ನಾನು ಸತ್ತಿಲ್ಲ, ಬದುಕಿದ್ದೇನೆ … ನಿಧನದ ಸುದ್ದಿ ತಳ್ಳಿಹಾಕಿದ ಲಕ್ಕಿ ಅಲಿ

ಪಣಜಿ: ಬುಧವಾರವಷ್ಟೇ ಕನ್ನಡದ ಚಿತ್ರರಂಗದ ಹಿರಿಯ ನಟ ದೊಡ್ಡಣ್ಣ, ಕೋವಿಡ್​ಗೆ ಬಲಿಯಾಗಿದ್ದಾರೆ ಎಂಬ ಸುದ್ದಿಯೊಂದು ಸೋಷಿಯಲ್​ ಮೀಡಿಯಾದಲ್ಲಿ ಕೇಳಿಬಂದಿತ್ತು. ಕೆಲವರು ಸುದ್ದಿ ಕೇಳಿ ರೆಸ್ಟ್​ ಇನ್​ ಪೀಸ್​ ಅಂತಲೂ ಹೇಳಿದ್ದರು. ಕೊನೆಗೆ ದೊಡ್ಡಣ್ಣ ಅವರೇ ವೀಡಿಯೋ ಮೂಲಕ ತಾವು ಮನೆಯಲ್ಲಿ ಸುರಕ್ಷಿತವಾಗಿ ಮತ್ತು ಆರೋಗ್ಯಕರವಾಗಿ ಇರುವುದಾಗಿ ಹೇಳಿದ್ದರು.

ಇದನ್ನೂ ಓದಿ: ದಿವ್ಯಾ ಉರುಡುಗ ಬಿಗ್​ಬಾಸ್​ನಿಂದ ಹೊರಗೆ? ಸ್ನೇಹಿತೆಯನ್ನು ನೆನೆದು ಕಣ್ಣೀರಿಟ್ಟ ಅರವಿಂದ್

ಇದೀಗ ಅಂಥದ್ದೇ ಒಂದು ಘಟನೆ ಬಾಲಿವುಡ್​ ಗಾಯಕ ಲಕ್ಕಿ ಅಲಿ ಅವರ ಜೀವನದಲ್ಲೂ ಆಗಿದೆ. ಲಕ್ಕಿ ಅಲಿಗೆ ಅವರಿಗೆ ಕರೊನಾ ಪಾಸಿಟಿವ್​ ಆಗಿದೆ ಎಂಬ ಸುದ್ದಿ ಕಳೆದ ವಾರ ಕೇಳಿ ಬಂದಿತ್ತು. ಇದೀಗ ನೋಡಿದರೆ, ಅವರು ನಿಧನರಾಗಿದ್ದಾರೆ ಎಂಬ ಸುದ್ದಿಯೊಂದು ಸೋಷಿಯಲ್ ಮೀಡಿಯಾದಲ್ಲಿ ಓಡಾಡುತ್ತಿದೆ.

ಯಾವಾಗ ಲಕ್ಕಿ ಅಲಿ ಬಗ್ಗೆ ಇಲ್ಲಸಲ್ಲದ ಸುದ್ದಿಗಳು ಸೋಷಿಯಲ್​ ಮೀಡಿಯಾದಲ್ಲಿ ಹರಿದಾಡಿತೋ, ಆಗ ನಫಿಸಾ ಅಲಿ ಸೇರಿದಂತೆ ಲಕ್ಕಿ ಅವರ ಹಲವು ಗೆಳೆಯರು ಸೋಷಿಯಲ್​ ಮೀಡಿಯಾದಲ್ಲಿ ಇದು ಸುಳ್ಳು ಎಂದು ಸ್ಪಷ್ಟಪಡಿಸಲು ಪ್ರಯತ್ನಿಸಿದರು. ಲಕ್ಕಿ ಆರೋಗ್ಯವಾಗಿದ್ದಾರೆ ಎಂದು ಹೇಳಿದರು.

ಇದನ್ನೂ ಓದಿ: ಹೊಸ ಚಿತ್ರದಲ್ಲಿ ಭಾಯ್ಜಾನ್ ಆದ ಸಲ್ಮಾನ್ ಖಾನ್ …

ಆದರೆ, ಯಾವಾಗ ಸುದ್ದಿ ಇನ್ನಷ್ಟು ಹರಡಿತೋ, ಆಗ ಸ್ವತಃ ಲಕ್ಕಿ ಅಲಿ ಇನ್​ಸ್ಟಾಗ್ರಾಂನಲ್ಲಿ ತಾವು ಆರೋಗ್ಯವಾಗಿರುವುದಾಗಿ ಸ್ಪಷ್ಟಪಡಿಸಿದ್ದಾರೆ. ಈ ಕುರಿತು ಬರೆದುಕೊಂಡಿರುವ ಅವರು, ಎಲ್ಲರೂ ರೆಸ್ಟ್​ ಇನ್​ ಪೀಸ್​ ಎಂಬ ಸಂದೇಶ ಕಳಿಸುತ್ತಿದ್ದಾರೆ. ನಾನು ರೆಸ್ಟ್​ ಅಲ್ಲ ರೆಸ್ಟಿಂಗ್​ ಇನ್​ ಪೀಸ್​. ಮನೆಯಲ್ಲಿ ಆರಾಮವಾಗಿದ್ದೇನೆ. ನನ್ನ ಆರೋಗ್ಯಕ್ಕೇನೂ ಆಗಿಲ್ಲ. ಹುಷಾರಾಗಿರುವುದಷ್ಟೇ ಅಲ್ಲ, ಸುರಕ್ಷಿತವಾಗಿದ್ದೇನೆ ಎಂದು ಅವರು ಬರೆದುಕೊಂಡಿದ್ದಾರೆ.  ಅಷ್ಟೇ ಅಲ್ಲ, ಎಲ್ಲರೂ ಹುಷಾರಾಗಿರಿ ಎಂದು ಮನವಿ ಮಾಡಿದ್ದಾರೆ.

https://www.vijayavani.net/charmee-hints-about-trisha-getting-married-this-year/