'ಗೂಢಚಾರಿ 2' ಚಿತ್ರದಲ್ಲಿ ಅಡಿವಿಶೇಷ್​ಗೆ ಜೋಡಿಯಾದ ಬಾಲಿವುಡ್​ ನಟಿ ಯಾರು ಗೊತ್ತಾ?

ಬಾಲಿವುಡ್‌ನ ‘ಅಕ್ಟೋಬರ್’ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ನಟಿ ಬನಿತಾ ಸಂಧು, ನಂತರ ‘ಸರ್ದಾರ್ ಉದ್ಧಮ್’, ತಮಿಳಿನ ‘ಆದಿತ್ಯ ವರ್ಮಾ’, ಹಾಲಿವುಡ್‌ನ ‘ಎಟರ್ನಲ್ ಲವ್’ ಚಿತ್ರಗಳಲ್ಲಿ ಮಿಂಚಿದ್ದಾರೆ. ಈಗ ತೆಲುಗು ಚಿತ್ರರಂಗಕ್ಕೂ ಪದಾರ್ಪಣೆ ಮಾಡಲು ರೆಡಿಯಾಗಿದ್ದಾರೆ ಬನಿತಾ ಸಂಧು. ಹೌದು, ಟಾಲಿವುಡ್‌ನ ‘ಮೇಜರ್’, ‘ಹಿಟ್’ ಸಿನಿಮಾಗಳ ಖ್ಯಾತಿಯ ಅಡಿವಿಶೇಷ್ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿರುವ ಚಿತ್ರವಿದು.

ಇದನ್ನೂ ಓದಿ : ಕ್ಲಾಸ್​ ತೆಗೆದುಕೊಳ್ಳಲಿದ್ದಾರೆ ಪ್ರೊಫೆಸರ್​ ಮೇಘನಾ ; ‘ಛೂ ಮಂತರ್’, ‘ದ ಜಡ್ಜ್‌ಮೆಂಟ್’ ಚಿತ್ರಗಳಲ್ಲಿ ನಟನೆ

2018ರಲ್ಲಿ ತೆರೆಕಂಡ ‘ಗೂಢಾಚಾರಿ’ ಚಿತ್ರದ ಸೀಕ್ವಲ್ ‘ಗೂಢಾಚಾರಿ 2’ಗೆ ಬನಿತಾ ನಾಯಕಿಯಾಗಿ ಚಿತ್ರತಂಡ ಸೇರಿದ್ದಾರೆ. ಈ ಬಗ್ಗೆ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿರುವ ಅಡಿವಿಶೇಷ್, ‘ಎಲ್ಲರಿಗೂ ಒಂದು ಸರ್‌ಪ್ರೈಸ್! ಹಿಂದಿ, ಇಂಗ್ಲಿಷ್ ಆಯಿತು. ಬನಿತಾ ತೆಲುಗು ಸಿನಿಮಾ ಮಾಡುತ್ತಿದ್ದಾರೆ. ‘ಗೂಢಚಾರಿ’ ಬಳಗಕ್ಕೆ ಸ್ವಾಗತ ಅವರಿಗೆ’ ಎಂದು ಅಕ್ಕರೆಯ ಸ್ವಾಗತಕೋರಿದ್ದಾರೆ.

ಇದನ್ನೂ ಓದಿ : ಶ್ರುತಿ ಹಾಸನ್ ಬೆನ್ನ ಮೇಲೆ ಟ್ಯಾಟೂ…ಅರ್ಥವೇನು? ಎಂದು ಕೇಳಿದ ಫ್ಯಾನ್ಸ್​

ವಿಶೇಷ ಎಂದರೆ ಮೊದಲ ತೆಲುಗು ಸಿನಿಮಾ ಜತೆಗೆ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ ಎನ್ನುವ ಖುಷಿಯಲ್ಲಿದ್ದಾರೆ ಬನಿತಾ. ಅಂದಹಾಗೆ, ಈ ಚಿತ್ರಕ್ಕೆ ‘ಮೇಜರ್’ ಸಿನಿಮಾದ ಸಂಕಲನಕಾರ ವಿನಯ್ ಕುಮಾರ್ ಆ್ಯಕ್ಷನ್-ಕಟ್ ಹೇಳುತ್ತಿದ್ದಾರೆ.

https://www.vijayavani.net/saptha-sagaradache-ello-side-b-team-slashes-20-ticket-price