ಅನುಷ್ಕಾರ ಈ ಪೋಲ್ಕಾ ಡಾಟ್​ ಡ್ರೆಸ್​ನ ಬೆಲೆ ಎಷ್ಟಿರಬಹುದು ಹೇಳಿ?

ಇವತ್ತು ಬೆಳಿಗ್ಗೆಯಿಂದ ಸೆಲೆಬ್ರಿಟಿ ಕಪಲ್​ ಅನುಷ್ಕಾ ಮತ್ತು ವಿರಾಟ್​ ಕೋಹ್ಲಿ ಅವರದ್ದೇ ಸುದ್ದಿ. ಗುರುವಾರ ಬೆಳಿಗ್ಗೆ, ಟ್ವಿಟರ್​ ಮೂಲಕ ಅನುಷ್ಕಾ ಶರ್ಮಾ ಅವರು ಮೊದಲ ಬಾರಿಗೆ ಬೇಬಿ ಬಂಪ್​ ಫೋಟೋವನ್ನು ಶೇರ್​ ಮಾಡಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಇನ್ನು ಮುಂದೆ ನಾವು ಇಬ್ಬರಲ್ಲ, ಮೂವರು ಎಂದು ಹೇಳಿಕೊಂಡಿದ್ದಾರೆ. 2021 ಜನವರಿಗೆ ಬರುತ್ತಿದ್ದೇವೆ ಎಂದು ಅಡಿಬರಹ ಸಹ ಬರೆದುಕೊಂಡಿದ್ದಾರೆ.

ಅನುಷ್ಕಾ ಗರ್ಭಿಣಿ ಎಂಬ ಸುದ್ದಿಯನ್ನು ಘೋಷಿಸುತ್ತಿದ್ದಂತೆ ಇದೀಗ ಟ್ವಿಟರ್​ನಲ್ಲಿ #Virushka ಟ್ರೆಂಡ್​ ಆಗಿದೆ. ಅಷ್ಟೇ ಅಲ್ಲ, ವಿರೂಷ್ಕಾ ಹ್ಯಾಶ್​ಟ್ಯಾಗ್​ ಅಡಿಯಲ್ಲಿ ಸಾಕಷ್ಟು ಮೀಮ್​ಗಳು ಹರಿದು ಬರುತ್ತಿವೆ.

ಇದನ್ನೂ ಓದಿ: ‘ಶುಗರ್​ಲೆಸ್​’ ಚಿತ್ರಕ್ಕೆ ಸದ್ದಿಲ್ಲದೆ ಮುಹೂರ್ತವಾಯ್ತು …

ಈ ಮಧ್ಯೆ, ಇನ್ನೊಂದು ವಿಷಯ ಬಹಳ ಚರ್ಚೆಯಾಗುತ್ತಿದೆ. ಅನುಷ್ಕಾ ಶರ್ಮಾ ಇವತ್ತು ಒಂದು ಫೋಟೋ ಹಾಕಿದ್ದಾರಲ್ಲ, ಆ ಫೋಟೋದಲ್ಲಿ ಅವರೊಂದು ಪೋಲ್ಕಾ ಡಾಟ್​ ಡ್ರೆಸ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅ ಡ್ರೆಸ್​ನ ಬೆಲೆ ಎಷ್ಟಿರಬಹುದು ಎಂಬ ಲೆಕ್ಕಾಚಾರ ಇದೀಗ ಶುರುವಾಗಿದೆ.

ಈ ಚರ್ಚೆಗೆ ಕಾರಣವೂ ಇದೆ. ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ತಾವು ತೊಡುವ ಡ್ರೆಸ್​ಗಳು ದೊಡ್ಡ ಮೊತ್ತ ಖರ್ಚು ಮಾಡುತ್ತಾರೆ. ಅದರಲ್ಲೂ ಅನುಷ್ಕಾ ಶರ್ಮಾ ತೊಡುವ ಒಂದೊಂದು ಡ್ರೆಸ್​ಗಳು ಸಹ ಕಾಸ್ಟ್ಲಿ ಎಂದು ಹೇಳಲಾಗುತ್ತದೆ. ಅದೇ ಕಾರಣಕ್ಕೆ ಅನುಷ್ಕಾ ತೊಟ್ಟಿರುವ ಪೋಲ್ಕಾ ಡಾಟ್​ ಡ್ರೆಸ್​ನ ಬೆಲೆ ಏನಿರಬಹುದು ಎಂಬ ಗುಸುಗುಸು ಇದೀಗ ಪ್ರಾರಂಭವಾಗಿದೆ.

ಇದನ್ನೂ ಓದಿ: ಕಿತ್ತಾಡ್ತಿದ್ದ ವಿಜಯ್​-ಅಜಿತ್​ ಅಭಿಮಾನಿಗಳು ಒಂದಾದ್ರು … ಏನು ಕಾರಣ?

ಮೂಲಗಳ ಪ್ರಕಾರ, ಈ ಡ್ರೆಸ್​ ಡಿಸೈನ್​ ಮಾಡಿರುವುದು ನಿಖೋಲಾಸ್​ ಮತ್ತು ಇದರ ಬೆಲೆ 595 ಅಮೇರಿಕಾ ಡಾಲರ್​ ಎಂದು ಹೇಳಲಾಗುತ್ತದೆ. ಅದನ್ನೇ ಭಾರತೀಯ ರೂಪಾಯಿಗೆ ಕನ್ವರ್ಟ್​​ ಮಾಡಿದರೆ, ಅದರ ಮೊತ್ತ ಎಷ್ಟಾಗುತ್ತದೆ ಗೊತ್ತಾ? 45 ಸಾವಿರ ರೂಪಾಯಿಗಳು ಮಾತ್ರ.

ಒಂದು ಡ್ರೆಸ್​ಗೆ ಇಷ್ಟೊಂದು ಮೊತ್ತ ಯಾರಾದರೂ ಕೊಡುವುದಕ್ಕೆ ಸಾಧ್ಯವಾ ಎಂಬ ಪ್ರಶ್ನೆ ಸಹಜವೇ. ಆದರೆ, ಸೆಲೆಬ್ರಿಟಿಗಳಿಗೆ ಇದೇನೂ ಅಷ್ಟು ದೊಡ್ಡ ಮೊತ್ತವಲ್ಲ. ಇದಕ್ಕಿಂತ ಇನ್ನೂ ಜಾಸ್ತಿ ಬೆಲೆಯ ಡ್ರೆಸ್​ಗಳನ್ನು ಅವರು ತೊಡುವುದರಿಂದ, ಇದು ಕಡಿಮೆ ಎಂದರೆ ತಪ್ಪಿಲ್ಲ.

https://www.vijayavani.net/i-did-say-sorry-babu-what-else-would-i-say-rhea/