸಲಾಗಿತ್ತು. ಮೈಮೇಲೆ ಬುಲೆಟ್ ಗಾಯಗಳಿದ್ದವು.

ಪುಷ್ಪ ಅವರ ಅಭಿಮಾನಿಗಳು ಬೀದಿಗಿಳಿದು ದೊಡ್ಡ ಮಟ್ಟದಲ್ಲಿ ಹೋರಾಟ ನಡೆಸುತ್ತಿರುವುದನ್ನು ಹಾಗೂ ಪೊಲೀಸರು ಪುಷ್ಪಗಾಗಿ ತೀವ್ರ ಹುಡುಕಾಟ ನಡೆಸುತ್ತಿರುವುದನ್ನು ಟೀಸರ್​ನಲ್ಲಿ ತೋರಿಸಲಾಯಿತು. ಕೊನೆಗೆ ಪುಷ್ಪ ಹುಲಿಯ ಜೊತೆಗೆ ಕಾಣಿಸಿಕೊಂಡ ದೃಶ್ಯವೂ ಇತ್ತು. ಆದರೆ, ಈ ದೃಶ್ಯಗಳು ಪುಷ್ಪ 2 ಚಿತ್ರದಲ್ಲಿಲ್ಲ. ಅಷ್ಟೇ ಅಲ್ಲದೆ, ಇತ್ತೀಚಿಗೆ ಟ್ರೇಲರ್‌ನಲ್ಲಿ, ಬನ್ವರ್ ಸಿಂಗ್ ಶೆಖಾವತ್ ಪಾತ್ರಧಾರಿ ಫಾಹದ್​ ಫಾಸಿಲ್​ ಕೊಳವೊಂದರಲ್ಲಿ ಸ್ನಾನ ಮಾಡುತ್ತಿರುವ ದೃಶ್ಯವನ್ನು ತೋರಿಸಲಾಗಿತ್ತು. ಆದರೆ, ಆ ದೃಶ್ಯವು ಕೂಡ ಸಿನಿಮಾದಲ್ಲಿಲ್ಲ. ಹೀಗಾಗಿ ಅಭಿಮಾನಿಗಳು ಆ ದೃಶ್ಯಗಳು ಎಲ್ಲಿ ಹೋದವು ಎಂದು ಹುಡುಕಾಡುತ್ತಿದ್ದಾರೆ.

ಇದನ್ನೂ ಓದಿ: ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಶತಕ ಹೊಸ್ತಿಲಲ್ಲಿ ಅತಿ ಹೆಚ್ಚು ಬಾರಿ ಔಟಾದ ಕ್ರಿಕೆಟಿಗನ್ಯಾರು? ಇಲ್ಲಿದೆ ಅಚ್ಚರಿ ಉತ್ತರ! Most Outs in 90s

ಇನ್ನು ಪುಷ್ಪ 2 ಚಿತ್ರದ ಅವಧಿ ಈಗಾಗಲೇ ಮೂರು ಗಂಟೆಗಳಿಗಿಂತ ಹೆಚ್ಚಿದೆ. ಚಿತ್ರ ತುಂಬಾ ಉದ್ದವಾಗಿದೆ ಎಂಬ ಕಾರಣದಿಂದ ಈ ದೃಶ್ಯವನ್ನು ತೆಗೆದುಹಾಕಲಾಗಿದೆಯೇ? ಅಥವಾ ಈ ಸಿನಿಮಾದ ಕೊನೆಯಲ್ಲಿ ಭಾಗ 3 ಇರಲಿದೆ ಎಂಬ ಸುಳಿವು ನೀಡಿದ್ದು, ಈ ದೃಶ್ಯಗಳು ಮೂರನೇ ಭಾಗದಲ್ಲಿ ಸೇರಿಕೊಳ್ಳುತ್ತವೆಯೇ ಎಂಬುದನ್ನು ಕಾದು ನೋಡಬೇಕಿದೆ.

ಅಂದಹಾಗೆ ಪುಷ್ಪ 2: ದಿ ರೂಲ್, 2021ರ ಬ್ಲಾಕ್‌ಬಸ್ಟರ್ ಪುಷ್ಪ: ದಿ ರೈಸ್‌ನ ಬಹು ನಿರೀಕ್ಷಿತ ಸಿನಿಮಾದ ಮುಂದಿನ ಭಾಗವಾಗಿದೆ. ಮೈತ್ರಿ ಮೂವಿ ಮೇಕರ್ಸ್ ನಿರ್ಮಾಣ ಮಾಡಿದ್ದು, ಸುಕುಮಾರ್ ನಿರ್ದೇಶನ ಮಾಡಿದ್ದಾರೆ. ಇಂದಿನಿಂದ ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದ್ದು, ಮಿಶ್ರ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ. (ಏಜೆನ್ಸೀಸ್​)

https://www.vijayavani.net/samantha-naga-chaitanyas-marriage-is-grand-samanthas-instagram-post-goes-viral-fight-like-a

https://www.vijayavani.net/pushpa-2-release-dead-woman-identified-injured-husband-and-children-undergoing-treatment