ಹೈದರಾಬಾದ್: ಇತ್ತೀಚೆಗೆ ತಾನೆ ಟಾಲಿವಡ್, ಬಾಲಿವುಡ್ ವಲಯದಲ್ಲಿ ಮಾದಕ ವಸ್ತುಗಳ ಕುರಿತಾದ ವಿಚಾರ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಇದೀಗ, ಮತ್ತೆ ಟಾಲವುಡ್ನಲ್ಲಿ ಮಾದಕ ವಸ್ತುಗಳ ಬಳಕೆಯ ಸುದ್ದಿ ಆತಂಕ ಹೆಚ್ಚಿಸಿದೆ. ಅಂದಹಾಗೆ, ಹೈದರಾಬಾದ್ನಲ್ಲಿನ ಬಂಜಾರ ಹಿಲ್ಸ್ನಲ್ಲಿ ಇರುವ ಒಂದು ಖಾಸಗಿ 5 ಸ್ಟಾರ್ ಹೋಟೆಲ್ನಲ್ಲಿ ಶನಿವಾರ ಅಂದರೆ ಏ. 2 ರಂದು ಮಧ್ಯರಾತ್ರಿ ರೇವ್ ಪಾರ್ಟಿ ನಡೆಯುತ್ತಿದ್ದು, ಅದರಲ್ಲಿ ಅನೇಕ ಪ್ರಭಾವಿ ವ್ಯಕ್ತಿಗಳ ಮಕ್ಕಳು, ಸೆಲೆಬ್ರಿಟಿ ಕುಟುಂಬದ ಕುಡಿಗಳು ಇದ್ದರು ಎಂಬ ಮಾಹಿತಿ ಪೊಲೀಸರಿಗೆ ಸಿಕ್ಕಿತ್ತು. ಹಾಗಾಗಿ, ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಬಂಜಾರಾ ಹಿಲ್ಸ್ ಪೊಲೀಸರು ಅಂದಾಜು 148 ಕ್ಕೂ ಹೆಚ್ಚು ಜನರನ್ನು ವಶಕ್ಕೆ ಪಡೆದಿದ್ದಾರೆ ಎನ್ನಲಾಗಿದೆ. ಅದರಲ್ಲಿ, ಮೆಗಾ ಕುಟುಂಬದ ಕುಡಿ ನಟಿ ನಿಹಾರಿಕಾ ಕೊನಿಡೆಲಾ ಮತ್ತು ಬಿಗ್ ಬಾಸ್ ತೆಲುಗು 3 ವಿನ್ನರ್ ರಾಹುಲ್ ಸಿಪ್ಲಿಗಂಜ್ ಇದ್ದರು.
