ಸತೀಶ್ ನೀನಾಸಂ ಸದ್ಯ ಲಾಕ್ಡೌನ್ ಹಿನ್ನೆಲೆಯಲ್ಲಿ ಮನೆಯಲ್ಲಿದ್ದಾರೆ. ಮನೆಯ ದಿಗ್ಬಂಧನದಲ್ಲಿ ಸಿನಿಮಾ, ಸ್ಕ್ರಿಪ್ಟು, ವ್ಯಾಯಾಮ ಮತ್ತು ಓದಿನಲ್ಲಿ ತಲ್ಲೀನರಾಗಿದ್ದಾರೆ. ಇದೆಲ್ಲದರ ನಡುವೆಯೂ, ಸತೀಶ್ ಗಮನ ಮಾತ್ರ ವಿದೇಶದಲ್ಲಿದೆ. ಅಂದರೆ, ಅವರೇ ಅಂಥದ್ದೊಂದು ಫೋಟೋ ಹಂಚಿಕೊಂಡಿದ್ದಾರೆ. ವಿದೇಶಿಗರೊಂದಿಗೆ ಕುಳಿತು ‘ಗೋ ಕರೊನಾ ಗೋ’ ಎಂದು ಜಪ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ‘ಭಾರತದ ಕೋಗಿಲೆ’ಯಾಗಿ ‘ರಾಮಾಯಣ’ದ ಸೀತೆ!
ಈ ಹಿಂದೆ ‘ವೈತರಣಿ’ ಸಿನಿಮಾ ಶೂಟಿಂಗ್ ಸಮಯದಲ್ಲಿ ಲಂಡನ್ನಲ್ಲಿ ತೆಗೆದ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡ ಸತೀಶ್, ಸದ್ಯದ ಲಾಕ್ಡೌನ್ ಸ್ಥಿತಿ ಹೇಗಿದೆ ಎಂಬುದಕ್ಕೆ ಅವರದೇ ಆದ ವ್ಯಾಖ್ಯಾನ ನೀಡಿದ್ದಾರೆ. ಕರೊನಾ ನಮ್ಮ ಜತೆ ಕಣ್ಣಾಮುಚ್ಚೆ ಕಾಡೆಗೂಡೆ ಆಡುತ್ತಿದೆ. ಹಾಗಾಗಿ ಮನೆಯಲ್ಲೇ ಇರಿ, ಸೇಫಾಗಿರಿ ಎಂದಿದ್ದಾರೆ.
ಇದನ್ನೂ ಓದಿ: ಟ್ರಿಕ್ ಫೋಟೋಗ್ರಫಿ ತಜ್ಞ ಶ್ರೀಕಾಂತ್ ಇನ್ನಿಲ್ಲ
ಈ ಮೊದಲು ಲಾಕ್ಡೌನ್ ಕೊಂಚ ಸಡಿಲಿಕೆ ಆದಾಗ, ಖುಷಿಯ ಮೂಡ್ನಲ್ಲಿದ್ದ ಫೋಟೋ ಪೋಸ್ಟ್ ಮಾಡಿ, ಲಾಕ್ಡೌನ್ ಸ್ವಲ್ಪ ಸಡಿಲಿಕೆ. ಆದರೂ ನಮ್ಮ ಎಚ್ಚರ ನಮಗಿರಲಿ ಎಂಬ ಕ್ಯಾಪ್ಷನ್ ನೀಡಿದ್ದರು. ಒಟ್ಟಿನಲ್ಲಿ ಲಾಕ್ಡೌನ್ನಲ್ಲಿ ಒಂದಷ್ಟು ಬದಲಾವಣೆಗೆ ಸತೀಶ್ ಒಗ್ಗಿಕೊಂಡಿದ್ದಾರೆ. ಸದ್ಯ ಗೋದ್ರಾ ಸಿನಿಮಾ ಬಿಡುಗಡೆಗೆ ಸಿದ್ಧವಾದರೆ, ವೈತರಣಿ ಚಿತ್ರದ ಕೆಲಸಗಳು ಬಾಕಿ ಉಳಿದಿವೆ.
ಕಾಶಿನಾಥ್ ಜನ್ಮದಿನ; ಗಾಡ್ಫಾದರ್ ನೆನೆದ ಸ್ಯಾಂಡಲ್ವುಡ್ ಕಲಾವಿದರು