ಬಿಗ್​ಬಾಸ್ ಮುಗೀತು.. ಪ್ರಸಾರ ಮುಗಿದಿಲ್ಲ..!

ಬೆಂಗಳೂರು: ಕೋವಿಡ್ ಲಾಕ್​ಡೌನ್ ಹಿನ್ನೆಲೆಯಲ್ಲಿ ಬಿಗ್​ಬಾಸ್ ಸೀಸನ್ 8 ಭಾನುವಾರಕ್ಕೆ ಮುಕ್ತಾಯವಾಗಿದೆ. ಬಣ್ಣ ಬಣ್ಣದ ದೀಪಗಳಿಂದ ಸದಾ ಅಲಂಕೃತವಾಗಿ ಕಂಗೊಳಿಸುತ್ತಿದ್ದ ಬಿಗ್ ಮನೆಯ ದೀಪಗಳು ಆರಿವೆ. ಎಲ್ಲರ ಹಾವ ಭಾವ, ಭಂಗಿಯನ್ನು ಸೆರೆಹಿಡಿಯುತ್ತಿದ್ದ ಕ್ಯಾಮರಾಗಳು ಕಣ್ಣುಮುಚ್ಚಿವೆ.. ಆದರೆ, ಇದೇ ಬಿಗ್​ಬಾಸ್ ವೀಕ್ಷಕರಿಗೆ ಇಲ್ಲೊಂದು ಸಿಹಿ ಸುದ್ದಿಯೂ ಇದೆ. ಅದೇನೆಂದರೆ, ಬಿಗ್​ಬಾಸ್ ಚಿತ್ರೀಕರಣ ಮುಗಿದರೂ, ಅದರ ಪ್ರಸಾರ ಇನ್ನೂ ಮುಗಿದಿಲ್ಲ.

ಅಂದರೆ, ಮುಂದಿನ ಒಂದು ವಾರದವರೆಗೂ ಬಿಗ್​ಬಾಸ್ ಏಪಿಸೋಡ್​ಗಳು ಪ್ರಸಾರವಾಗುವ ಸಾಧ್ಯತೆ ಇದೆ. ಭಾನುವಾರ ಎಂದಿನಂತೆ ಒಬ್ಬೊಬ್ಬರನ್ನೆ ಮನೆಯಿಂದ ಹೊರಗೆ ಕರೆಸಿ ಮಾರ್ಗಸೂಚಿ ಪ್ರಕಾರ ಕೋವಿಡ್ ಪರೀಕ್ಷೆ ಮಾಡಿಸಿ, ಅವರನ್ನು ಸುರಕ್ಷಿತವಾಗಿ ಅವರವರ ಮನೆಗಳಿಗೆ ತಲುಪಿಸುವ ಕಾರ್ಯವಾಗಿದೆ. ಹಾಗೆ ಒಬ್ಬೊಬ್ಬರ ಕೋವಿಡ್ ಪರೀಕ್ಷೆಗೆ ಒಂದು ಗಂಟೆ ಅವಧಿ ತಗುಲಿರುವುದರಿಂದ, ಆ ಬಿಡುವಿನಲ್ಲಿ ಇನ್ನುಳಿದ ಮನೆಯವರ ಎಂದಿನ ಮಾತುಕತೆ, ಹರಟೆ ಎಲ್ಲವನ್ನೂ ಮುಂದಿನ ಒಂದು ವಾರ ಕಲರ್ಸ್ ಕನ್ನಡ ಪ್ರಸಾರ ಮಾಡಲಿದೆ.

https://www.vijayavani.net/both-sons-died-2-days-after-the-death-of-mother-all-three-lost-life-due-to-corona/

https://www.vijayavani.net/corona-creating-tragedy-in-family/