ನಾಲ್ಕೇ ದಿನಕ್ಕೆ 500 ಕೋಟಿ ರೂ.ಕ್ಲಬ್​ ಸೇರಿದ ಕೆಜಿಎಫ್​​-2!

ಬೆಂಗಳೂರು: ಬಹುನಿರೀಕ್ಷಿತ ಕೆಜಿಎಫ್​-2 ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಭಾರೀ ಗಳಿಕೆ ಮಾಡುವ ಮೂಲಕ ಹಿಂದಿನ ಎಲ್ಲಾ ಸಿನಿಮಾಗಳ ದಾಖಲೆಯನ್ನು ಸರಿಗಟ್ಟಿದೆ.

ಬಿಡುಗಡೆಯಾದ ಕೇವಲ ನಾಲ್ಕೇ ದಿನದಲ್ಲಿ 550 ಕೋಟಿ ರೂ. ಗಳಿಕೆ ಮಾಡುವ ಮೂಲಕ ಯಶ್​​ ಮತ್ತೊಮ್ಮೆ ಸ್ಟಾರ್ ನಟರಾಗಿ ಹೊರಹೊಮ್ಮಿದ್ದಾರೆ.

ಆರ್​ಆರ್​ಆರ್​ ದಾಖಲೆಯನ್ನು ಮುರಿದಿರುವ ಕೆಜಿಎಫ್​- 2 ಇನ್ನು ಮೂರ್ನಾಲ್ಕು ದಿನದಲ್ಲಿ ಸಾವಿರ ಕೋಟಿ ರೂ. ಕ್ಲಬ್​ ಗೆ ಸೇರಲಿದೆ ಎನ್ನಲಾಗಿದೆ. ಏಪ್ರಿಲ್​ 15-17ರಂದು ದಾಖಲೆಯ ಗಳಿಕೆ ಕಂಡಿತು. ನಾಲ್ಕನೇ ದಿನದಲ್ಲೇ 132 ಕೋಟಿ ರೂ. ಗಳಿಸಿದೆ. ವಿಶ್ವದಾದ್ಯಂತ ಐದಾರು ಭಾಷೆಗಳಲ್ಲಿ ಬಿಡುಗಡೆಯಾಗಿರುವ ಕೆಜಿಎಫ್​ -2 ಹವಾ ಮುಂದುವರಿದಿದೆ.

ಬಿಡುಗಡೆಯಾದ ಎರಡೇ ದಿನದಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ವಿಶ್ವದ 10 ಸಿನಿಮಾಗಳ ಪೈಕಿ ಕೆಜಿಎಫ್​ - 2 ಕೂಡ ಸೇರಿದೆ ಎಂದು ಸಿನಿಮಾ ಮಾರುಕಟ್ಟೆ ವಿಶ್ಲೇಷಕ ರಮೇಶ್​ ಬಾಲ ಟ್ವೀಟ್​ ಮಾಡಿದ್ದಾರೆ. ಈ ಬಗ್ಗೆ ಅಮೆರಿಕ ಮಾಧ್ಯಮಗಳು ಕೂಡ ವರದಿ ಮಾಡಿವೆ ಎಂದು ಅವರು ಬರೆದುಕೊಂಡಿದ್ದಾರೆ.

ಬಿಡುಗಡೆಯಾದ ಮೊದಲ ದಿನವೇ 165.37 ಕೋಟಿ ರೂ. 2ನೇ ದಿನ 139.25, 3ನೇ ದಿನ 115.08 ಹಾಗೂ ನಾಲ್ಕನೇ ದಿನ 132.13ಕೋಟಿ ರೂ. ಗಳಿಕೆ ಮಾಡಿದೆ.

https://www.vijayavani.net/lakhimpurkheri-case-asish-mishra-rejected-bail-on-sc/

https://www.vijayavani.net/a-judicial-custody-till-april-30-for-hubli-riots-case-main-accused-abhishek-hiremath/