ಶಿರಾ ಉಪ ಚುನಾವಣೆ; ಬಿಗ್​ಬಾಸ್​ ರನ್ನರ್​ ಅಪ್​ ದಿವಾಕರ್ ಸ್ಪರ್ಧೆ

ಬೆಂಗಳೂರು: ಬಿಗ್​ಬಾಸ್​ ಸೀಸನ್​ 4ರ ರನ್ನರ್​ ಅಪ್​ ಆಗಿದ್ದ ಸೇಲ್ಸ್​ಮನ್​ ದಿವಾಕರ್​ ಚುನಾವಣೆಗೆ ಸ್ಪರ್ಧಿಸಲು ಸಿದ್ಧತೆ ನಡೆಸಿದ್ದಾರೆ. ಇತ್ತೀಚೆಗಷ್ಟೇ ಜೆಡಿಎಸ್​ ಶಾಸಕ ಬಿ. ಸತ್ಯನಾರಾಯಣ್​ ಅವರಿಂದ ತೆರವಾಗಿದ್ದ ಶಿರಾ ವಿಧಾನಸಭಾ ಕ್ಷೇತ್ರದಲ್ಲಿ ದಿವಾಕರ್​ ಕಣಕ್ಕಿಳಿಯಲಿದ್ದು, ಅದಕ್ಕಾಗಿ ತಯಾರಿಯನ್ನೂ ನಡೆಸಿದ್ದಾರೆ.

ಇದನ್ನೂ ಓದಿ: ಕೆ.ಕಲ್ಯಾಣ್​ರ ಮನೆ ಹಾಳು ಮಾಡಿದ ಮನೆಕೆಲಸದವಳು; ಗಂಗಾ, ಶಿವಾನಂದ್ ಹಿಸ್ಟರಿಯೇ ಭಯಾನಕ

ಈ ಸಂಬಂಧ ವಿಜಯವಾಣಿ ಜತೆಗೆ ಮಾತನಾಡಿರುವ ದಿವಾಕರ್​, ‘ನಾನು ಮೂಲತಃ ಮೈಸೂರು ಜಿಲ್ಲೆ ತಿ. ನರಸೀಪುರದವನಾದರೂ, ಶಿರಾದೊಂದಿಗೆ ಉತ್ತಮ ಬಾಂಧವ್ಯ ಇದೆ. ಸೇಲ್ಸ್​ ಮೆನ್​ ಆಗಿದ್ದಾಗ ಮತ್ತು ಬಿಗ್​ಬಾಸ್​ ಮುಗಿದ ಬಳಿಕವೂ ಸಾಕಷ್ಟು ಸಲ ಹೋಗಿಬಂದಿದ್ದೇನೆ. ಅಲ್ಲಿನ ಜನರೂ ಪರಿಚಿತರಿದ್ದಾರೆ. ಹಾಗಾಗಿ ನಾನ್ಯಾಕೆ ಚುನಾವಣೆಗೆ ಸ್ಪರ್ಧಿಸಬಾರದು ಎಂಬ ಆಲೋಚನೆ ಬಂತು. ಸ್ನೇಹಿತರೂ ನಿಲ್ಲುವಂತೆ ಬೆನ್ನುತಟ್ಟಿದ್ದಾರೆ’ ಎನ್ನುತ್ತಾರೆ ದಿವಾಕರ್​.

ಸದ್ಯ ಒಂದಷ್ಟು ಪಕ್ಷಗಳ ಜತೆ ಟಿಕೆಟ್​ ಸಲುವಾಗಿ ಮಾತುಕತೆ ನಡೆಸಿದ್ದಾರೆ. ಮುಂದಿನ ನಾಲ್ಕೈದು ದಿನಗಳಲ್ಲಿ ಅವರಿಂದ ಉತ್ತರ ಸಿಗಲಿದೆ. ಒಂದು ವೇಳೆ ಯಾವುದೇ ಟಿಕೆಟ್ ಸಿಗಲಿಲ್ಲ ಎಂದಾದರೆ, ಸ್ವತಂತ್ರ ಅಭ್ಯರ್ಥಿಯಾಗಿ ಕಣಕ್ಕೆ ಇಳಿಯುವ ಬಗ್ಗೆ ದಿವಾಕರ್​ ಹೇಳಿದ್ದಾರೆ.

ಇದನ್ನೂ ಓದಿ: ಎನ್​​ಸಿಬಿ ಉಪನಿರ್ದೇಶಕ ಮಲ್ಹೋತ್ರಾರಿಂದ ವಿಚಾರಣೆಗೆ ಒಳಪಟ್ಟಿದ್ದ ದೀಪಿಕಾಗೆ ಮತ್ತೊಂದು ಆತಂಕ

ಸಾಮಾನ್ಯ ವ್ಯಕ್ತಿಯಾಗಿಯೇ ನಾನು ಬಿಗ್​ಬಾಸ್​ಗೆ ಬಂದೆ, ಅದರ ಬಳಿಕವೂ ಸಾಮಾನ್ಯನಾಗಿಯೇ ಇದ್ದೇನೆ. ಈಗಲೂ ನನ್ನ ಕೆಲಸ ಸೇಲ್ಸ್​ ಮ್ಯಾನ್​. ಪ್ರೀತಿ ತೋರುವ ಜನ ಸಾಕಷ್ಟಿದ್ದಾರೆ. ಅದೆಲ್ಲವೂ ಈ ಚುನಾವಣೆಯಲ್ಲಿ ಅನುಕೂಲ ಆಗಲಿದೆ ಎಂಬುದು ದಿವಾಕರ್​ ಮಾತು. ಅಂದಹಾಗೆ, ನವೆಂಬರ್​ 3ರಂದು ಶಿರಾ ಉಪ ಚುನಾವಣೆ ನಡೆಯಲಿದೆ.

https://www.vijayavani.net/chiranjeevi-sarja-meghana-raj-seemantha-shastra/