ಚಿತ್ರದಲ್ಲಿ ಜಾನ್ವಿ ಕಪೂರ್ ಅವರು 'ಅಚ್ಚಿಯಮ್ಮ' ಎಂಬ ಪಾತ್ರವನ್ನು ನಿರ್ವಹಿಸಿದ್ದು, ಗಂಭೀರ ಸನ್ನಿವೇಶಗಳು ಅಥವಾ ಸಂಭಾಷಣೆಗಳಿಗೆ ಪ್ರಾಮುಖ್ಯತೆ ನೀಡುವ ಬದಲಿಗೆ ಚಿತ್ರಕ್ಕೆ ಮತ್ತಷ್ಟು ಮಸಾಲೆ ತುಂಬುವ ಉದ್ದೇಶದಿಂದ ಚಿತ್ರತಂಡ ಅವರ ಪಾತ್ರವನ್ನು ತೀರಾ ರಂಜನೀಯ ಹಾಗೂ ಆಕ್ಷೇಪಾರ್ಹ ಶೈಲಿಯಲ್ಲಿ ಬಿಂಬಿಸಿದೆ. ಅಷ್ಟೇ ಅಲ್ಲದೆ, ಸಿನಿಮಾದಲ್ಲಿ ವಿದ್ಯುತ್ ಕೈಕೊಟ್ಟ ಸಂದರ್ಭವೊಂದರಲ್ಲಿ ನಾಯಕ ನಟ ತನ್ನ ಪುರುಷ ಅಹಂ ಅಥವಾ ಉಗ್ರ ಮನೋಭಾವವನ್ನು ಪ್ರದರ್ಶಿಸುತ್ತಾ, ನಾಯಕಿಗೆ ಬಲವಂತವಾಗಿ ಮುತ್ತಿಕ್ಕುವ ಹಂತಕ್ಕೆ ಹೋಗುವಂತಹ ವಿವಾದಾತ್ಮಕ ದೃಶ್ಯಗಳನ್ನು ಕೂಡ ಒಳಗೊಂಡಿದೆ. ಸಾಕಷ್ಟು ಟೀಕೆಗಳು ವ್ಯಕ್ತವಾದ ಬೆನ್ನಲ್ಲೇ ನಿರ್ದೇಶಕರು ಕ್ಷಮೆಯಾಚಿಸಿದ್ದು, ಆಕ್ಷೇಪಾರ್ಹ ದೃಶ್ಯಗಳನ್ನು ತೆಗೆದಿದ್ದಾರೆ, (ಏಜೆನ್ಸೀಸ್).
