ಬರೀ ಮಾಧುರಿ ದೀಕ್ಷಿತ್ ಅಷ್ಟೇ ಅಲ್ಲ, ಧರ್ಮೇಂದ್ರ, ಗೋವಿಂದ, ಬಪ್ಪಿ ಲಹರಿ, ಪ್ಯಾರೇಲಾಲ್ (ಲಕ್ಷ್ಮೀಕಾಂತ್-ಪ್ಯಾರೇಲಾಲ್ ಖ್ಯಾತಿಯ), ಅಶಾ ಭೋಂಸ್ಲೇ, ಉಷಾ ಮಂಗೇಶ್ಕರ್, ಎಂ.ಎಸ್. ಸತ್ಯು, ಗಾಯಕಿ ಹೇಮಲತಾ, ಶ್ಯಾರೋನ್ ಪ್ರಭಾಕರ್, ಆರತಿ ಮುಖರ್ಜಿ ಸೇರಿದಂತೆ 45ಕ್ಕೂ ಹೆಚ್ಚು ಸೆಲೆಬ್ರಿಟಿಗಳನ್ನು ಈ ಸಂಬಂಧ ಸಂದರ್ಶನ ಮಾಡಿದ್ದಾರೆ. ಎಲ್ಲಾ ಸೆಲೆಬ್ರಿಟಿಗಳು ತಮ್ಮ ಜೀವನದಲ್ಲಾದ ನೋವು-ನಲಿವುಗಳನ್ನು ಈ ಕಾರ್ಯಕ್ರಮದ ಮೂಲಕ ತೆರೆದಿಡುವ ಪ್ರಯತ್ನ ಮಾಡಿದ್ದಾರೆ. ಸದ್ಯಕ್ಕೆ ಮಾಧುರಿ ದೀಕ್ಷಿತ್ ಅವರ ಎಪಿಸೋಡ್ ಮಾತ್ರ ಅಪ್ಲೋಡ್ ಆಗಿದೆ. ಬೇರೆ ಸೆಲೆಬ್ರಿಟಿಗಳ ಕಂತುಗಳು ಈಗಾಗಲೇ ಎಡಿಟ್ ಆಗಿದ್ದು, ಸದ್ಯದಲ್ಲೇ ಇನ್ನಷ್ಟು ಕಂತುಗಳು ಅಪ್ಲೋಡ್ ಆಗಲಿವೆ.
