ಮದ್ವೆಯಾದ 2 ವರ್ಷಕ್ಕೆ ಡಿವೋರ್ಸ್​: ಖ್ಯಾತ ನಿರ್ದೇಶಕನ ದಾಂಪತ್ಯದಲ್ಲಿ ಬಿರುಗಾಳಿ ಎಬ್ಬಿಸಿದ ಹೀರೋಯಿನ್!

ಹೈದರಾಬಾದ್​: ಟಾಲಿವುಡ್​ನ ಪ್ರಖ್ಯಾತ ನಿರ್ದೇಶಕ ಕೃಷ್ಣ ಜಗರ್ಲಮುಡಿ ತನ್ನ ಪತ್ನಿ ರಮ್ಯಾಳಿಂದ ಡಿವೋರ್ಸ್​ ಪಡೆದು ಮೂರು ವರ್ಷಗಳಾಗಿದ್ದು, ಈ ಸಮಯದಲ್ಲಿ ಡಿವೋರ್ಸ್​ ಪ್ರಕರಣ ಕುರಿತು ಒಂದು ಸ್ಫೋಟಕ ಮಾಹಿತಿ ಬಹಿರಂಗವಾಗಿದೆ.

ನಿರ್ದೇಶಕ ಕೃಷ್ಣ 2016ರ ಆಗಸ್ಟ್​ 7ರಂದು ವೃತ್ತಿಯಲ್ಲಿ ವೈದ್ಯಳಾಗಿರುವ ರಮ್ಯಾಳನ್ನು ಮದುವೆ ಆಗಿದ್ದರು. ಇದಾದ ಎರಡೇ ವರ್ಷದಲ್ಲಿ ಕೃಷ್ಣ ಪತ್ನಿಯಿಂದ ಡಿವೋರ್ಸ್​ ಪಡೆದುಕೊಂಡಿದ್ದರು. ಎಷ್ಟು ಬೇಗ ಮದುವೆ ಆದರು ಅಷ್ಟೇ ಬೇಗ ಇಬ್ಬರು ದೂರ ಆದರು. ಈ ಸುದ್ದಿ ಟಾಲಿವುಡ್​ನಲ್ಲಿ ಅಚ್ಚರಿ ಸೃಷ್ಟಿಸಿತ್ತು.

ಇದೀಗ ಡಿವೋರ್ಸ್​ ಪ್ರಕರಣ ಹೊಸ ತಿರುವು ಪಡೆದುಕೊಂಡಿದ್ದು, ಕೃಷ್ಣ ಮತ್ತು ರಮ್ಯಾರ ದಾಂಪತ್ಯ ಜೀವನದಲ್ಲಿ ಬಿರುಗಾಳಿ ಏಳಲು ಓರ್ವ ಹೀರೋಯಿನ್​ ಕಾರಣ ಎಂಬ ಬಿಸಿ ಬಿಸಿ ಚರ್ಚೆಯಾಗುತ್ತಿದೆ. ತಾನು ನಿರ್ದೇಶಿಸಿದ ಚಿತ್ರದ ನಾಯಕಿಯೊಂದಿಗೆ ಕೃಷ್ಣಗೆ ಸಂಬಂಧ ಇತ್ತೆಂದು ಹೇಳಲಾಗಿದೆ. ಮದುವೆಯಾದ ಕೆಲವು ದಿನಗಳಲ್ಲಿ ಈ ವಿಚಾರ ರಮ್ಯಾಗೆ ತಿಳಿದು ಎಚ್ಚರಿಕೆ ಸಹ ನೀಡಿದ್ದರಂತೆ.

ದಿನ ಕಳೆದಂತೆ ದಂಪತಿ ನಡುವೆ ವಿರಸ ಹೆಚ್ಚಾಗಿ 2018ರಲ್ಲಿ ಡಿವೋರ್ಸ್​ ಪಡೆದುಕೊಂಡಿದ್ದರು. ಯಾರು ಆ ನಾಯಕಿ ಎಂಬ ವಿಚಾರ ಬಹಿರಂಗವಾಗಿಲ್ಲ. ಆದರೆ, ಟಾಲಿವುಡ್​ನಲ್ಲಿ ಮಾತ್ರ ಸದ್ಯ ಭಾರಿ ಚರ್ಚೆಯಾಗುತ್ತಿದೆ. ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ಸದ್ಯ ಕೃಷ್ಣ ಪವನ್​ ಕಲ್ಯಾಣ್​ ಅಭಿನಯದ ಹರಿಹರ ವೀರಮಲ್ಲು ಚಿತ್ರಕ್ಕೆ ನಿರ್ದೇಶನ ಮಾಡುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-ileana-dcruz-goa-beauty-ileana-breaks-silence-on-pregnancy-news/

https://www.vijayavani.net/s-bahamas-yearly-88-laksh-rupees-salary/

https://www.vijayavani.net/r-why-police-in-uttar-pradesh-seized-20-kilograms-of-rasgullas/