ಪ್ರಭಾಸ್​ ಚಿತ್ರಕ್ಕೆ ಬಾಲಿವುಡ್​ ನಿರ್ದೇಶಕನಿಂದ ಆ್ಯಕ್ಷನ್​ ಕಟ್​?

ಬಾಹುಬಲಿ ಸಿನಿಮಾ ತೆರೆಗೆ ಬಂದಿದ್ದೇ ತಡ, ಪ್ರಭಾಸ್​ ಪ್ಯಾನ್ ಇಂಡಿಯಾ ಹೀರೋ ಆಗಿ ಬೆಳೆದರು. ತೆಲುಗಿನಲ್ಲಷ್ಟೇ ಇದ್ದ ಅಭಿಮಾನಿ ಬಳಗ ರಾಷ್ಟ್ರವ್ಯಾಪಿ ವಿಸ್ತರಿಸಿತು. ಅದಾದ ಬಳಿಕ ಬಂದ ಸಾಹೋ ಸಿನಿಮಾ ಹಲವು ಭಾಷೆಗಳಲ್ಲಿ ಬಿಡುಗಡೆಯಾಗಿ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಯಿತು. ಅಲ್ಲಿಂದ ಇಲ್ಲಿಯವರೆಗೂ ಪ್ರಭಾಸ್​ ಮುಂದಿನ ಸಿನಿಮಾ ಯಾವುದು ಎಂದು ಅಭಿಮಾನಿಗಳು ಕಾದು ಕುಳಿತಿದ್ದೇ ಬಂತು, ಯಾವುದೇ ಅಪ್​ಡೇಟ್​ ಮಾಹಿತಿ ಹೊರಬರಲಿಲ್ಲ. ಇದೀಗ ಆ ಬಗ್ಗೆ ಒಂದಷ್ಟು ಮಾಹಿತಿ ಲಭ್ಯವಾಗಿದೆ.

ಇದನ್ನೂ ಓದಿ: ಕರೊನಾ ಹಿನ್ನೆಲೆ, ಫ್ಯಾನ್ಸ್​ಗೆ ಶಿವಣ್ಣ ಮಾಡಿದ್ದಾರೊಂದು ಮನವಿ..

ಈಗಾಗಲೇ ಗೊತ್ತಿರುವಂತೆ ಜಿಲ್​ ಸಿನಿಮಾ ಖ್ಯಾತಿಯ ರಾಧಾಕೃಷ್ಣ ಜತೆ ಪ್ರಭಾಸ್​ ಸಿನಿಮಾ ಮಾಡುತ್ತಿದ್ದಾರೆ. ಮುಂದಿನ ತಿಂಗಳಿಂದ ಆ ಚಿತ್ರದ ಶೂಟಿಂಗ್​ಗೆ ಚಾಲನೆ ಸಿಗಲಿದೆ. ಬಳಿಕ ಮಹಾನಟಿ ಸಿನಿಮಾ ಖ್ಯಾತಿಯ ನಾಗ್​ ಅಶ್ವಿನ್​ ಜತೆಗೂ ದೊಡ್ಡ ಬಜೆಟ್​ನ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಶ್ವಿನ್​ ದತ್ ಆ ಚಿತ್ರಕ್ಕೆ ಬಂಡವಾಳ ಹೂಡಲಿದ್ದಾರೆ. ಇದೀಗ ಮೂರನೇ ಪ್ರಾಜೆಕ್ಟ್ ಬಗ್ಗೆ ಮಾಹಿತಿ ಲಭ್ಯವಾಗಿದೆ.

ಇದನ್ನೂ ಓದಿ: ಚಾರ್ಲಿಗೆ ಜತೆಯಾದ ದಾನಿಶ್

ಬಾಲಿವುಡ್​ನ ಖ್ಯಾತ ನಿರ್ದೇಶಕರೊಬ್ಬರು ಪ್ರಭಾಸ್​ ಚಿತ್ರಕ್ಕೆ ಆ್ಯಕ್ಷನ್ ಕಟ್​ ಹೇಳಲಿದ್ದು, ಯೂವಿ ಪ್ರೊಡಕ್ಷನ್​ನಲ್ಲಿ ಚಿತ್ರ ನಿರ್ಮಾಣವಾಗಲಿದೆಯಂತೆ. ಪ್ರಭಾಸ್​ ಹಿಂದೆಂದೂ ಕಾಣಿಸಿದ ಲುಕ್​ನಲ್ಲಿ ಮತ್ತು ವಿಭಿನ್ನ ಕಥೆ ಮೂಲಕ ಆ ಸಿನಿಮಾ ಶುರುವಾಗಲಿದೆಯಂತೆ. ಆದರೆ, ಸದ್ಯಕ್ಕೆ ಎರಡು ಸಿನಿಮಾ ಕೈಯಲ್ಲಿರುವುದರಿಂದ ಆ ಸಿನಿಮಾ ಮುಗಿದ ಬಳಿಕವಷ್ಟೇ ಈ ಪ್ರಾಜೆಕ್ಟ್ ನತ್ತ ವಾಲಲಿದ್ದಾರೆ. (ಏಜೆನ್ಸೀಸ್​)

https://www.vijayavani.net/bhumika-chawla-pens-long-note-for-sushant-singh-rajput/