ನಟಿ ಪೂಜಾ, ಕಳೆದ ಜೂನ್ನಲ್ಲಿ ತೆರೆಗೆ ಬಂದ ‘90 ಬಿಡಿ ಮನೀಗ್ ನಡಿ’, ‘ಅಡಚಣೆಗಾಗಿ ಕ್ಷಮಿಸಿ’, ‘ಚೆಕ್ಮೇಟ್’, ‘ಫೀಲ್ ಮೈ ವ್’, ‘ಮನದರಸಿ’ ಸೇರಿ ಐದಾರು ಚಿತ್ರಗಳಲ್ಲಿ ನಟಿಸಿದ್ದಾರೆ. ಇಂತಹ ಪೂಜಾ ಸದ್ಯ ಸಂಗೀತ ನಿರ್ದೇಶಕ ಅಭಿಮಾನ್ ರಾಯ್ ಆ್ಯಕ್ಷನ್-ಕಟ್ ಹೇಳುತ್ತಿರುವ ಸಿನಿಮಾದಲ್ಲೂ ನಾಯಕಿಯಾಗಿ ನಟಿಸುತ್ತಿದ್ದಾರೆ. ‘ಶೀರ್ಷಿಕೆ ಇನ್ನೂ ರಿವೀಲ್ ಮಾಡಿಲ್ಲ. ಆದರೆ, ಶೂಟಿಂಗ್ ಕಂಪ್ಲೀಟ್ ಮಾಡಿ, ಸದ್ಯ ಡಬ್ಬಿಂಗ್ ಕೆಲಸ ನಡೆಯುತ್ತಿದೆ. ವಿಜಯದಶಮಿ ಹಬ್ಬಕ್ಕೆ ಪೋಸ್ಟರ್, ಟೈಟಲ್ ಅಥವಾ ಟೀಸರ್ ರಿಲೀಸ್ ಮಾಡುವ ಪ್ಲ್ಯಾನ್ ಇದೆ. ನೋಡಬೇಕು’ ಎಂದು ಮಾಹಿತಿ ನೀಡುತ್ತಾರೆ ಪೂಜಾ. ಅದರ ಜತೆಗೆ ‘ದಿ ಟ್ರಾವೆಲರ್’ ಎಂಬ ಮತ್ತೊಂದು ಚಿತ್ರದಲ್ಲಿ ಅವರು ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
