ಮುಂಬೈ: ಸಲ್ಮಾನ್ ಖಾನ್ ಅಭಿನಯದ ರಾಧೇ ಚಿತ್ರವು ಮೇ 13ರಂದು ಜಗತ್ತಿನಾದ್ಯಂತ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ. ಲಾಕ್ಡೌನ್ ಇಲ್ಲದಿದ್ದರೆ ಬಹುಶಃ ಅವರ ಅಭಿನಯದ ಹೊಸ ಚಿತ್ರದ ಚಿತ್ರೀಕರಣ ಇಷ್ಟರಲ್ಲಿ ಪ್ರಾರಂಭವಾಗಬೇಕಿತ್ತು. ಆದರೆ, ಲಾಕ್ಡೌನ್ ಕಾರಣ ಆ ಚಿತ್ರದ ಚಿತ್ರೀಕರಣ ಅನಿರ್ಧಿಷ್ಟಾವಧಿ ಮುಂದಕ್ಕೆ ಹೋಗಿದೆ.
ಇದನ್ನೂ ಓದಿ: ಆಮೀರ್ ಖಾನ್ ಎಲ್ಲಿ ಎಂಬ ಪ್ರಶ್ನೆಗೆ ಕೊನೆಗೂ ಉತ್ತರ ಸಿಕ್ಕಿತು
ಈ ಮಧ್ಯೆ, ಸಲ್ಮಾನ್ ಅಭಿನಯದ ಆ ಚಿತ್ರದ ಹೆಸರು ಬದಲಾವಣೆಯಾಗಿದೆ. ಈ ಮುನ್ನ, ಚಿತ್ರಕ್ಕೆ ಕಭಿ ಈದ್ ಕಭಿ ದಿವಾಳಿ ಎಂಬ ಹೆಸರನ್ನು ಇಡಲಾಗಿತ್ತು. ಆದರೆ, ಚಿತ್ರತಂಡದವರಿಗೇ ಈ ಹೆಸರಿನ ಬಗ್ಗೆ ವಿಶ್ವಾಸವಿರಲಿಲ್ಲ. ಹೆಸರು ಬದಲಾಗುತ್ತದೆ ಎಂಬ ಸುದ್ದಿ ಕೆಲವು ದಿನಗಳ ಹಿಂದೆ ಕೇಳಿಬಂದಿತ್ತು.
ಇದೀಗ ಚಿತ್ರದ ಹೆಸರು ಬದಲಾಗಿದ್ದು, ಚಿತ್ರಕ್ಕೆ ಭಾಯ್ಜಾನ್ ಎಂಬ ಹೆಸರನ್ನು ಇಡಲಾಗಿದೆಯಂತೆ. ಕಭಿ ಈದ್ ಕಭಿ ದಿವಾಳಿಗಿಂತ ಈ ಹೆಸರು ಸರಳವಾಗಿದ್ದು, ಚಿತ್ರದ ಕಥೆಗೆ ಸೂಕ್ತವಾಗಿದೆಯಂತೆ. ಮೇಲಾಗಿ, ಸಲ್ಮಾನ್ಗೆ ಹಲವರು ಭಾಯ್ಜಾನ್ ಎಂದು ಕರೆಯುವುದರಿಂದ, ಈ ಹೆಸರೇ ಸೂಪರ್ ಆಗಿದೆ ಎಂದು ನಿರ್ಮಾಪಕ-ನಿರ್ದೇಶಕ ಸಾಜಿದ್ ನಡಿಯಾಡ್ವಾಲಾಗೆ ಅನಿಸುತ್ತಿದ್ದಂತೆಯೇ, ಅವರು ಹೆಸರು ರಿಜಿಸ್ಟರ್ ಮಾಡಿಸುವುದರ ಜತೆಗೆ, ಚಿತ್ರಕ್ಕೆ ಭಾಯ್ಜಾನ್ ಎಂದು ಮರುನಾಮಕರಣ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಮದ್ವೆಯಾದ 2 ವರ್ಷಕ್ಕೆ ಡಿವೋರ್ಸ್: ಖ್ಯಾತ ನಿರ್ದೇಶಕನ ದಾಂಪತ್ಯದಲ್ಲಿ ಬಿರುಗಾಳಿ ಎಬ್ಬಿಸಿದ ಹೀರೋಯಿನ್!
ಭಾಯ್ಜಾನ್ ಚಿತ್ರದಲ್ಲಿ ಸಲ್ಮಾನ್ ಖಾನ್ಗೆ ಪೂಜಾ ಹೆಗ್ಡೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈ ಚಿತ್ರದ ಚಿತ್ರೀಕರಣ ವರ್ಷದ ಕೊನೆಯಲ್ಲಿ ಶುರುವಾಗುವ ನಿರೀಕ್ಷೆ ಇದೆ.
ಸಾರಾ, ಅನನ್ಯ ನಿರಾಕರಿಸಿದ ಕಾಂಡೋಮ್ ಟೆಸ್ಟರ್ ಪಾತ್ರವನ್ನು ರಾಕುಲ್ ಒಪ್ಪಿಕೊಂಡಿದ್ದೇಕೆ?