ಬಾಲಿವುಡ್​ ಮಂದಿಗೆ ಕೆಆರ್​ಕೆ ಕಂಡರೆ ಹೊಟ್ಟೆಕಿಚ್ಚಂತೆ!

ಮುಂಬೈ: 'ಬಾಲಿವುಡ್​ ಮಂದಿಗೆ ತನ್ನನ್ನು ಕಂಡರೆ ವಿಪರೀತ ಹೊಟ್ಟೆಕಿಚ್ಚು. ಅದೇ ಕಾರಣಕ್ಕೆ ತಮ್ಮ ಮೇಲೆ ಎಲ್ಲರೂ ಹಗೆತನ ಸಾಧಿಸುತ್ತಾರೆ' ಎಂದು ಬಾಲಿವುಡ್​ನ ಸ್ವಯಂಘೋಷಿತ ನಂಬರ್​ ಒನ್​ ವಿಮರ್ಶಕ ಕೆಆರ್​ಕೆ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಹಿರಿಯ ನಟ ದೊಡ್ಡಣ್ಣ ಅನಾರೋಗ್ಯ: ಜಯದೇವ ಆಸ್ಪತ್ರೆಯಲ್ಲಿ ಚಿಕಿತ್ಸೆ

'ಫ್ಯಾಮಿಲಿ ಮ್ಯಾನ್​ 2' ಚಿತ್ರದ ವಿಮರ್ಶೆ ಮಾಡುವ ಸಂದರ್ಭದಲ್ಲಿ ತಮ್ಮ ಬಗ್ಗೆ ಅವಹೇಳನಕಾರಿಯಾಗಿ ಕೆಆರ್​ಕೆ ಮಾತನಾಡಿದ್ದಾರೆ ಎಂದು ಆರೋಪಿಸಿ ಅವರ ವಿರುದ್ಧ ಮನೋಜ್​ ಬಾಜ್ಪೇಯಿ ಮಾನನಷ್ಟ ಮೊಕದ್ದಮೆ ಹೂಡಿದ್ದಾರೆ. ಈ ಸಂಬಂಧ ಮಾತನಾಡಿರುವ ಕೆಆರ್​ಕೆ, 'ಒಬ್ಬ ಮನುಷ್ಯ ಮುಂಬೈನಿಂದ ಇಂದೋರ್​ಗೆ ಹೋಗಿ, ಅಲ್ಲೊಂದು ತಾತ್ಕಾಲಿಕ ಅಡ್ರೆಸ್​ ಪ್ರೂಫ್​ ಪಡೆದು ನನ್ನ ಮೇಲೆ ಕೇಸ್​ ದಾಖಲಿಸುತ್ತಾರೆ ಎಂದರೆ, ಅವರಿಗೆ ನನ್ನ ಬಗ್ಗೆ ಅದೆಷ್ಟು ಸಿಟ್ಟಿರಬಹುದು ಎಂದು ನೀವೇ ಊಹಿಸಿ' ಎಂದು ಕೆಆರ್​ಕೆ ಟ್ವೀಟ್​ ಮಾಡಿದ್ದಾರೆ.

'ಮನೋಜ್​ ಬಾಜ್ಪೇಯಿ ವಿರುದ್ಧ ಕಾಮಿಡಿ ನಟ ಸುನೀಲ್​ ಪಾಲ್​ ಸಹ ಹಲವು ಅವಹೇಳನಕಾರಿ ಮಾತುಗಳನ್ನು ಆಡಿದ್ದರು. ಅದಕ್ಕೆ ಸುಮ್ಮನಿದ್ದ ಮನೋಜ್​, ನನ್ನ ವಿರುದ್ಧ ಮಾತ್ರ ತಿರುಗಿ ಬಿದ್ದಿದ್ದಾರೆ. ಇದೊಂದೇ ಉದಾಹರಣೆ ಸಾಕು, ಬಾಲಿವುಡ್​ ಮಂದಿಗೆ ಈ ಬ್ರಾಂಡ್​ ಕೆಆರ್​ಕೆ ಕಂಡರೆ ಅದೆಷ್ಟು ಹೊಟ್ಟೆಕಿಚ್ಚು ಇರಬಹುದು ಎಂದು ತೋರಿಸುತ್ತದೆ' ಎಂದು ಕೆಆರ್​ಕೆ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ದುಬಾರಿ ಬೆಲೆ ಕಾರಿನ ಒಡೆಯನಾದ ಬಿಗ್​ಬಾಸ್ ವಿನ್ನರ್…ಅದರ ಬೆಲೆ ಎಷ್ಟು ಗೊತ್ತಾ?

ಇದಕ್ಕೂ ಮುನ್ನ, 'ರಾಧೇ' ಚಿತ್ರದ ವಿಮರ್ಶೆ ಮಾಡುವ ಭರದಲ್ಲಿ ಕೆಆರ್​ಕೆ ತಮ್ಮ ವಿರುದ್ಧ ಅವಹೇಳನಕಾರಿ ಮಾತುಗಳನ್ನಾಡಿದ್ದಾರೆ ಎಂದು ಅವರ ವಿರುದ್ಧ ಸಲ್ಮಾನ್​ ಖಾನ್​ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದರು.

https://www.vijayavani.net/a-dr-vishnuvardhan-and-bharathi-life-story-revealed-in-balebangara-documentary/