Saiga Antelope features: ಪ್ರಕೃತಿಯ ವಿಸ್ಮಯಗಳಲ್ಲ ಒಂದಾದ 'ಸೈಗಾ ಆಂಟೆಲೋಪ್' ಪ್ರಾಣಿಯನ್ನು ನೋಡಿದ್ದೀರಾ? ಸಣ್ಣ ಸೊಂಡಿಲಿನಂತಿರುವ ಇದರ ಮೂಗು ನೋಡೋಕೆ ಎಷ್ಟು ವಿಚಿತ್ರವಾಗಿದೆಯೋ, ಇದರ ಹಿನ್ನೆಲೆಯೂ ಅಷ್ಟೇ ರೋಚಕ. ಮ್ಯಾಮತ್‌ಗಳ ಕಾಲದಿಂದಲೂ ಇಂದಿನವರೆಗೂ ಭೂಮಿ ಮೇಲೆ ಬದುಕುಳಿದಿರುವ ಅಪರೂಪದ ಜೀವಂತ ಪಳೆಯುಳಿಕೆ ಇದು.
ಈ ಪ್ರಾಣಿಯ ದೊಡ್ಡ ಮೂಗು ಕೇವಲ ವಿಚಿತ್ರವಾಗಿ ಕಾಣುವುದು ಮಾತ್ರವಲ್ಲ, ಅದ್ಭುತವಾದ ನೈಸರ್ಗಿಕ ಹವಾನಿಯಂತ್ರಣ (AC) ವ್ಯವಸ್ಥೆಯಂತೆ ಕೆಲಸ ಮಾಡುತ್ತೆ.
ಉಸಿರಾಟಕ್ಕೆ ನೈಸರ್ಗಿಕ ಎಸಿ ವ್ಯವಸ್ಥೆ
ಚಳಿಗಾಲದಲ್ಲಿ: ಮೈನಸ್ 40 ಡಿಗ್ರಿ ತೀವ್ರ ಚಳಿಯಿರುವಾಗ, ದೇಹದ ಒಳಗೆ ಗಾಳಿ ಹೋಗುವ ಮುನ್ನವೇ ಅದನ್ನು ಬೆಚ್ಚಗಾಗಿಸಿ ಉಸಿರಾಡಲು ನೆರವಾಗುತ್ತೆ.
ಬೇಸಿಗೆಯಲ್ಲಿ: ಬಿಸಿಲಿನಲ್ಲಿ ವೇಗವಾಗಿ ಓಡುವಾಗ ಗಾಳಿಯಲ್ಲಿರುವ ಧೂಳನ್ನು ಫಿಲ್ಟರ್ ಮಾಡಿ ಶ್ವಾಸಕೋಶವನ್ನು ರಕ್ಷಿಸುತ್ತೆ ಮತ್ತು ರಕ್ತದ ತಾಪಮಾನವನ್ನು ನಿಯಂತ್ರಣದಲ್ಲಿಡುತ್ತೆ.
ಮ್ಯಾಮತ್‌ಗಳ ಕಾಲದಿಂದಲೂ ಜೀವಂತ
ಉಣ್ಣೆಯ ಮ್ಯಾಮತ್ (Woolly Mammoth) ಹಾಗೂ ಸಬರ್-ಟೂತ್ಡ್ ಬೆಕ್ಕುಗಳು ಭೂಮಿಯ ಮೇಲಿದ್ದ ಕಾಲದಿಂದಲೂ ಈ ಸೈಗಾ ಆಂಟೆಲೋಪ್‌ಗಳಿವೆ. ಕಾಲಕ್ರಮೇಣ ದೈತ್ಯ ಹಿಮಯುಗದ ಪ್ರಾಣಿಗಳೆಲ್ಲ ನಾಶವಾದರೂ, ಇವು ಮಾತ್ರ ಇಂದಿಗೂ ಬದುಕುಳಿದು ಬಂದಿರುವುದು ನಿಜಕ್ಕೂ ಪವಾಡವೇ ಸರಿ.
