ಇದು ಸೌತ್​ ಇಂಡಸ್ಟ್ರಿಯಲ್ಲಿ ಮಾತ್ರವಲ್ಲ.....ನಟಿಯರಿಗೆ ತಮ್ಮ ಮೇಲೆ ಹಿಡಿತವಿರಬೇಕು: ಪೆದ್ದಿಯಲ್ಲಿ ಜಾನ್ವಿ ಅಂಗ ಪ್ರದರ್ಶನಕ್ಕೆ ನಿತ್ಯಾ ಮೆನನ್​ ಗರಂ! Nithya Menen on Janhvi Kapoor

ಸಿನಿಮಾ: ತೆಲಗು ಚಿತ್ರರಂಗದ ಸೂಪರ್​ ಸ್ಟಾರ್​ ರಾಮ್​ ಚರಣ್​, ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್​ ನಟನೆಯ ಹಾಗೂ ಬುಚ್ಚಿ ಬಾಬು ನಿರ್ದೇಶನದ ಬಹು ನಿರೀಕ್ಷಿತ ಸಿನಿಮಾ ಪೆದ್ದಿ ಬಿಡುಗಡೆ ಕಂಡಿದೆ.

ತೆರೆಕಂಡ ದಿನದಿಂದ ಜಾನ್ವಿ ಕಪೂರ್​ಳನ್ನು ಕೇವಲ ದೇಹ ಸೌಂದರ್ಯ ಪ್ರದರ್ಶಕಿ ರೀತಿ ಚಿತ್ರಿಸಿದ ಕಾರಣ ಸಿನಿ ವಿಮರ್ಶಕರ ಕೆಂಗಣ್ಣಿಗೆ ಚಿತ್ರ ಗುರಿಯಾಗಿದೆ. ಈಗ ಈ ವಿವಾದಕ್ಕೆ ದಕ್ಷಿಣ ಭಾರತದ ಹಾಗೂ ಬಹುಭಾಷಾ ನಟಿ ನಿತ್ಯಾ ಮೆನನ್​ (Nithya Menen on Janhvi Kapoor) ತಮ್ಮ ರಿಯಾಕ್ಷನ್​ ನೀಡಿದ್ದಾರೆ.

ಪೆದ್ದಿ ಸಿನಿಮಾದಲ್ಲಿ ಜಾನ್ವಿ ಕಪೂರ್​ಳನ್ನು ಕೇವಲ ಲೈಂಗಿಕ, ಶಾರೀರಿಕ ಸೌಂದರ್ಯ ಪ್ರದರ್ಶಿಸಲು ಬಳಸಿಕೊಂಡಿದ್ದಕ್ಕೆ, ಕೆಲ ವಿಮರ್ಶಕರು, ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಹೆಣ್ಣನ್ನು ಈ ರೀತಿ ಕೀಳಾದಿ ತೋರಿಸುತ್ತಾರೆಂದು ಹೇಳಿದ್ದರು.

ಈ ಮಾತಿಗೆ ಕೌಂಟರ್​ ಕೊಟ್ಟಿರುವ ನಿತ್ಯಾ ಮೆನನ್, ಈ ಸಂಸ್ಕೃತಿ ಕೇವಲ ದಕ್ಷಿಣದ ಸಿನಿಮಾಗಳಿಗೆ ಸೀಮಿತವಾಗಿದೆ ಎನ್ನುವುದನ್ನು ನಾನು ಖಂಡಿತವಾಗಿ ಒಪ್ಪುವುದಿಲ್ಲ. ಇದು ಬಹುತೇಕ ಎಲ್ಲಾ ಸಿನಿಮಾ ರಂಗದಲ್ಲಿ ನಡೆಯುತ್ತಿದೆ ಎಂದು ಹೇಳಿದ್ದಾರೆ.

