ಬಾಲಿವುಡ್​ನಲ್ಲಿ ಸಿನಿಮಾ ಆಗಲಿದೆ ಗಲ್ವಾನ್​ ದಾಳಿ!

ಈಗಾಗಲೇ ಬಾಲಿವುಡ್​ನಲ್ಲಿ ನೈಜ ಘಟನೆಗಳನ್ನು ಆಧರಿಸಿ ಸಾಕಷ್ಟು ಸಿನಿಮಾಗಳು ಸಿದ್ಧವಾಗಿವೆ. ಅದರಲ್ಲೂ ಗಡಿ ಕದನದ ಹಿನ್ನೆಲೆಯಲ್ಲಿ ಮೂಡಿಬಂದ ಸಿನಿಮಾಗಳು ವೀಕ್ಷಕರಿಂದಲೂ ಮೆಚ್ಚುಗೆ ಗಿಟ್ಟಿಸಿಕೊಂಡಿವೆ. ಅದಕ್ಕೆ ಇತ್ತೀಚಿನ ಉರಿ; ದಿ ಸರ್ಜಿಕಲ್​ ಸ್ಟ್ರೈಕ್​ ಸಿನಿಮಾ ಸಾಕ್ಷಿ. ಇದೀಗ ಅಂಥದ್ದೇ ಮತ್ತೊಂದು ದಾಳಿ ಹಿನ್ನೆಲೆಯನ್ನುಟ್ಟುಕೊಂಡು ಸಿನಿಮಾ ಮಾಡಲು ಬಾಲಿವುಡ್​ನಲ್ಲಿ ಪ್ಲ್ಯಾನ್​ ನಡೆದಿದ್ದು, ಅದಕ್ಕೆ ಅಜಯ್​ ದೇವಗನ್​ ಮುಂದಾಳತ್ವ ವಹಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಪ್ರಭಾಸ್​ ಚಿತ್ರಕ್ಕೆ ಬಾಲಿವುಡ್​ ನಿರ್ದೇಶಕನಿಂದ ಆ್ಯಕ್ಷನ್​ ಕಟ್​?

ಹೌದು, ಜೂನ್ 15ರಂದು ಇಂಡಿಯಾ ಚೀನಾ ಗಡಿ ಭಾಗ ಗಲ್ವಾನ್​ನಲ್ಲಿ ನಡೆದ ಕಾಳಗವನ್ನೇ ಆಧರಿಸಿ ಸಿನಿಮಾ ಮಾಡುವ ಬಗ್ಗೆ ಅಜಯ್​ ದೇವಗನ್​ ನಿರ್ಧರಿಸಿದ್ದು, ಘೋಷಣೆ ಸಹ ಮಾಡಿದ್ದಾರೆ. 20 ಸೈನಿಕರ ಜೀವ ಹಾನಿಗೆ ಸೇಡು ತೀರಿಸಿಕೊಳ್ಳುವ ಕಥೆಯನ್ನೇ ಸಿನಿಮಾ ಮಾಡುವ ಯೊಜನೆ ಸಿದ್ಧವಾಗುತ್ತಿದ್ದು, ಪ್ರಮುಖ ಪಾತ್ರದಲ್ಲಿ ಅಜಯ್​ ಅವರೇ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲು ಅಸಾಧ್ಯ. ನಿರ್ಮಾಣದಲ್ಲಿ ಕೈ ಜೋಡಿಸಿ ಹೊಸಬರಿಗೆ ನಟಿಸುವ ಅವಕಾಶ ನೀಡಲಿದ್ದಾರೆ ಎಂಬ ಮಾತುಗಳೂ ಕೇಳಿಬರುತ್ತಿವೆ.

ಇದನ್ನೂ ಓದಿ: ಕರೊನಾ ಹಿನ್ನೆಲೆ, ಫ್ಯಾನ್ಸ್​ಗೆ ಶಿವಣ್ಣ ಮಾಡಿದ್ದಾರೊಂದು ಮನವಿ..

ಜೂ.15ರಂದು ಭಾರತ ಹಾಗೂ ಚೀನಾ ನಡುವೆ ಭಾರೀ ಸಂಘರ್ಷ ನಡೆದಿತ್ತು, ಚೀನಾ ನಡೆಸಿದ್ದ ದಾಳಿಯಲ್ಲಿ 20 ಮಂದಿ ಭಾರತೀಯ ಯೋಧರು ಹುತಾತ್ಮರಾಗಿದ್ದರು. ಈ ಘಟನೆ ಬಳಿಕ ಉಭಯ ರಾಷ್ಟ್ರಗಳ ನಡುವಿನ ಸಂಬಂಧ ತೀವ್ರವಾಗಿ ಹದಗೆಟ್ಟಿದೆ. ಗುಂಡಿನ ದಾಳಿ ಬದಿಗಿಟ್ಟು, ಕಲ್ಲು, ಕಬ್ಬಿಣದ ರಾಡ್​ನಿಂದ ಉಭಯ ರಾಷ್ಟ್ರಗಳ ಸೈನಿಕರು ಪರಸ್ಪರ ಹೊಡೆದಾಡಿಕೊಂಡಿದ್ದರು. (ಏಜೆನ್ಸೀಸ್​)​

https://www.vijayavani.net/kollywood-actor-vishals-manager-files-fir-against-female-employee-alleging-swindling-of-funds/