ಮೋಹನ್‌ಲಾಲ್ ಮನೆಯಲ್ಲಿದೆ 10 ಆನೆದಂತ, 13 ವಿಗ್ರಹಗಳು: ಅರಣ್ಯ ಇಲಾಖೆಗೆ ಸ್ವತಃ ಮಾಹಿತಿ ಕೊಟ್ಟ ಮಾಲಿವುಡ್ ನಟ!..Mohanlal

ತಿರುವನಂತಪುರಂ: ವನ್ಯಜೀವಿಗಳಿಗೆ ಸಂಬಂಧಿಸಿದ ವಸ್ತುಗಳನ್ನು ಹೊಂದಿದ್ದಾರೆ ಎನ್ನುವ ಆರೋಪ ಎದುರಿಸುತ್ತಿರುವ ಮಾಲಿವುಡ್​ ನಟ ಮೋಹನ್​​ ಲಾಲ್​ ಅವರು, ತಮ್ಮ ಬಳಿ ಹತ್ತು ಆನೆ ದಂತ ಹಾಗೂ 13 ದಂತದಿಂದ ತಯಾರಿಸಿದ ವಿಗ್ರಹವಿದೆ ಎಂದು ಕೇರಳ ಅರಣ್ಯ ಇಲಾಖೆಗೆ ರಾಜ್ಯದ ವನ್ಯಜೀವಿ ಕ್ಷಮಾದಾನ ಯೋಜನೆಯಡಿ ಮಾಹಿತಿ ನೀಡಿದ್ದಾರೆ ಎನ್ನಲಾಗಿದೆ. ಆ ಬಗ್ಗೆ ಅಧಿಕಾರಿಗಳು ಮಾಹಿತಿ ಹಂಚಿಕೊಂಡಿದ್ದಾರೆ.

ವನ್ಯಜೀವಿಗಳಿಗೆ ಸಂಬಂಧಿಸಿದ ವಸ್ತುಗಳನ್ನು ಹೊಂದಿರುವವರು ಸ್ವಯಂಪ್ರೇರಣೆಯಿಂದ ಅರಣ್ಯ ಇಲಾಖೆಗೆ ಹಿಂತಿರುಗಿಸುವ ಸಲುವಗಿ ಇಲಾಖೆ ಕ್ಷಮಾದಾನ ಯೋಜನೆ ಜಾರಿ ತಂದಿತ್ತು. ಇದರ ಭಾಗವಾಗಿ ನಟ ಮೋಹನ್​ ಲಾಲ್​ ಅವರು ತಮ್ಮ ಬಳಿ ಇರುವ ವಸ್ತುಗಳ ಬಗ್ಗೆ ಘೋಷಿಸಿದ್ದಾರೆ ಎಂದು ಮಲಯತ್ತೂರು ವಿಭಾಗೀಯ ಅರಣ್ಯ ಕಚೇರಿಯ ಅಧಿಕಾರಿಗಳು ತಿಳಿಸಿದರು.

ಸದ್ಯ ನಾನು ಉಲ್ಲೇಖಿಸಿರುವ ದಂತಗಳು ಅನುವಂಶಿಕವಾಗಿ ಬಂದಿರುವಂತದ್ದು. ಕೆಲವೊಂದನ್ನು ಉಡುಗೊರೆಯಾಗಿ ಪಡೆದುಕೊಂಡಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. ಮೋಹನ್​​ ಲಾಲ್​ ಅವರ ಈ ಹೇಳಿಕೆಯ ಸತ್ಯಾಸತ್ಯತೆಯನ್ನು ಪತ್ತೆ ಹಚ್ಚಲು ಅರಣ್ಯ ಇಲಾಖೆ ತನಿಖೆ ನಡೆಸುತ್ತದೆ ಎನ್ನಲಾಗಿದೆ.