ಮಾಸ್​ ಲುಕ್​ನಲ್ಲಿ ಕಿರಣ್​ ರಾಜ್​ - ಬುಧವಾರ ಬಿಡುಗಡೆಯಾಗಲಿದೆ 'ರಾನಿ' ಆ್ಯಕ್ಷನ್​ ಪ್ರಧಾನ ಟೀಸರ್​

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

"ಬಡ್ಡೀಸ್​' ಚಿತ್ರದ ಬಳಿಕ ನಿರ್ದೇಶಕ ಗುರುತೇಜ್​ ಶೆಟ್ಟಿ ಮತ್ತು ನಟ ಕಿರಣ್​ ರಾಜ್​ ಕಾಂಬಿನೇಷನ್​ನಲ್ಲಿ ಮೂಡಿಬರುತ್ತಿರುವ ಹೊಸ ಸಿನಿಮಾ "ರಾನಿ'. ಕಿರುತೆರೆಯ ಮೂಲಕ ಮನೆ ಮಾತಾಗಿರುವ ಕಿರಣ್​, ಇದೇ ಮೊದಲ ಬಾರಿಗೆ ಗ್ಯಾಂಗ್​ಸ್ಟರ್​ ಪಾತ್ರದಲ್ಲಿ ಮಾಸ್​ ಲುಕ್​ನಲ್ಲಿ ಕಾಣಿಸಿಕೊಳ್ಳಳಿದ್ದಾರೆ. ದುಬೈನಲ್ಲಿ 13 ಸಾವಿರ ಎತ್ತರದಿಂದ ಸ್ಕೆಡೈವ್​ ಮಾಡುವ ಮೂಲಕ ಕಿರಣ್​ "ರಾನಿ' ಟೈಟಲ್​ ಲಾಂಚ್​ ಮಾಡಿದ್ದರು. ಬಳಿಕ ರಿಲೀಸ್​ ಆಗಿದ್ದ ಪೋಸ್ಟರ್​ ಕೂಡ ಕುತೂಹಲ ಮೂಡಿಸಿತ್ತು.

ಇದನ್ನೂ ಓದಿ: ದುರ್ಗದಲ್ಲಿ ಮಾರ್ಗರೇಟ್, ರಾಮಾಚಾರಿ; ಮೊದಲ ಶೆಡ್ಯುಲ್ ಪೂರ್ಣಗೊಳಿಸಿದ ಅಭಿಲಾಷ್, ಸೋನಲ್

ಇದೀಗ ಬುಧವಾರ (ಜು. 5) ಚಿತ್ರದ ಟೀಸರ್​ ರಿಲೀಸ್​ ಆಗಲಿದೆ. "ಆ್ಯಕ್ಷನ್​ ಪ್ರಧಾನ ಟೀಸರ್​ ಮಾಡಲಿದ್ದೇವೆ. ಜತೆಗೆ ನಾಯಕ ಕಿರಣ್​ ಪಾತ್ರ ರಿವೀಲ್​ ಆಗಲಿದೆ. "ರಾನಿ' ಒಂದು ಜಾನರ್​ ಸಿನಿಮಾ ಅಂತ ಹೇಳಲು ಆಗುವುದಿಲ್ಲ. ಮೇಲ್ನೋಟಕ್ಕೆ ಆ್ಯಕ್ಷನ್​ ಗ್ಯಾಂಗ್​ಸ್ಟರ್​ ಚಿತ್ರ ಅಂತನ್ನಿಸಿದರೂ ಲವ್​, ್ಯಾಮಿಲಿ ಡ್ರಾಮಾ ಎಲ್ಲವೂ ಚಿತ್ರದಲ್ಲಿರಲಿದೆ' ಎಂದು ಹೇಳಿಕೊಳ್ಳುತ್ತಾರೆ ನಿರ್ದೇಶಕ ಗುರುತೇಜ್​ ಶೆಟ್ಟಿ.

ಇದನ್ನೂ ಓದಿ : ಮಾತಿಲ್ಲದ ‘ಮಹಾಗುರು’; 36 ವರ್ಷಗಳ ನಂತರ ಮತ್ತೆ ಮೂಕಿ ಸಿನಿಮಾ

ಚಿತ್ರದಲ್ಲಿ ಕಿರಣ್​ ರಾಜ್​ಗೆ ಅಪೂರ್ವ, ಸಮೀಕ್ಷಾ, ರಾಧ್ಯಾ ಮೂವರು ನಾಯಕಿಯರು. ಜತೆಗೆ ರವಿಶಂಕರ್​, ಮೈಕೋ ನಾಗರಾಜ್​, ಉಗ್ರಂ ಮಂಜು, ಉಗ್ರಂ ರವಿ, ಬಿ. ಸುರೇಶ್​, ಮಂಡ್ಯ ರಮೇಶ್​, ಉಮೇಶ್​, ಸುಜಯ್​ ಶಾಸ್ತ್ರಿ, ಧಮೇರ್ಂದ್ರ ಅರಸ್​, ಧರ್ಮಣ್ಣ, ಸೂರ್ಯ ಕುಂದಾಪುರ್​ ಪ್ರಮುಖ ತಾರಾಗಣದಲ್ಲಿದ್ದಾರೆ. ಚಿತ್ರಕ್ಕೆ ರಾವೇಂದ್ರ ಕೋಲಾರ್​ ಛಾಯಾಗ್ರಹಣ, ಉಮೇಶ್​ ಆರ್​ಬಿ ಸಂಕಲನ, ಮಣಿಕಾಂತ್​ ಕದ್ರಿ ಸಂಗೀತವಿರಲಿದೆ. "ರಾನಿ'ಯಲ್ಲಿ ಆರು ೈಟ್​ಗಳಿದ್ದು ವಿನೋದ್​ ಮಾಸ್ಟರ್​ ಸಾಹಸ ನಿರ್ದೇಶನದಲ್ಲಿ ಮೂಡಿಬಂದಿವೆ.

https://www.vijayavani.net/bengaluru-boys-and-90-bidi-maneeg-nadi-release