ಇದೀಗ, ಸ್ವತಃ ಸಂಜಯ್ ದತ್ ಅವರೆ ಡಬ್ಬಿಂಗ್ ನೀಡಿದ್ದು ಚಿತ್ರಪ್ರೇಮಿಗಳಲ್ಲಿ ಹೆಚ್ಚು ನಿರೀಕ್ಷೆ ಮೂಡಿಸಿದೆ. ಹೀಗಿದ್ದರು, ಸಂಜಯ್ ದತ್ ಡಬ್ಬಿಂಗ್ ಮಾಡಿದ್ದು ಚಿತ್ರದ ಹಿಂದಿ ಅವತರಣಿಕೆಗೆಯೇ ಅಥವಾ ಕನ್ನಡಕ್ಕೆ ಎಂಬ ಕುತೂಹಲ ಅಭಿಮಾನಿಗಳನ್ನು ಕಾಡುತ್ತಿದೆ. ಈ ಕುತೂಹಲಕ್ಕೆ ಸಿನಿಮಾ ತಂಡವೆ ಉತ್ತರ ಕೊಡಬೇಕಿದೆ. ನಟ ಯಶ್ ಮತ್ತು ನಟಿ ಶ್ರೀನಿಧಿ ಶೆಟ್ಟಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದು, ರವೀನಾ ಟಂಡನ್, ನಾಗಾಭರಣ, ಪ್ರಕಾಶ್ ರಾಜ್, ಮಾಳವಿಕಾ ಅವಿನಾಶ್, ಅಚ್ಯುತ್ ಕುಮಾರ್, ಅರ್ಚನಾ ಜೋಯಿಸ್ ನಟಿಸಿರುವ ಈ ಸಿನಿಮಾ ಹಿಂದಿ, ಮಲಯಾಳಂ, ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಯಶ್ ಮತ್ತು ನಟ ಸಂಜಯ್ ದತ್ ಅವರನ್ನು ಒಳಗೊಂಡ ಕೆಜಿಎಫ್ನ ಕ್ಲೈಮ್ಯಾಕ್ಸ್ ಚಿತ್ರೀಕರಣವೂ ಕಳೆದ ಡಿಸೆಂಬರ್ನಲ್ಲಿ ಹೈ ಆಕ್ಟೇನ್ ಆಕ್ಷನ್ ಸೀಕ್ವೆನ್ಸ್ಗಳೊಂದಿಗೆ ಹೈದರಾಬಾದಿನಲ್ಲಿ ಮಾಡಿ ಮುಗಿಸಲಾಯಿತು. 'ಕೆಜಿಎಫ್: ಅಧ್ಯಾಯ 2' 2022 ಏಪ್ರಿಲ್ 14 ರಂದು ತೆರೆಗೆ ಅಪ್ಪಳಿಸಲಿದೆ.
