ಈ ವರ್ಷ ನಯನತಾರಾ ಅಭಿನಯದ 'ಮನ ಶಂಕರ್ ವರಪ್ರಸಾದ್ ಗಾರು' ಚಿತ್ರವನ್ನು ಹೊರತುಪಡಿಸಿದರೆ, ಉಳಿದ ಯಾವುದೇ ಪ್ರಮುಖ ಸಿನಿಮಾಗಳು ನಿರೀಕ್ಷಿತ ಯಶಸ್ಸು ಕಾಣಲು ಸಾಧ್ಯವಾಗಿಲ್ಲ. ಮುಖ್ಯವಾಗಿ ಭಾರಿ ನಿರೀಕ್ಷೆಗಳೊಂದಿಗೆ ತೆರೆಕಂಡ ಸುಂದರ್ ಸಿ ನಿರ್ದೇಶನದ 'ಮೂಕುತಿ ಅಮ್ಮನ್ 2' ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ತೀವ್ರ ನಿರಾಶೆ ಮೂಡಿಸಿದೆ.
ಮೊದಲ ಭಾಗ ಒಟಿಟಿಯಲ್ಲಿ ಅಭೂತಪೂರ್ವ ಯಶಸ್ಸು ಗಳಿಸಿದ್ದರೂ, ಸೀಕ್ವೆಲ್ ಥಿಯೇಟರ್‌ಗಳಲ್ಲಿ ಸದ್ದು ಮಾಡಲು ವಿಫಲವಾಯಿತು. ಇದರ ಜತೆಗೆ ಕವಿನ್ ಜತೆ ನಟಿಸಿದ 'ಹೈ' ಚಿತ್ರವಾಗಲಿ ಅಥವಾ ಯಶ್ ಅಭಿನಯದ 'ಟಾಕ್ಸಿಕ್' ಸಿನಿಮಾದ ಪ್ರಮುಖ ಪಾತ್ರವಾಗಲಿ ನಯನತಾರಾ ಅವರಿಗೆ ಯಶಸ್ಸು ತಂದುಕೊಡಲಿಲ್ಲ, ಇದು ಅವರ ಮಾರ್ಕೆಟ್ ಮೇಲೆ ತೀವ್ರ ಪರಿಣಾಮ ಬೀರಿದೆ.
ಈ ಸರಣಿ ಸೋಲುಗಳ ನಡುವೆಯೂ ನಯನತಾರಾ ಕೈಯಲ್ಲಿ ಕೆಲ ಪ್ರಮುಖ ಹಾಗೂ ನಿರೀಕ್ಷಿತ ಸಿನಿಮಾಗಳಿದ್ದು, ಅಭಿಮಾನಿಗಳು ಅವುಗಳ ಮೇಲೆ ಅಪಾರ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಮಲಯಾಳಂ ನಟ ನಿವಿನ್ ಪೌಲಿ ಜತೆಗಿನ 'ಡಿಯರ್ ಸ್ಟೂಡೆಂಟ್ಸ್', ದುರೈ ಸೆಂಥಿಲ್ ಕುಮಾರ್ ನಿರ್ದೇಶನದ 'ನಯನತಾರಾ 81' ಹಾಗೂ ಭಾರಿ ಕುತೂಹಲ ಮೂಡಿಸಿರುವ ಪೀರಿಯಡ್ ಆಕ್ಷನ್ ಡ್ರಾಮಾ 'ರಕ್ಕಾಯಿ' ಚಿತ್ರಗಳು ನಯನತಾರಾ ಅವರ ಮುಂದಿನ ಹಾದಿಯನ್ನು ನಿರ್ಧರಿಸಲಿವೆ. ವಿಶೇಷವಾಗಿ 'ರಕ್ಕಾಯಿ' ಸಿನಿಮಾದಲ್ಲಿ ಅವರು ಸಂಪೂರ್ಣ ಹೊಸ ಮಾದರಿಯ ಆ್ಯಕ್ಷನ್ ಅವತಾರದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಪ್ರೇಕ್ಷಕರಲ್ಲಿ ಭಾರಿ ಕಾತರವನ್ನು ಹುಟ್ಟುಹಾಕಿದೆ.
