ಫ್ಯಾಶನ್​ ಡಿಸೈನರ್​ ಮಿಲನಾ; 'ಲವ್​ ಬರ್ಡ್ಸ್​' ಚಿತ್ರದ ಫಸ್ಟ್​ಲುಕ್​ ಬಿಡುಗಡೆ

ಬೆಂಗಳೂರು: 'ಲವ್​ ಬಡ್ಸ್​ರ್' ಚಿತ್ರದಲ್ಲಿ ಮಿಲನಾ ನಾಗರಾಜ್​ ನಾಯಕಿಯರಾಗಿ ನಟಿಸುತ್ತಿರುವುದು ಹೊಸ ವಿಷಯವೇನಲ್ಲ. ಆದರೆ, ಅವರ ಪಾತ್ರವೇನು ಮತ್ತು ಚಿತ್ರದಲ್ಲಿ ಅವರು ಹೇಗೆ ಕಾಣುತ್ತಾರೆ ಎಂಬ ವಿಷಯ ರಹಸ್ಯವಾಗಿಟ್ಟಿದ್ದರು ನಿರ್ದೇಶಕ ಪಿ.ಸಿ. ಶೇಖರ್​.

ಇದನ್ನೂ ಓದಿ: ‘ಶೆಹಜಾದ’ ಚಿತ್ರದ ಮೂಲಕ ನಿರ್ಮಾಪಕನಾದ ಕಾರ್ತಿಕ್​ ಆರ್ಯನ್​

ಈಕ ಕೊನೆಗೂ ಅವರು ಚಿತ್ರದ ಮಿಲನಾ ಅವರ ಫಸ್ಟ್​ ಲುಕ್​ ಬಹಿರಂಗಗೊಳಿಸಿದ್ದಾರೆ. ಅಷ್ಟೇ ಅಲ್ಲ, ಚಿತ್ರದಲ್ಲಿ ಅವರ ಪಾತ್ರವೇನು ಎಂಬುದನ್ನು ಸಹ ಬಹಿರಂಗಗೊಳಿಸಿದ್ದಾರೆ. ಈ ಕುರಿತು ಮಾತನಾಡುವ ಅವರು, 'ಮಿಲನಾ ಇಲ್ಲಿ ಸ್ವತಂತ್ರ ಮಹಿಳೆಯಾಗಿ ಕಾಣಿಸಿಕೊಂಡಿದ್ದಾರೆ. ಹಲವು ಗುರಿಗಳಿರುವ ಪಾತ್ರ. ಯಾರಿಗೂ ಕೇರ್​ ಮಾಡದ ಡೋಂಟ್​ ಕೇರ್ ಪಾತ್ರ ಅವರದ್ದು. ಬೊಟೀಕ್​ ನಡೆಸುತ್ತಿರುತ್ತಾರೆ. ಫ್ಯಾಶನ್​ ಡಿಸೈನರ್​ ಆಗಿರುತ್ತಾರೆ. ಬಹಳ ಕ್ಲಾಸ್​ ಆಗಿ ಇಡೀ ಚಿತ್ರ ರೂಪುಗೊಂಡಿದೆ. ಎಲ್ಲ ಗಂಡ-ಹೆಂಡತಿಯರಿಗೂ ಕನೆಕ್ಟ್​ ಆಗುವ ಚಿತ್ರ ಇದು' ಎನ್ನುತ್ತಾರೆ.

ಇದು ಆಧುನಿಕ ಗಂಡ-ಹೆಂಡತಿಯ ಕಥೆಯಂತೆ. 'ಈಗಿನ ಕಾಲದ ಗಂಡ-ಹೆಂಡತಿ ಸಾಮಾಜಿಕವಾಗಿ, ಆರ್ಥಿಕವಾಗಿ ಏನೆಲ್ಲ ಸಮಸ್ಯೆಗಳನ್ನು ಎದುರಿಸುತ್ತಾರೆ? ಅವರ ನೋವೇನು? ಅವರ ನಡುವಿನ ಬಂಧ ಹೇಗಿರುತ್ತದೆ? ಮುಂತಾದ ಹಲವು ವಿಷಯಗಳನ್ನು ಈ ಚಿತ್ರದಲ್ಲಿ ಹೇಳುವುದಕ್ಕೆ ಹೊರಟಿದ್ದೇವೆ. ಇದೊಂದು ಸುಂದರವಾದ ಪ್ರೇಮಕಥೆ' ಎನ್ನುತ್ತಾರೆ ಶೇಖರ್​.

ಇದನ್ನೂ ಓದಿ: ‘ದಿ’ ಸಿನಿಮಾಗೆ ‘ಸಿಂಪಲ್’ ಸುನಿ ಸಾಥ್ … ಶೀರ್ಷಿಕೆ ಬಿಡುಗಡೆ

ಈ ಚಿತ್ರದಲ್ಲಿ ನಾಯಕನಾಗಿ 'ಡಾರ್ಲಿಂಗ್​' ಕೃಷ್ಣ ನಟಿಸುತ್ತಿದ್ದು, ಮತ್ತೊಂದು ಪಾತ್ರದಲ್ಲಿ ಸಂಯುಕ್ತ ಹೊರನಾಡು ಇದ್ದಾರೆ. ಜತೆಗೆ ರಂಗಾಯಣ ರಘು, ಸಾಧು ಕೋಕಿಲ, ಅವಿನಾಶ್​, ವೀಣಾ ಸುಂದರ್​ ಮುಂತಾದ ಜನಪ್ರಿಯ ಕಲಾವಿದರು ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಏಳು ಹಾಡುಗಳಿದ್ದು, ಅರ್ಜುನ್​ ಜನ್ಯ ಸಂಗೀತ ಸಂಯೋಜಿಸುತ್ತಿದ್ದಾರೆ. ಶಕ್ತಿ ಶೇಖರ್​ ಛಾಯಾಗ್ರಹಣವಿದೆ. 'ಕಡ್ಡಿಪುಡಿ' ಚಂದ್ರು ನಿರ್ಮಿಸುತ್ತಿರುವ ಈ ಚಿತ್ರದ ಚಿತ್ರೀಕರಣ ಬಹುತೇಕ ಮುಕ್ತಾಯಗೊಂಡಿದ್ದು, ಸದ್ಯದಲ್ಲೇ ಪೋಸ್ಟ್​ ಪ್ರೊಡಕ್ಷನ್​ ಕೆಲಸಗಳು ಪ್ರಾರಂಭವಾಗಲಿವೆ.

https://www.vijayavani.net/niveditha-gowda-and-chandan-shetty-expecting-their-first-child/