ಡಿಂಪಲ್​ ಕ್ವೀನ್​ಗೆ ಜ್ವರ-ಶೀತ; ಊಟ, ನಿದ್ದೆ ಬಿಟ್ಟ ರಚಿತಾ ರಾಮ್?

ಬೆಂಗಳೂರು: ಸ್ಯಾಂಡಲ್​ವುಡ್ ಡಿಂಪಲ್​ ಕ್ವೀನ್​ ರಚಿತಾ ರಾಮ್ ಈಗ ಸಿಕ್ಕಾಪಟ್ಟೆ ಬ್ಯೂಸಿಯಾಗಿರುವ ನಟಿಯರಲ್ಲಿ ಒಬ್ಬರು ಎಂದೇ ಹೇಳಬೇಕು. ಹೌದು, ಡಿ.31ಕ್ಕೆ ರಿಲೀಸ್ ಆಗಲಿರುವ 'ಲವ್ ಯು ರಚ್ಚು' ಚಿತ್ರ, ಜನವರಿ 21ಕ್ಕೆ ಬಿಡುಗಡೆಯಾಗಲಿರುವ 'ಏಕ್ ಲವ್ ಯಾ' ಚಿತ್ರ, ಚಂದನ್ ಶೆಟ್ಟಿ ಜೊತೆ ಹೊಸ ವರ್ಷದ ವಿಶೇಷ ಹಾಡು, ಮತ್ತೊಂದಿಷ್ಟು ಸಿನಿಮಾಗಳು, ಹಾಡುಗಳು ಅಂತ ರಚಿತಾ ರಾಮ್ ಇತ್ತೀಚೆಗೆ ಯಾರ ಕೈಗೂ ಸಿಗದಷ್ಟು ಕೆಲಸದಲ್ಲಿ ಬ್ಯೂಸಿಯಾಗಿ ಬಿಟ್ಟರು. ಇದೀಗ, ತಮ್ಮ ವಿರಾಮವಿಲ್ಲದ ಕೆಲಸವೇ ನಟಿಯ ಅನಾರೋಗ್ಯಕ್ಕೆ ಕಾರಣವಾಗಿದೆ.

ಹೌದು, ಒಂದು ವಾರದ ಹಿಂದೆ ಡಿಂಪಲ್ ಕ್ವೀನ್ 'ಏಕ್ ಲವ್ ಯಾ' ಚಿತ್ರತಂಡದೊಂದಿಗೆ ಶಿವಮೊಗ್ಗಕ್ಕೆ ತೆರಳಿದ್ದರು. ಇನ್ನು, ಶಿವಮೊಗ್ಗದಿಂದ ವಾಪಾಸ್ ಆಗುತ್ತಿದ್ದಂತೆ ರಚಿತಾ ರಾಮ್ ಆರೋಗ್ಯ ಹದಗೆಟ್ಟಿದ್ದು, ಆಸ್ಪತ್ರೆಗೆ ದಾಖಲಾಗಿದ್ದರು ಎಂಬ ವಿಷಯ ತಿಳಿದುಬಂದಿದೆ. ಸದ್ಯ, ವೈದ್ಯರು ಚಿಕಿತ್ಸೆ ನೀಡಿದ್ದು, ಡಿಸ್ಚಾರ್ಜ್ ಆದ ನಟಿಗೆ ವಿಶ್ರಾಂತಿಯ ಅಗತ್ಯವಿದೆ ಎಂದು ಹೇಳಿದ್ದಾರಂತೆ ವೈದ್ಯರು. ಕಳೆದ 15 ದಿನಗಳಿಂದ ರಚಿತಾ ರಾಮ್ ಸಖತ್​ ಬ್ಯುಸಿಯಾಗಿದ್ದು, ಅವರು ಇತ್ತೀಚೆಗೆ ಮಂಗಳೂರಿಗೂ ಹೋಗಿ ಬಂದಿದ್ದರು.  

ನಿಖಿಲ್​ ಕುಮಾರಸ್ವಾಮಿ ಅಭಿನಯದ 'ರೈಡರ್' ಸಿನಿಮಾದ ಪ್ರಿ ರಿಲೀಸ್​ ಇವೆಂಟ್​ನಲ್ಲಿಯೂ ಭಾಗಿಯಾಗಿದ್ದರು. ಎಲ್ಲಿ ನೋಡಿದರೂ ನಟಿ ರಚಿತಾ ರಾಮ್ ಕಾಣಿಸಿಕೊಂಡಿದ್ದು, ಹೆಚ್ಚು ಪ್ರಯಾಣದಿಂದ ಆಯಾಸಕ್ಕೆ ಒಳಗಾಗಿ, ಜ್ವರ ಮತ್ತು ಶೀತದಿಂದ ನಟಿ ಬಳಲುತ್ತಿದ್ದರೂ ಎನ್ನಲಾಗಿದೆ. ಪ್ರಚಾರದ ಭರಾಟೆಯಲ್ಲಿ ಸರಿಯಾದ ಸಮಯಕ್ಕೆ ಊಟ, ನಿದ್ದೆ ಮಾಡುತ್ತಿರಲಿಲ್ಲ ರಚಿತಾ ಎಂದು ಮೂಲಗಳು ತಿಳಿಸಿವೆ. ನಟ ಚಿರಂಜೀವಿ ಅವರ ಅಳಿಯ ಕಲ್ಯಾಣ್ ದೇವ್ ಚಿತ್ರ 'ಸೂಪರ್ ಮಚ್ಚಿ'ಯಿಂದ ತೆಲುಗಿಗೂ ಪಾದಾರ್ಪಣೆ ಮಾಡಲು ರೆಡಿಯಾಗಿದ್ದಾರೆ. 

https://www.vijayavani.net/sai-pallavi-expresses-her-willingness-to-act-in-bollywood-films/

https://www.vijayavani.net/samantha-bikini-photos-with-friends-from-goa-goes-viral-on-internet-space/

https://www.vijayavani.net/namratha-shirodkar-shares-a-beautiful-life-journey-video-of-her-on-instagram-and-video-goes-viral/