ಧ್ರುವ, ರಿಷಬ್, ಧನಂಜಯ, ರಕ್ಷಿತ್​ರಿಂದ ಬಿಡುಗಡೆಯಾಯಿತು 'ಹಾಸ್ಟಲ್​ ಹುಡುಗರ' ಹಾಡು

ಬೆಂಗಳೂರು: ‘ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ’ ಎಂಬ ಹೊಸಬರ ಚಿತ್ರಕ್ಕೆ ಈಗಾಗಲೇ ಪುನೀತ್ ರಾಜಕುಮಾರ್, ಸುದೀಪ್, ರಮ್ಯಾ, ರಕ್ಷಿತ್ ಶೆಟ್ಟಿ ಸೇರಿದಂತೆ ಕೆಲವು ಸ್ಟಾರ್​ ನಟ-ನಟಿಯರು ಸಾಥ್​ ನೀಡಿದ್ದಾರೆ. ತಮ್ಮದೇ ರೀತಿಯಲ್ಲಿ ಪ್ರಚಾರ ಮಾಡಿದ್ದಾರೆ. ಈಗ ಕನ್ನಡದ ನಾಲ್ವರು ಟಾ್​ ನಟರು ಚಿತ್ರದ ಒಂದು ಹಾಡನ್ನು ಬಿಡುಗಡೆ ಮಾಡಿದ್ದಾರೆ.

ಇದನ್ನೂ ಓದಿ: ‘ನಾನು 50ರ ಬಳಿಕ ಬದುಕಿರಲ್ಲ’ ಎಂದಿದ್ದ ಖ್ಯಾತ ನಟ; ಹಾಗೇ ಆಯ್ತು: ಈ ನಟನ ಕುಟುಂಬದ ಹಲವರ ಸಾವಿಗಿದೆ 2 ಸಾಮ್ಯತೆ!

ಹಾಸ್ಟಲ್​ನಲ್ಲಿರುವ ಹುಡುಗರ ಕಥೆ-ವ್ಯಥೆ ಸಾರುವ ಈ ಪ್ರೊಟೆಸ್ಟ್​ ಹಾಡನ್ನು ಸಖತ್ ಮಜವಾಗಿ ಕಟ್ಟಿಕೊಡಲಾಗಿದ್ದು, ಈ ಹಾಡನ್ನು ರಕ್ಷಿತ್ ಶೆಟ್ಟಿ, ರಿಷಬ್ ಶೆಟ್ಟಿ, ಧನಂಜಯ ಮತ್ತು ಧ್ರುವ ಸರ್ಜಾ ಸೋಷಿಯಲ್​ ಮೀಡಿಯಾದಲ್ಲಿ ಏಕಕಾಲಕ್ಕೆ ಬಿಡುಗಡೆ ಮಾಡುವ ಮೂಲಕ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. ಈ ಹಾಡಿಗೆ ಯೋಗರಾಜ್​ ಭಟ್​ ಸಾಹಿತ್ಯ ಬರೆದಿದ್ದು, ಅಜನೀಶ್​ ಲೋಕನಾಥ್​ ಸಂಗೀತ ಸಂಯೋಜಿಸಿದ್ದಾರೆ.

ವರುಣ್ ಸ್ಟುಡಿಯೋಸ್ ಹಾಗೂ ಗುಲ್ ಮೋಹರ್ ಫಿಲಂಸ್ ಬ್ಯಾನರ್ ನಡಿ ನಿರ್ಮಾಣವಾಗಿರುವ ‘ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ’ ಚಿತ್ರವನ್ನು ನಿತಿನ್ ಕೃಷ್ಣಮೂರ್ತಿ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಹಲವು ರಂಗಭೂಮಿ ಪ್ರತಿಭೆಗಳು ನಟಿಸಿರುವ ಈ ಚಿತ್ರದಲ್ಲಿ ಹಲವು ಸೆಲೆಬ್ರಿಟಿಗಳು ಅತಿಥಿ ಪಾತ್ರಗಳಲ್ಲೂ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ‘ಬಿಗ್​ ಬಾಸ್​’ ಗೆದ್ದು ಬಂದ ರೂಪೇಶ್​ ಶೆಟ್ಟಿ ಅಭಿನಯದ ಚಿತ್ರವೊಂದು 13ಕ್ಕೆ ಬಿಡುಗಡೆ

ಅಂದಹಾಗೆ, ‘ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ’ ಚಿತ್ರವು ಫೆಬ್ರವರಿಯಲ್ಲಿ ಬಿಡುಗಡೆಯಾಗಲಿದೆ.

https://www.vijayavani.net/only-two-celebrities-from-bollywood-to-attend-sidharth-malhotra-kiara-advani-wedding/