ಅತ್ಯಾಚಾರ ಆರೋಪದಡಿ ನಿರ್ದೇಶಕ ಅನುರಾಗ್​ ಕಶ್ಯಪ್ ವಿರುದ್ಧ ದೂರು ದಾಖಲು

ಮುಂಬೈ: ಬಾಲಿವುಡ್​ನ ಖ್ಯಾತ ನಿರ್ದೇಶಕ ಅನುರಾಗ್​ ಕಶ್ಯಪ್​ ವಿರುದ್ಧ ಮಂಗಳವಾರ ರಾತ್ರಿ ದೂರು ದಾಖಲಾಗಿದೆ. ಇಲ್ಲಿನ ವರ್ಸೋವಾ ಪೊಲೀಸ್​ ಠಾಣೆಯಲ್ಲಿ ನಟಿಯೊಬ್ಬರು ಅತ್ಯಾಚಾರ ಆರೋಪದಡಿ ಅನುರಾಗ್ ವಿರುದ್ಧ ದೂರು ನೀಡಿದ್ದಾರೆ.

ಇದನ್ನೂ ಓದಿ: ಬ್ಯಾಂಕ್​ನಲ್ಲಿ ಸಾಲ​ ಪಡೆದು ‘ಜಾಗ್ವಾರ್​’ ಸಿನಿಮಾ ನಿರ್ಮಾಣ; ಹಳೇ ದಿನಗಳ ನೆನಪಲ್ಲಿ ನಿಖಿಲ್​ ಕುಮಾರ್​

2013ರಲ್ಲಿ ಅತ್ಯಾಚಾರ ಮತ್ತು ಕಿರುಕುಳ ನೀಡಿದ್ದರು ಎಂದು ನಟಿಯೊಬ್ಬರು ಅನುರಾಗ್​ ವಿರುದ್ಧ ಆರೋಪ ಮಾಡಿದ್ದರು. ಆ ಆರೋಪ ಶುದ್ಧ ಸುಳ್ಳು ಮತ್ತು ಬೇಸ್​ಲೆಸ್​ ಎಂದು ಅನುರಾಗ್ ಹೇಳಿಕೊಂಡಿದ್ದರು. ಮಂಗಳವಾರ ವಕೀಲರ ಸಮೇತ ವರ್ಸೋವಾ ಠಾಣೆಗೆ ಆಗಮಿಸಿ ದೂರು ನೀಡಿದ್ದಾರೆ.

ದೂರಿನನ್ವಯ ಅನುರಾಗ್​ ವಿರುದ್ಧ ಕಲಂ 376, 354, 341, 342 ಅಡಿಯಲ್ಲಿ ದೂರು ದಾಖಲು ಮಾಡಿಕೊಳ್ಳಲಾಗಿದೆ. ಸದ್ಯ 2013ರ ಘಟನೆ ಬಗ್ಗೆ ಮಾಹಿತಿ ಕಲೆ ಹಾಕುವ ಪ್ರಕ್ರಿಯೆ ಶುರುವಾಗಿದ್ದು, ಶೀಘ್ರದಲ್ಲಿ ವಿಚಾರಣೆಗೆ ಅನುರಾಗ್​ ಅವರನ್ನು ಪೊಲೀಸ್​ ಇಲಾಖೆ ಆಹ್ವಾನಿಸಲಿದೆ.

ಇದನ್ನೂ ಓದಿ: ‘ಪೊಗರು’ ಚಿತ್ರದ ಇಂಟ್ರೊಡಕ್ಷನ್​ ಹಾಡಿನ ಬಜೆಟ್​ ಎಷ್ಟು ಗೊತ್ತೆ?

ಈ ಮೊದಲು ಓಶಿವಾರಾ ಪೊಲೀಸ್​ ಠಾಣೆಗೆ ದೂರು ನೀಡಲು ನಟಿ ತೆರಳಿದ್ದರು. ಅತ್ಯಾಚಾರ ಆಗಿತ್ತು ಎನ್ನಲಾದ ಸ್ಥಳದ ವ್ಯಾಪ್ತಿಗೆ ಬರಲಿರುವ ಠಾಣೆಗೆ ದೂರು ನೀಡಿ ಎಂದು ಪೊಲೀಸ್​ ಇಲಾಖೆ ತಿಳಿಸಿತ್ತು. ಅದರಂತೆ ಇದೀಗ ವರ್ಸೋವಾ ಠಾಣೆಯಲ್ಲಿ ದೂರು ದಾಖಲಾಗಿದೆ. (ಏಜೆನ್ಸೀಸ್​)

https://www.vijayavani.net/yash-radhika-daughter-ayra-become-a-teacher-now/