ಮುಂಬೈ: "ಸಾಮ್ರಾಟ್ ಪೃಥ್ವಿರಾಜ್' ಬಾಕ್ಸ್ ಆಫೀಸ್ನಲ್ಲಿ ನೆಲ ಕಚ್ಚುತ್ತಿದ್ದಂತೆ ಆ ಚಿತ್ರದ ಮೂಲಕ ನಟಿಯಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಮಾನುಷಿ ಚಿಲ್ಲರ್ ಕಥೆ ಏನು ಎಂಬ ಪ್ರಶ್ನೆ ಎಲ್ಲರಲ್ಲೂ ಇತ್ತು. ಏಕೆಂದರೆ, ಮೊದಲ ಚಿತ್ರದಲ್ಲೇ ಮಾನುಷಿಗೆ ಎಲ್ಲವೂ ಸಿಕ್ಕಿತ್ತು. ದೊಡ್ಡ ನಿರ್ಮಾಣ ಸಂಸ್ಥೆ, ದೊಡ್ಡ ಹೀರೋ, ದೊಡ್ಡ ಚಿತ್ರ ... ಆದರೆ, ಮಿಸ್ ಆಗಿದ್ದು ಅದೃಷ್ಟ ಮಾತ್ರ. ಮೊದಲ ಚಿತ್ರವೇ ಸೋತಿದ್ದರಿಂದ ಅವರಿಗೆ ಮುಂದೆ ಅವಕಾಶಗಳು ಸಿಗುತ್ತವಾ? ಅಥವಾ ಮೊದಲ ಚಿತ್ರವೇ ಕೊನೆಯ ಚಿತ್ರವಾಗುತ್ತದಾ? ಎಂಬ ಮಾತುಗಳು ಕೇಳಿಬಂದವು. ಆದರೆ, ಮಾನುಷಿ ಬ್ಯಾಕ್ ಟು ಬ್ಯಾಕ್ ಎರಡು ಚಿತ್ರಗಳನ್ನು ಒಪ್ಪುವ ಮೂಲಕ ಎಲ್ಲರ ಬಾಯಿ ಮುಚ್ಚಿಸಿದ್ದಾರೆ.
