ಧನಂಜಯ್​ ಅಭಿನಯದ 25ನೇ ಚಿತ್ರದ ರಿಲೀಸ್​ ಡೇಟ್​ ಘೋಷಣೆ …

ಬೆಂಗಳೂರು: ಧನಂಜಯ್​ ಅಭಿನಯದ 'ಹೊಯ್ಸಳ'ದ ಚಿತ್ರೀಕರಣ ಈಗಾಗಲೇ ಮುಗಿದಿದೆ. ಚಿತ್ರ ಯಾವಾಗ ಬಿಡುಗಡೆಯಾಗಬಹುದು ಎಂಬ ಕುತೂಹಲ ಎಲ್ಲರಿಗೂ ಇತ್ತು. ಈಗ ಚಿತ್ರದ ಬಿಡುಗಡೆ ದಿನಾಂಕ ಘೋಷಣೆಯಾಗಿದ್ದು, ಶ್ರೀ ರಾಮ ನವಮಿಯ ಪ್ರಯುಕ್ತ ಮಾರ್ಚ್​ 30ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.

ಇದನ್ನೂ ಓದಿ: ಸರ್ಕಾರಿ ಶಾಲೆಗಳನ್ನು ಉಳಿಸಲು ಹೊರಟ ‘ಆಧುನಿಕ ಶ್ರವಣಕುಮಾರ’ …

2021ರಲ್ಲಿ ನೇರವಾಗಿ ಅಮೇಜಾನ್​ ಪೆಮ್​ನಲ್ಲಿ 'ರತ್ನನ್​ ಪ್ರಪಂಚ' ಚಿತ್ರವನ್ನು ಬಿಡುಗೆಡ ಮಾಡಿದ ಮೇಲೆ, ಕೆಆರ್​ಜಿ ಸ್ಟುಡಿಯೋಸ್​ ಮುಂದೇನು ಮಾಡಬಹುದು? ಯಾವ ತರಹದ ಚಿತ್ರವನ್ನು ನಿರ್ಮಿಸಬಹುದು ಎಂಬ ಪ್ರಶ್ನೆ ಎಲ್ಲರಿಗೂ ಇತ್ತು. ಅದಕ್ಕೆ ಉತ್ತರವಾಗಿ ಕೆಆರ್​ಜಿ ಸ್ಟುಡಿಯೋಸ್​ನ ಕಾರ್ತಿಕ್​ ಮತ್ತು ಯೋಗಿ ಜಿ. ರಾಜ್​, ಧನಂಜಯ್​ ಜತೆಗೆ 'ಹೊಯ್ಸಳ' ಚಿತ್ರವನ್ನು ಘೋಷಿಸಿದರು. ಇದು ಧನಂಜಯ್​ ಅಭಿನಯದ 25ನೇ ಚಿತ್ರವಾಗಿದ್ದು, 'ಸಲಗ' ನಂತರ ಮತ್ತೊಮ್ಮೆ ಪೊಲೀಸ್​ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಗಡಿಭಾಗದಲ್ಲಿ ನಡೆಯುವ ಕಥೆ ಇದಾಗಿದ್ದು, ಬಹುತೇಕ ಚಿತ್ರೀಕರಣ ಬೆಳಗಾವಿಯಲ್ಲಿ ನಡೆಯಲಿದೆ ಎಂದು ಹೇಳಲಾಗಿದೆ.

ಈ ಹಿಂದೆ ಗಣೇಶ್​ ಅಭಿನಯದ "ಗೀತಾ' ಚಿತ್ರವನ್ನು ನಿರ್ದೇಶಿಸಿದ್ದ ವಿಜಯ್​ ನಾಗೇಂದ್ರ, ಕಥೆ ಮತ್ತು ಚಿತ್ರಕಥೆ ಬರೆಯುವುದರ ಜತೆಗೆ ನಿರ್ದೇಶನವನ್ನೂ ಮಾಡುತ್ತಿದ್ದಾರೆ. ಅಜನೀಶ್​ ಲೋಕನಾಥ್​ ಸಂಗೀತ ಸಂಯೋಜಿಸಿದರೆ, ಮಾಸ್ತಿ ಮಂಜು ಸಂಭಾಷಣೆ ರಚಿಸಿದ್ದಾರೆ.

ಇದನ್ನೂ ಓದಿ: ಶೂಟಿಂಗ್​ಗೆ ಹೊರಟರು ಬಡೆ ಮಿಯಾ, ಚೋಟೆ ಮಿಯಾ …

'ಹೊಯ್ಸಳ' ಚಿತ್ರದಲ್ಲಿ ಅಮೃತಾ ಅಯ್ಯಂಗಾರ್​ ನಾಯಕಿಯಾಗಿ ನಟಿಸಿದ್ದು, ಇದಕ್ಕೂ ಮೊದಲು ಧನಂಜಯ್ ಮತ್ತು ಅಮೃತಾ, 'ಪಾಪ್​ಕಾರ್ನ್​ ಮಂಕಿ ಟೈಗರ್​' ಮತ್ತು 'ಬಡವ ರಾಸ್ಕಲ್​'ನಲ್ಲಿ ನಟಿಸಿದ್ದರು. ಈಗ ಮೂರನೆಯ ಬಾರಿಗೆ 'ಹೊಯ್ಸಳ'ದಲ್ಲಿ ಧನಂಜಯ್​ ಮತ್ತು ಅಮೃತಾ ಅಯ್ಯಂಗಾರ್​ ನಾಯಕಿಯಾಗಿ ನಟಿಸಿದ್ದಾರೆ. ಮಿಕ್ಕಂತೆ 'ಗುಳ್ಟು' ನವೀನ್​, ಅಚ್ಯುತ್​ ಕುಮಾರ್​ ಸೇರಿದಂತೆ ಹಲವರು ಈ ಚಿತ್ರದಲ್ಲಿ ನಟಿಸಿದ್ದಾರೆ.

https://www.vijayavani.net/sandalwood-veteran-actor-lakshman-passed-away-due-to-heart-attack/