ನಿರ್ಮಾಪಕಿಯಾದ ಬಾಲಿವುಡ್ ಚೆಲುವೆ ; ಇದೇ ನೋಡಿ ಕೃತಿ, ಕಾಜೊಲ್​ ನಟಿಸುತ್ತಿರುವ ಚಿತ್ರ

ಬಾಲಿವುಡ್ ನಟಿಯರಾದ ಕಾಜೊಲ್ ಮತ್ತು ಕೃತಿ ಸನನ್ 2015ರಲ್ಲಿ ರಿಲೀಸ್ ಆದ ‘ದಿಲ್ವಾಲೆ’ ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ್ದರು. ಇದೀಗ ಎಂಟು ವರ್ಷಗಳ ನಂತರ ಮತ್ತೆ ಒಂದಾಗಿದ್ದಾರೆ. ಶಶಾಂಕ ಚತುರ್ವೇದಿ ಆ್ಯಕ್ಷನ್-ಕಟ್ ಹೇಳುತ್ತಿರುವ ‘ದೋ ಪತ್ತಿ’ ಎಂಬ ಮಿಸ್ಟರಿ ಥ್ರಿಲ್ಲರ್ ಚಿತ್ರದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. ವಿಶೇಷ ಅಂದರೆ ಈ ಚಿತ್ರದ ಮೂಲಕ ಕೃತಿ ಸನನ್ ನಿರ್ಮಾಪಕಿಯಾಗಿ ಭಡ್ತಿ ಪಡೆದಿದ್ದಾರೆ.

ಇದನ್ನೂ ಓದಿ : ನಡುರಸ್ತೆಯಲ್ಲಿ ಅರೆಸ್ಟ್​ ಆದ ರಕ್ತಸಿಕ್ತ ಭೀಮ ; ದುನಿಯಾ ವಿಜಯ್​ ಚಿತ್ರದ ಶೂಟಿಂಗ್​ ಕಂಪ್ಲೀಟ್​

ಇತ್ತೀಚೆಗಷ್ಟೆ ಚಿತ್ರದ ಶೂಟಿಂಗ್ ಪೂರ್ಣಗೊಂಡಿದ್ದು, ಸದ್ಯ ಚಿತ್ರತಂಡ ಪೋಸ್ಟ್-ಪ್ರೊಡಕ್ಷನ್ ಕೆಲಸಗಳಲ್ಲಿ ಬಿಜಿಯಾಗಿದೆ. ಚಿತ್ರದ ಬಗ್ಗೆ ಕಾಜೊಲ್, ‘ಇದೊಂದು ಸಾಹಸಮಯ ಹಾಗೂ ನಿಗೂಢತೆಗಳಿಂದ ಕೂಡಿರುವ ಕಥೆ. ಭಾರತದ ನೆಲದ ಕಥೆಯಾದರೂ ಗಡಿದಾಟಿ ವಿಶ್ವಾದ್ಯಂತ ಎಲ್ಲ ಸಿನಿಮಾಪ್ರಿಯರನ್ನು ರಂಜಿಸುವ, ಕನೆಕ್ಟ್ ಆಗುತ್ತದೆ’ ಎಂದು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ : ಇಂದಿನಿಂದ ಎಕ್ಸ್ ಆ್ಯಂಡ್ ವೈ ; ‘ಒಂದಲ್ಲಾ ಎರಡಲ್ಲಾ’ ಸತ್ಯಪ್ರಕಾಶ್ ನಟಿಸಿ, ನಿರ್ದೇಶಿಸುತ್ತಿರುವ ಸಿನಿಮಾ

ಜತೆಗೆ ಕೃತಿ ಸಹ, ‘‘ದೋ ಪತ್ತಿ’ ಮೂಲಕ ನಾನು ನಿರ್ಮಾಣದಲ್ಲಿ ತೊಡಗುತ್ತಿರುವ ಕಾರಣ ಈ ಸಿನಿಮಾ ನನಗೆ ತುಂಬ ವಿಶೇಷ. ನಟಿ, ನಿರ್ಮಾಪಕಿಯಾಗಿ ಈ ಸಿನಿಮಾದ ಪ್ರತಿಯೊಂದು ಹಂತವನ್ನೂ ನಾನು ಎಂಜಾಯ್ ಮಾಡಿದ್ದೇನೆ’ ಎಂದಿದ್ದಾರೆ. 2024ಕ್ಕೆ ‘ದೋ ಪತ್ತಿ’ ನೇರವಾಗಿ ಒಟಿಟಿಯಲ್ಲಿ ರಿಲೀಸ್ ಆಗಲಿದೆ.

https://www.vijayavani.net/actress-kaashima-rafi-acting-in-new-movie-and-webseries