ಹುಚ್ಚ 25, ಈಗ ಸಿನಿಮಾ ರಿಲೀಸ್​​ ಆಗಿ 14 ವರ್ಷ; '2 ಮರೆಯಲಾಗದ ರತ್ನಗಳನ್ನು ಕೊಟ್ಟಿದ್ದಕ್ಕೆ ಧನ್ಯವಾದ ಎಂದ Sudeepa

'ಹುಚ್ಚ ಮತ್ತು ಈಗ ಎರಡು ಸಿನಿಮಾ ನನಗೆ ಮರೆಯಲಾಗದ ರತ್ನಗಳಿದ್ದಂತೆ. ಇವನ್ನು  ನನಗೆ ಉಡುಗೊರೆಯಾಗಿ ನೀಡಿದ್ದಕ್ಕೆ ಪ್ರತಿಯೊಬ್ಬರಿಗೂ ಧನ್ಯವಾದ. ಇದು ಎಂದೆಂದಿಗೂ ನನ್ನ ಮನಸ್ಸಿನಲ್ಲಿ ಶಾಶ್ವತವಾಗಿ ಉಳಿಯಲಿದೆ' ಎಂದು ಪೋಸ್ಟ್​ ಹಂಚಿಕೊಂಡಿದ್ದಾರೆ. ಇದರಲ್ಲಿ  ಈಗ ಮತ್ತು ಹುಚ್ಚ ಸಿನಿಮಾದ ಹೆಸರಿನ ಫ್ಲ್ಯಾಗ್​ ಹಿಡಿದು ಎತ್ತರದ ಕಟ್ಟಡವೊಂದರಲ್ಲಿ ನಿಂತಿರುವ ಫೋಟೋ ಇದೆ,

ಓಂ ಪ್ರಕಾಶ್​ ರಾವ್​ ನಿರ್ದೇಶದ ಹುಚ್ಚ ಸಿನಿಮಾ ತಮಿಳಿನ ಸೇತು ಎನ್ನುವ ಚಿತ್ರದ ರಿಮೇಕ್​ ಆಗಿದೆ. 2001 ಜು.6ರಂದು  ಹುಚ್ಚ ಸಿನಿಮಾ ರಿಲೀಸ್​ ಆಗಿತ್ತು. ಇಂದಿಗೆ ಈ ಸಿನಿಮಾ 25 ವರ್ಷ ತುಂಬಿದೆ, ತಮಿಳಿನಲ್ಲಿ ವಿಕ್ರಂ ನಾಯಕನಾಗಿ ನಟಿಸಿದ್ದರೆ, ಕನ್ನಡದಲ್ಲಿ ಸುದೀಪ್​​​​ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದರು. ಇನ್ನು ರೇಖಾ ಸರಳ, ಮುಗ್ಧ ನಾಯಕಿಯಾಗಿ ನಟಿಸಿ ಪಾತ್ರಕ್ಕೆ ಜೀವ ತುಂಬಿ ವೀಕ್ಷಕರಿಂದ ಮೆಚ್ಚುಗೆ ಗಳಿಸಿದ್ದರು. ಸಿನಿಮಾದ ಪ್ರತಿಯೊಂದು  ಹಾಡು ಅದರಲ್ಲಿಯೂ ಉಸಿರೆ ಉಸಿರೆ ಹಾಡು ಇಂದಿಗೂ ಕೇಳುಗರಿಗೆ ಮೆಚ್ಚುಗೆಯ ಹಾಡಾಗಿದೆ

ಪ್ರತೀ ಸಿನಿಮಾವನ್ನು ಬ್ಲಾಕ್​ ಬ್ಲಸ್ಟರ್​ ಹಿಟ್​​ ಮಾಡುವಂತೆ ನಿರ್ದೇಶಿಸುವ ಎಸ್​ ಎಸ್​ ರಾಜಮೌಳಿ ಅವರ ಈಗ ಸಿನಿಮಾ 2012 ಜುಲೈ 6 ರಂದು ರಿಲೀಸ್​ ಆಗಿತ್ತು. ಭಾರತೀಯ ಚಿತ್ರರಂಗವೇ ಸುದೀಪ್​ ಅವರತ್ತ ನೋಡುವಂತೆ ಈ ಸಿನಿಮಾ ಮಾಡಿತ್ತು. ಇದರಿಂದ ಯಾವುದೇ ಪಾತ್ರಕ್ಕೂ ನಾನು ಸೈ ಎನ್ನುವುದನ್ನು ಸುದೀಪ್​ ಅವರು ತೋರಿಸಿಕೊಟ್ಟಿದ್ದರು. ಈ ಸಿನಿಮಾ ರಿಲೀಸ್​ ಆಗಿ ಇಂದಿಗೆ 14 ವರ್ಷ ತುಂಬಿದೆ. ಈ ಬಗ್ಗೆ ಅವರು ಭಾವನಾತ್ಮಕವಾಗಿ ಬರೆದುಕೊಂಡಿದ್ದಾರೆ.

ಈ ಎರಡು ಸಿನಿಮಾ ಮಾತ್ರವಲ್ಲ ಜನರು ನಿಮ್ಮನ್ನು ನೆಚ್ಚಿಕೊಂಡಿದ್ದು ಮೈ ಆಟೋಗ್ರಾಫ್​ ಹಾಗೂ ಸ್ವಾತಿ ಮುತ್ತು ಹಾಗೂ ಇನ್ನಿತರ ಸಿನಿಮಾದಿಂದ ಎಂದಿದ್ದಾರೆ. ಕೆಲವೊಬ್ಬರು ವೇಟಿಂಗ್​ ಫಾರ್​ ಬಿಲ್ಲ ಭಾಷಾ ರಂಗಾ ಸಿನಿಮಾ ಎಂದು ಕಾಮೆಂಟ್ ಮಾಡಿದ್ದಾರೆ. ನಿಮ್ಮನ್ನು ಜಪಾನ್​ ಮತ್ತು ಚೀನಾದ ನಿವಾಸಿಗಳು ಗುರುತಿಸುವಂತಾಗಲಿ ಎಂದು ಮತ್ತೊಬ್ಬರು ಹೇಳಿದ್ದಾರೆ, (ಏಜೆನ್ಸೀಸ್).