ಈ ಕುರಿತು ಮಾತನಾಡಿರುವ ಅವರು, ‘ಅಕ್ಷಯ್ ಕುಮಾರ್ ಅಭಿನಯದ ‘ಅಂದಾಜ್’ ಎಂಬ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟೆ. ಆ ಚಿತ್ರದ ರೊಮ್ಯಾಂಟಿಕ್ ಹಾಡೊಂದರ ಚಿತ್ರೀಕರಣ ದಕ್ಷಿಣ ಆಫ್ರಿಕಾದಲ್ಲಿ ನಡೆಯುತಿತ್ತು. ಹಾಡಿಗೆ ಕೊರಿಯೋಗ್ರಫಿ ಮಾಡುತ್ತಿದ್ದವರು ರಾಜು ಖಾನ್. ಅದೇನೋ ಒಂದು ದೃಶ್ಯ ಮೂವ್‌ಮೆಂಟ್ ಸರಿಯಾಗಿ ಬರುತ್ತಲೇ ಇರಲಿಲ್ಲ. 40 ಟೇಕ್‌ಗಳಾದರೂ ಸರಿ ಬರಲಿಲ್ಲ. ತಾಳ್ಮೆ ಕಳೆದುಕೊಂಡ ಅವರು ನನ್ನ ಮೇಲೆ ರೇಗಾಡಿದರು. ‘ನೀನು ಮಿಸ್ ವರ್ಲ್ಡ್ ಆದ್ರೆ ನಿಮ್ಮನೇಲಿ, ಸೆಟ್‌ನಲ್ಲಲ್ಲ. ಮಿಸ್ ವರ್ಲ್ಡ್ ಆದವರೆಲ್ಲಾ ಒಳ್ಳೆಯ ನಟಿ ಆಗಬೇಕು ಅಂತೇನಿಲ್ಲ’ ಎಂದು ಬೈದರು. ಅಷ್ಟೇ ಅಲ್ಲ, ನೃತ್ಯ ಪ್ರಾಕ್ಟೀಸ್ ಮಾಡಿಕೊಂಡು ಬಾ ಎಂದು ಸಲಹೆ ನೀಡಿದರು’ ಎಂದು ನೆನಪಿಸಿಕೊಂಡಿದ್ದಾರೆ ಪ್ರಿಯಾಂಕಾ.