ಈ ರೀತಿಯ ಸಿನಿಮಾಗಳು ಅಥವಾ ಸಿನಿಮಾದಲ್ಲಿ ತಮ್ಮ ಪಾತ್ರ ಯಅವ ರೀತಿ ಇರುತ್ತದೆ ಎಂದು ಎಲ್ಲಾ ನಟ-ನಟಿಯರಿಗೆ ತಿಳಿದಿರುತ್ತದೆ. ಹೀಗಾಗಿ ಸಿನಿಮಾದಲ್ಲಿ ನಟಿಸಬೇಕೆ? ಬೇಡವೇ? ಅಥವಾ ಈ ಪಾತ್ರದಿಂದ ವೈಯಕ್ತಿಕ ಹಾನಿಯನ್ನು ಹೇಗೆ ತಪ್ಪಿಸಿಕೊಳ್ಳಬೇಕೆಂದು ಎಲ್ಲರಿಗೆ ತಿಳಿದಿರುತ್ತದೆ ಎಂದು ಮೆನನ್​ ಹೇಳಿದ್ದಾರೆ.

ನಾನು ಸಿನಿಮಾ ರಂಗಕ್ಕೆ ಕಾಲಿಟ್ಟ ದಿನದಿಂದ ಕೆಲವೊಂದು ಸನ್ನಿವೇಶಗಳನ್ನು, ಪಾತ್ರಗಳನ್ನು ಮಾಡುವುದಿಲ್ಲ ಎಂದು ನಿರ್ಧರಿಸಿದ್ದೇನೆ. ಹೀಗಾಗಿ ಯಾವ ಪಾತ್ರವನ್ನು ನಿರ್ವಹಿಸಲು ನನಗೆ ಅಸುಖಕರ (Uncomfortable) ಎನ್ನಿಸುತ್ತದೆಯೋ ಆ ಪಾತ್ರವನ್ನು ನಾನು ಮಾಡಿಲ್ಲ, ಮುಂದು ಮಾಡುವುದಿಲ್ಲ ಎಂದು ನಿತ್ಯಾ ಮೆನನ್ ಸ್ಪಷ್ಟ ಪಡಿಸಿದ್ದಾರೆ.

ನೀವು ನಟಿಯರನ್ನು ಬಯ್ಯಬೇಡಿ, ಈ ರೀತಿ ಮಾಡಿದರೆ ಮಾತ್ರ ಸಿನಿಮಾ ಮಾರಾಟವಾಗುತ್ತೆ ಎಂದು ಭಾವಿಸುವ ನಿರ್ಮಾಪಕರನ್ನು ಮತ್ತು ವ್ಯವಸ್ಥೆ ಮೇಲೆ ಆಕ್ರೋಶ ಹೊರಹಾಕಿ. ನಟರು ತಮಗೆ ದೊರೆಯುವ ಪಾತ್ರವನ್ನು, ಅವಕಾಶವನ್ನು ಬಳಸಿಕೊಳ್ಳುತ್ತಾರೆ, ದೊಡ್ಡ ಸಿನಿಮಾದ ಭಾಗವಾಗಿ ವಿಶಾಲ ಪ್ರೇಕ್ಷಕರನ್ನು ತಲುಪುವುದು ಎಲ್ಲಾ ನಟ/ನಟಿಯರ ಆಸೆಯಾಗಿರುತ್ತದೆ.

ಸಿನಿಮಾದಲ್ಲಿ ಮಹಿಳೆಯ ಪಾತ್ರ ಕೆಳ ಮಟ್ಟದಲ್ಲಿ ಮೂಡಿಬಂದಿದೆ ಎಂದರೆ, ಅಲ್ಲಿ ನಟಿಯ ತಪ್ಪಿರುವುದಿಲ್ಲ, ಬದಲಾಗಿ ಸ್ಕ್ರಿಪ್ಟ್​ ಬರವಣಿಗೆ, ನಿರ್ದೇಶದನ ವೈಫಲ್ಯ ಎಂದು ಹೇಳಬೇಕಾಗುತ್ತದೆ ಎಂದು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಆಶಿಕಾ ರಂಗನಾಥ್​ ಬರೆದುಕೊಂಡಿದ್ದಾರೆ, (ಏಜನ್ಸೀಸ್​).