ಆಗ ಆದ ನೋವನ್ನು ಮಾಧವನ್​ ಇನ್ನೂ ಮರೆತಿಲ್ಲ!

ಕೆಲವರು ತಮಗಾದ ನೋವು ಮತ್ತು ಅವಮಾನವನ್ನು ಎಂದೂ ಮರೆಯುವುದಿಲ್ಲ. ಅದನ್ನು ಸದಾ ನೆನಪಿಟ್ಟುಕೊಂಡಿರುತ್ತಾರೆ ಮತ್ತು ಅದರಿಂದ ತಾವು ಜೀವನದಲ್ಲಿ ದೊಡ್ಡ ಪಾಠವೊಂದು ಕಲಿತಿರುತ್ತಾರೆ. ಅಂಥದ್ದೇ ಒಂದು ಅವಮಾನವನ್ನು ಎದುರಿಸಿರುವ ಮಾಧವನ್​, ಅದರಿಂದ ಸಾಕಷ್ಟು ಪಾಠವನ್ನೂ ಕಲಿತಿದ್ದಾರಂತೆ.

ಇಷ್ಟಕ್ಕೂ ಮಾಧವನ್​ಗೆ ಯಾರು ಮತ್ತು ಯಾಕೆ ಅವಮಾನ ಮಾಡಿದರು ಎಂಬ ಪ್ರಶ್ನೆ ಸಹಜ. ಈ ಘಟನೆಯಾಗಿದ್ದು ಹಲವು ವರ್ಷಗಳ ಹಿಂದೆ. ಮಾಧವನ್​ ಎಂಟು ವರ್ಷದವರಾಗಿದ್ದಾಗ ಆದ ಅವಮಾನವನ್ನು, ಇದೀಗ ಸೋಷಿಯಲ್​ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಆದರೆ, ಅವರಿಗೆ ಅವಮಾನ ಮಾಡಿದವರ್ಯಾರು ಎಂಬ ವಿಷಯವನ್ನು ಮಾತ್ರ ಎಲ್ಲೂ ಬಹಿರಂಗಪಡಿಸಿಲ್ಲ.

ಇದನ್ನೂ ಓದಿ: PHOTO: ಭಜರಂಗಿ ಭಾಯಿಜಾನ್​ ಚಿತ್ರಕ್ಕೆ ಐದು ವರ್ಷ; ಆ ಚಿತ್ರದ ಮುನ್ನಿ ಈಗ ಹೇಗಿದ್ದಾಳೆ ಗೊತ್ತಾ?

'ಆಗ ನಾನು ಎಂಟು ವರ್ಷದವನಾಗಿದ್ದೆ. ಒಮ್ಮೆ ದೊಡ್ಡ ಕ್ರಿಕೆಟರ್​ ಒಬ್ಬರನ್ನು ಭೇಟಿ ಮಾಡುವ ಸಂದರ್ಭ ಬಂತು. ನಾವು ಸ್ನೇಹಿತರೆಲ್ಲಾ ಅವರಿಂದ ಆಟೋಗ್ರಾಫ್​ ಪಡೆಯುವುದಕ್ಕೆ ಹೋದೆವು. ನಾವು ಹುಡುಗರು ಹೋದ ಸಂದರ್ಭದಲ್ಲಿ, ಅವರು ಯಾರ ಜತೆಗೋ ಮಾತಾಡುತ್ತಾ ಕುಳಿತಿದ್ದರು. ನಾವು ಹೋಗಿದ್ದು ನೋಡಿ, ಆಟೋಗ್ರಾಫ್​ ಸೈನ್​ ಮಾಡುವುದಕ್ಕೆ ಪ್ರಾರಂಭಿಸಿದರು. ನಾನಂತೂ ತುಂಬಾ ಎಕ್ಸೈಟ್​ ಆಗಿದ್ದೆ. ನನ್ನ ಸರದಿ ಬಂದಾಗ, ಅವರಿಗೆ ಆಟೋಗ್ರಾಫ್​ ಬುಕ್​ ಕೊಟ್ಟೆ. ಯಾರು ಕೊಟ್ಟರು ಎಂಬುದನ್ನೂ ಸಹ ನೋಡದೆ, ಅವರು ಸುಮ್ಮನೆ ಸೈನ್​ ಮಾಡಿ ವಾಪಸ್ಸು ಕೊಟ್ಟರು' ಎಂದು ಹೇಳಿಕೊಂಡಿದ್ದಾರೆ ಮಾಧವನ್​.

'ಅವರು ಮಾಡಿದ್ದು ಸರಿಯೋ ತಪ್ಪೋ ಗೊತ್ತಿಲ್ಲ. ಆದರೆ, ಅವರ ನಡೆಯಿಂದ ನನಗೆ ಬಹಳ ನೋವಾಯಿತು. ಆವತ್ತೇ ತೀರ್ಮಾನಿಸಿದೆ. ನಾನು ಯಾವತ್ತಾದರೂ ಯಾರಿಗಾದರೂ ಆಟೋಗ್ರಾಫ್​ ಕೊಟ್ಟರೆ, ಅವರ ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತೇನೆ ಎಂದು ನಿರ್ಧರಿಸಿದೆ' ಎಂದಿದ್ದಾರೆ ಮಾಧವನ್​. ಅಷ್ಟೇ ಅಲ್ಲ, ಅದನ್ನು ಪಾಲಿಸಿಕೊಂಡು ಬಂದಿದ್ದಾರೆ.

ಇದನ್ನೂ ಓದಿ: ಟೈಗರ್​ ಶ್ರಾಫ್​ ತಂಗಿ ಕರೊನಾ ಹಾವಳಿ ಮಧ್ಯೆ ಸಿಡ್ನಿಗೆ ಹಾರಿದ್ದು ಏಕೆ?

ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ಸಕ್ರಿಯವಾಗಿರುವ ಮಾಧವನ್​, ಇತ್ತೀಚೆಗೆ ವಿದ್ಯಾರ್ಥಿಗಳಿಗೆ ಧೈರ್ಯ ತುಂಬಿದ್ದರು. ಪರೀಕ್ಷೆಗಳಲ್ಲಿ ಕಡಿಮೆ ಅಂಕ ಗಳಿಸಿದವರು ಆತ್ಮಹತ್ಯೆಗೆ ಪ್ರಯತ್ನ ಮಾಡಿದ ಹಿನ್ನೆಲೆಯಲ್ಲಿ, ಅವರು ತಮ್ಮ ಪೋಸ್ಟ್​ ಮೂಲಕ ಹುರಿದುಂಬಿಸಿದ್ದರು.

'ಬೋರ್ಡ್​ ಎಕ್ಸಾಮ್​ಗಳಲ್ಲಿ ನನಗೆ ಬಂದ ಅಂಕಗಳೆಷ್ಟು ಗೊತ್ತಾ? ಕೇವಲ 58 ಪರ್ಸೆಂಟ್​. ಅದರಿಂದ ಧೈರ್ಯಗೆಡಬಾರದು. ಸಾಧಿಸುವುದು ಇನ್ನೂ ಸಾಕಷ್ಟು ಇದೆ. ನಿವಾದ ಆಟ ಆಗಿನ್ನೂ ಪ್ರಾರಂಭವೇ ಆಗಿರುವುದಿಲ್ಲ ಸ್ನೇಹಿತರೇ' ಎಂದು ಅವರು ಬರೆದುಕೊಂಡಿದ್ದರು.

https://www.vijayavani.net/yash-completes-12-years-in-sandalwood/